1 Jɔn 3:8 - Ikan feg

⁸ Wə̀d ne ghìyə̀ inug tibɔ̀ŋ ya wə̀d Debrə̀ imbə̀ʼ icheg ne Debrə̀ ya ko se ghìyə̀ inug tibɔ̀ŋ kwàʼ ane nyumə̀ ne Ŋwiye ya tangi isəg. Aton ne Ŋwan Ŋwiye ya yeʼe inga isəg ya ni chìkì àfàʼì Debrə̀.

Meta’

⁸ Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.

1 Jɔn 3:8 교차 참조

Matìyò 12:28

Kə̀ àmə yaʼ ne mə kàmna izwighi tibɔ̀ŋ ane ika ne Azwighi Ŋwiye naʼi inum, nji ane ya gha, anug ìfɔ̀n Ŋwiye fə yeʼe inən.

Matìyò 13:38

Mben ze ya isəg. Ngwèd kyì chɔm ze ya bəd mbe ne yaʼi inga anug ìfɔ̀n ikaŋ. Ifog we ya bəd ìmbi Wə̀d Tibɔ̀ŋ.

Matìyò 4:3

Debrə̀ ya ghò ibo pè ghà ibo gha, “Àghò mə yaʼ Ŋwan Ŋwiye, ghàma abə iteg gho̰ we bəŋə ane ngə̀ŋ.”

Mk 1:24

Wì ya kyḛ ane gì ka ka gha, “Yeso a Nazarèd! Àghò kə̀ beri anug aghə ne ghì tì ina? Àghò wa yèʼe ni nimni awa? Mə kyèri wə̀d ne àghò yaʼi ìwiwən. Àghò ya Wə̀d ìzḛzḛ we ne Ŋwiye tɔ̀mi.”

Lk 10:18

Yeso ya ywìtì inɔb gha, “Mə kə bàd Sàtàn we fḛ tikaŋ icheg àŋwàŋwaŋ.

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Jn 16:11

Wì biri bə ghì mbə kyeri gha Ŋwiye we sàʼa bəd ane icheg ne koʼi imbə̀ʼ icheg ne wì fə sɔb isaʼi igun wə̀d we ne tùmbə̀ isəg gho̰.”

Jn 8:44

Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

Rm 16:20

Chəyi agha biri sà, Ŋwiye we ne ghìyə̀ tì chùghə ane àbɔrɔ̀bɔd biri baŋi Sàtàn si ghì mbə bèrì ika igun məd. Anɔŋisəg Yeso Kristo ghiyə ìchɔ̀mì inən.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

Kòlosè 2:15

Wì ya chìkì tika ijìm abə izwighi tibɔ̀ŋ ka ka fɔrɔ abə izwighi mbe ne sàʼa isəg gho̰ anyumə̀ ne wì ya ku igun azed abaʼri. Wì ya ghì ane, zì tìnìrètog igun inɔb kwàʼ asaŋ asaŋ icheg sogyì ne nyimi ìbòʼì ibid se tə̀rə̀ yi igun inɔb.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Mə̀Hibrù 2:14

Ane, icheg ne bɔn mbe ya bəd-aku, məd zìye ya bə̀ bə̀ŋə̀ si yaʼ wə̀d tì nyàmnyɔd icheg inɔb. Wì ya ghì ane imbə̀ʼ icheg ne à ya anjìm iwu we ne məd ku ne wì chi ika wə̀d ìpàb igun iwu. Wə̀d ìpàb we ya Debrə̀.

Mə̀Hibrù 9:26

Àkə aghi ne wì ya nyi aghəm nɔʼ nɔʼ, nji wì ya bə̀ zə̰ ngəʼ aghəm nɔʼ nɔʼ ni ko ane nyùmə̀ ne Ŋwiye ya tangi isəg. Wì fə yeʼe ighəm imɔʼ ane nyùmə̀ isəg we ne se nwḭ̀yḛ̀ nàʼ ìwi nyɔd ane aghi àfàtì imbə̀ʼ sò inug tibɔ̀ŋ bəd məjìm inga nyùmə̀ isəg ijìm.

2 Pità 2:4

Chəyi Ŋwiye ya waʼi inug tibɔ̀ŋ ìmbi mbè angirə̀ anyumə̀ ne mbi ya ghi tìzughə ibo. Wì ya kɔd awɔb màʼ inga asiŋi ichə ne fḭ̀yḛ kyìm gha mbe chughi se ghɔ̀mɔ̀ aneg ze ne Ŋwiye biri saʼ isəg.

1 Jɔn 1:2

Anyumə̀ ne ìtḛ̀ we ya chwi ìwi nyɔd kwàʼ asaŋ asaŋ, tì ya bàd aməd. Ane, tì ya anìŋ ghà tesiʼ inən imbə̀ʼ aməd. Tì ya anìŋ bə̀ ghà inən gha məd ya ìtḛ̀ ighə̀m imɔʼ we ne ya yaʼi tì Mbaʼ ne Mbaʼ ghi tì kyèri.

1 Jɔn 3:10

Icha ane bɔn Ŋwiye tì bɔn Debrə̀ kə iye? Wə̀d ijìm ne chəyi we fàʼà anug ne təmi kòʼ kayi ŋwan Ŋwiye. Wə̀d ne chəyi wì bə kɔ̀ŋ ìwi ifi kayi bə̀ ŋwan Ŋwiye.

1 Jɔn 3:5

Mbə̰ kyèri gha Kristo ya yeʼe ni chì ìmba inug tibɔ̀ŋ. Mbə̰ bə̀ kyèri gha chəyi anug tibɔ̀ŋ mɔ̀ʼɔ yaʼi inga məd.

1 Jɔn 5:19

Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.

Jûd 1:6

Mbə̀ bə wèndi mbè angirə̀ mbe ne chəyi mbi ya nyimi ìmbɔb iti ìfàʼì mbe ne Ŋwiye ya nàʼi inɔb. Mbɔb ya sàŋì ìmbɔb iti ìfàʼì. Ane, Ŋwiye ya fə kɔd awɔb nɔ̀ŋì inga isəg afub ane ighə̀m imɔʼ gha mbe chughi ghɔ̀m Aneg kyen ze ne Ŋwiye biri saʼ awɔb.

Ɨnû 20:10

Mbi ya màʼ Debrə̀ we ne yaya tàmba bəd inga iywid kyen we ne bère tì sɔfɔ̀. À ya inga angu ne mbi ya bə màʼ nyam kyen ze fɔrɔ wə̀dkə̀n we ne ghà inug ako. Mbi biri chə awɔb inga angu ineg ijìm kwàʼ ane ighə̀m imɔʼ.

Ɨnû 20:15

Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.