1 Jɔn 4:11 - Ikan feg

¹¹ Ìmbum mə̀sə̀ʼ, icheg ne Ŋwiye ya bi kɔ̀ŋ awa, tì mənyìʼ ya kɔ̀ŋɔ̀ wə̀d imɔʼ imɔʼ.

Meta’

¹¹ Mbɨ bɔŋgɔb nɨ mə̀ ghaʼi kwàʼ rɨŋgəʼ, wɔ̂ mɨ yeʼ ɨchî nɨ Ŋwìə̀ ghaʼ əwa, njɨ tɨ̀ berɨ bɨ ghaʼ a ɨnyod mbǎ mbǎ.

1 Jɔn 4:11 교차 참조

Lk 10:37

Àchwitì mə̀nɔ̀ʼɔ̀ we ya ywìtì gha, “À ya wə̀d ne ya chwi àsɔ̀mnəfiŋ igun məd.” Yeso ya si ghà ibo gha, “Ndò, ghò fàʼ ane bə.”

Jn 13:34

Mə ya anìŋ nàʼà ikə feg inən gha, “Mbə̀ kɔŋɔ wə̀d imɔʼ imɔʼ. Icheg ne mə̀ kɔ̀ŋ awən, mbə̀ bə̀ kɔ̀ŋ mə̀mbin.

Efesùs 4:31

Mbə̀ waʼ agaŋ, bə̀ waʼ achɔb bə̀ waʼ iswḛ, bə̀ waʼ anug ni swèg ìsɔm, bə̀ waʼ ikuchèg we ne ghìyə̀ bəd bà̰ mə̀mbin. Mbə̀ bə waʼ anug ni chàpì tikum bəd. Mbə̀ bə wàʼ tiku inug tibɔ̀ŋ ndəŋ ijìm.

Kòlosè 3:13

Mbə̀ ya nyìmbe fìŋ tì bəd bə̀ wàʼa inug tibɔ̀ŋ mbe ne bəd gughi inən. Mbə̀ waʼ inug tibɔ̀ŋ bəd icheg ne Anɔŋisəg ya fə bi waʼ ìmbən tì inug tibɔ̀ŋ.

1 Jɔn 2:7

Ìmbum mə̀sə̀ʼ ne mə̀ taŋ kɔ̀ŋ, ikə gho̰ ne mə ŋwàʼrà inən anìŋ ya kayi ikə feg. À ya ikə anun ne mbi ya fə chwiti inən anyumə̀ ne mbə̀ ya bḛ Kristo. À ya ikə anun we ne mbə̀ ya fə zughi.

1 Jɔn 3:11

Ikən we ne mbə̀ ya zughi kwàʼ ane nyumə̀ ne mbə̀ ya bḛ Yeso Kristo ya gha; tì ya kɔ̀ŋɔ̀ mə̀mbin.

1 Jɔn 3:23

Ikə ne məd nàʼi ina ya gha: Tì ziye ibḛfiŋ inga Ŋwan məd, Yeso Kristo, bə̀ ya kɔ̀ŋɔ̀ mə̀mbin icheg ne məd gha.

1 Jɔn 4:7

Ìmbum mə̀sə̀ʼ, mbə̀ ghiyə tì ya kɔ̀ŋɔ̀ mə̀mbin imbə̀ʼ icheg ne àkɔ̀ŋì ya nɔ̀ʼɔ̀ abə Ŋwiye. Wə̀d we ne kɔ̀ŋɔ̀ bəd, məd ya wə̀d Ŋwiye bə̀ yaʼ wə̀d ne kyeri Ŋwiye.

2 Jɔn 1:5

Amad anìŋ, mə ya ŋwàʼrà anìŋ ine, àghò àyi kyen ne mə̀ taŋ kɔ̀ŋ. Kayi ikə feg ne mə ŋwàʼrà. À ya ikə ne mbi ya nàʼi ina kwàʼ ane nyùmə̀ ne tì ya bḛ Yeso Kristo. Ikə gho̰ ya gha, tì ya kɔ̀ŋɔ̀ wə̀d imɔʼ imɔʼ ne yaʼi abɔ̀ʼ ina.