1 Jɔn 4:1 - Ikan feg

¹ Ìmbum mə̀sə̀ʼ ne mə̀ taŋ kɔ̀ŋ, imbə̀ʼ mbə̰ bḛ awən wə̀d ijìm ne ghà gha Azwighi Ŋwiye ze ibo inga fìŋ. Mbə̀ bi zweʼri aməd ni kyeri gha azwighi ze ne yaʼi inga məd kə nɔ̀ʼ abə Ŋwiye? Aton ya gha, bədkə̀n nɔʼ nɔʼ ne ghà inug ako fə sàkà inga isəg.

Meta’

¹ Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.

1 Jɔn 4:1 교차 참조

Mk 13:21

Wə̀d mɔ̀ʼɔ mə̀ ghà inən ane nyùmə̀ we gha, ‹Mbə̀ Nḛ, aŋa ya Wə̀d we ne Ŋwiye zɔ̀ʼi.› Kə̀ gha, ‹Mbə̀ Nḛ, à ya məd we!› Imbə̀ʼ mbə̰ bḛ awən.

Lk 12:57

Aton ne chəyi mbə̰ mbe kɔ̀ndɔ anug ne koʼi ni fàʼ àkə gha?

Lk 21:8

Wì ya ywìtì gha, “Mbə̀ niŋə nyùmə̀ gha imbə̀ʼ mbi nɔ̀ʼ chè tàmbi awən. Mə ya ghà ane imbə̀ʼ icheg ne bəd nɔʼ nɔʼ biri yeʼe ane ìmə ikum. Wə̀d imɔʼ imɔʼ abɔ̀ʼ inɔb biri se yḛ̀ nè gha, à ya zìye ne Ŋwiye zɔ̀ʼi, bə̀ nè gha, nyùmə̀ we fə tinde. Imbə̀ʼ mbə̰ beni awən abɔ̀ʼ inɔb.

Ɨ̀fàʼì 17:11

Mə̀Ju mbe a Bèriyà ya bèrì fìŋ chɔm chè mbe a Tèsàlonikà imbə̀ʼ icheg ne mbi yaya nìŋə Ìngam Ŋwiye kwàʼ ane fìŋ ijìm. Mbi yaya taŋ zìyè fìŋ ni zug Ìngam Ŋwiye. Mbɔb yaya kàrà Ìngam Ŋwiye ineg ijìm ni nèn gha inug mbe ne Pɔl yaya chwìte kə kwàʼ mbe tesiʼ.

Ɨ̀fàʼì 20:29

Mə kyèri gha anyumə̀ ne mə̀ biri nɔ̀ʼ abɔ̀ʼ inən, bəd tɔ tɔ mɔ̀ʼɔ biri yeʼe abɔ̀ʼ inən se kə̀bə ni nimni bəd Ŋwiye icheg ne ìfɔn tɔ tɔ mbe nìmne njə̀g.

1 Kɔrèn 12:10

Azwighi Ŋwiye ze nàʼà ika ni fàʼ iyeti inug abə wə̀d imɔʼ. À ya àzewən ze bə̀ nàʼà ika abə wə̀d ndəŋ ni ghà ikən Ŋwiye. À ya Azwighi Ŋwiye ze bə̀ nàʼà ika abə wə̀d imɔʼ gha wì kyeri icha ne yaʼi inga azwighi chɔm tì azwighi tibɔ̀ŋ. À ya Azwighi Ŋwiye ze amɔʼ ze bə̀ nàʼà ika ni ghàm tìngam iben ndəŋ abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni tòʼrì anug ne mbi gha inga tìngam iben ndəŋ abə wə̀d ndəŋ.

1 Kɔrèn 14:29

Bədkə̀n məbe kə̀ mətad, mbe gha ikən Ŋwiye, mə̀mbin si taŋ nèn anug ne mbe ghà.

1 Tèsàlonikà 5:20

Imbə̀ʼ mbə̰ si wèghe awən tikən Ŋwiye te ne bəd mbe ghà.

1 Tèsàlonikà 5:21

Mbə̀ kwàʼra tikən te tijìm, si niŋ te ne yaʼi tesiʼ.

2 Tès 2:2

Imbə̀ʼ mbə̰ saŋa awən gha bəd burə ìmbən atog kə̀ chìkì ìtən fìŋ ane icheg ne mbɔb mbe ghà gha aneg ze ne Anɔŋisəg biri ywiri yeʼe fə pè. Imbə̀ʼ mbə̰ bḛ awən tikən mɔ̀ʼɔ, kə̀ inug chete mɔ̀ʼɔ, kə̀ ìŋwàʼrì mɔ̀ʼɔ imbə̀ʼ anug azo̰ gha à ya mba cha, ne kayi mba.

1 Timotì 4:1

Azwighi Ŋwiye ya fə ghà ze dù zen gha, inga ineg mbe ne yèʼe, bəd mɔ̀ʼɔ biri waʼ ìwɔb ibḛfiŋ se bène yaʼ abɔ̀ʼ izwighi ne ghàmà inug ako fɔrɔ anjìm abə inug ne izwighi tibɔ̀ŋ mbe chwìte.

2 Timotì 3:13

Àsi bəd inug tibɔ̀ŋ fɔrɔ bəd mbe ne nìŋə tikum bəd tàmba mə̀mbin, mbɔb biri chè imbìghè ni ya tàmba bəd. Bəd ndəŋ biri bə tambi awɔb.

2 Pità 2:1

Bədkə̀n ne ghà inug ako ya yaʼ abɔ̀ʼ bəd Ŋwiye a mbègtog. À ya ane ne mə̀chwitinùg ako biri bə̀ yaʼ abɔ̀ʼ inən. Mbɔb biri chì tiwe chwìti inug ako ne chìkə̀ bəd Kristo. Mbɔb biri ton awɔb fɔrɔ Anɔŋisəg we ne zeri awɔb. Mbi biri ghì ane, ngəʼ kyen nyi igun inɔb.

1 Jɔn 2:18

Ìmbum bɔn ne mə̀ taŋ kɔ̀ŋ, nyùmə̀ we ne isəg gho̰ biri nwḭ̀yḛ̀ fə tinde. Mbə̰ ya fə zug gha Wə̀d ìpàb Kristo we yèʼe. Amad anìŋ, bəd ìpàb Kristo nɔʼ nɔʼ fə yeʼe. Àzo̰ fə ghì tì kyèri gha nyùmə̀ we ne isəg gho̰ biri nwḭ̀yḛ̀ fə tinde.

1 Jɔn 2:7

Ìmbum mə̀sə̀ʼ ne mə̀ taŋ kɔ̀ŋ, ikə gho̰ ne mə ŋwàʼrà inən anìŋ ya kayi ikə feg. À ya ikə anun ne mbi ya fə chwiti inən anyumə̀ ne mbə̀ ya bḛ Kristo. À ya ikə anun we ne mbə̀ ya fə zughi.

2 Jɔn 1:7

Bəd nɔʼ nɔʼ ne tàmba bəd fə sàkà igun isəg. Chəyi mbɔb mbe bḛ gha Yeso Kristo ya yeʼe igun isəg icheg wə̀d-aku. Tiku bəd te ya bəd mbe ne tàmba bəd. Mbɔb ya bəd ìpàb Kristo.

3 Jɔn 1:11

Ìmə ìsə̀ʼ ne mə̀ taŋ kɔ̀ŋ, imbə̀ʼ àghò niŋ awe ikuchèg tibɔ̀ŋ we. Àghò ya ghìyə̀ yaʼ inug chɔm. Àghò wendi gha, mbi ya kyere wə̀d Ŋwiye chɔm ane inug chɔm ne we ghìyə̀. Àghò bə wèndi gha, bəd ne ghìyə̀ inug tibɔ̀ŋ, ze ya chwìye gha chəyi mbɔb yaʼi ane anug amɔʼ tì Ŋwiye.

Ɨnû 2:2

mə kyèri inug mbe ne àghò we ghìyə̀. Mə kyèri icheg ne àghò fə fàʼi ane ika bə̀ kyèri icheg ne àghò fə nyìʼi inug aton ngəʼ. Mə kyèri gha chəyi àghò kɔ̀ŋi ni bàd bəd mbe ne ghìyə̀ inug tibɔ̀ŋ. Mə bə̀ kyèri gha àghò fə kwàʼrì bəd mbe ne gha mbɔb ya bədtɔm ne mbɔb kayi bədtɔm. Àghò fə kwàʼrì ane bàd gha mbɔb ya bəd inug ako.