1 Jɔn 3:2 - Ikan feg

² Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

Meta’

² Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

1 Jɔn 3:2 교차 참조

Matìyò 5:8

Ŋwiye zì àbɔrɔ̀bɔd igun bəd mbe ne ìtɔb fìŋ zḛ, imbə̀ʼ icheg ne mbɔb biri bàd aməd.

Lk 17:30

À ya kwàʼ icheg ne ze biri bə yaʼ ane aneg ne Ŋwan Wə̀d biri ywirì yeʼe.

Lk 20:36

Chəyi bəd mbe biri ywìrì ku imbə̀ʼ icheg ne mbi ya icheg mbè angirə̀. Icheg ne à ya bəd ne zweme ane iwu, mbɔb ya bɔn Ŋwiye.

Jn 1:12

Àsi bəd məjìm mbe ne ya niŋi aməd bə̀ nɔ̀ŋì ìwɔb ibḛfiŋ igun məd, wì ya nàʼ ati inɔb gha mbe si yaʼ bɔn Ŋwiye.

Jn 11:52

Ane, kayi məyi atog abə mə̀Ju. À ya fɔrɔ ni ghì gha bəd Ŋwiye mbe ne saka inga isəg ijìm, mbe si yaʼ bəd anug amɔʼ.

Jn 17:24

Ìmə Mbaʼ, mə kə̀b gha bəd mbe ne àghò ya nàʼi inum, mbe yaʼ tì inum inga asiŋi ne mə̀ yaʼi angu. Ane, mbi biri bàd ìmə ighumni, ne ya ighumni we ne àghò ya kɔ̀ŋi amə, nàʼ inum, bɔŋ se tànga isəg.

Rm 8:16

Azwighi Ŋwiye ze fɔ̀tɔ tì àza tì azwighi ni bḛ gha mba ya bɔn Ŋwiye.

Rm 8:18

Mbə̀ kyeri gha, ighumni we ne Ŋwiye biri nàʼ ina we chè ngəʼ ìzo̰ ne te chè inga amad anìŋ.

Rm 8:19

Ighi ijìm mbe ne Ŋwiye tàngi mbe nyìʼè ghɔ̀mɔ̀ gha Ŋwiye ghiyə mbe kyèri bəd mbe ne ya kwàʼ bɔn məd.

Rm 8:29

Bəd mbe ne wì ya fə chɔʼi, wì ya fə chì awɔb nɔ̀ŋì icha gha mbe yaʼ icheg Ŋwan məd. Ane ya ni ghì gha Ŋwan məd yaʼ ŋwan mbèg inga inəbi kyen.

1 Kɔrèn 13:12

Amad anìŋ, tì we bàrà inug mbi ndwìʼrè. Anyumə̀ ne Kristo biri ywiri yeʼe, tì biri bàd Ŋwiye kwàʼ icheg chɔm. Amad anìŋ, mə kyèri məyi inug mɔ̀ʼɔ imbə̀ʼ Ŋwiye. Si ya gha, nyùmə̀ we yèʼe ne Yeso Kristo biri bə̀ndì yeʼe. Anyumə̀ we, mə biri taŋ kyeri Ŋwiye kwàʼ icheg ne Ŋwiye kyèri amə.

1 Kɔrèn 15:49

Icheg ne tì yaʼi icheg wə̀d we ne mbi tangi ane ìseg, à ya bə̀ ane ne tì biri bə yaʼ icheg wə̀d we ne nɔ̀ʼi ikaŋ àbɔ̀ŋɔ.

1 Kɔrèn 2:9

Mbe ŋwàʼrì inga Àŋwàʼrì Ŋwiye gha, “Anug ne chəyi wə̀d kə kweʼì bàd, ne chəyi wə̀d kə̀ kweʼì zug, kə̀ bì kweʼì kɔ̀ndi inga fìŋ, à ya anug ne Ŋwiye fə chuʼri nɔ̀ŋì abə bəd mbe ne kɔ̀ŋɔ̀ aməd.”

2 Kɔrèn 3:18

Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

Gàlesìyà 3:26

Mbə bàd amad anìŋ gha, mbə̰ məjìm ya fə si bɔn Ŋwiye anjìm ibḛfiŋ we ne mbə̀ nɔŋi igun Yeso Kristo.

Gàlesìyà 4:6

Icheg ne tì si yaʼ bɔn Ŋwiye, wì fə chà Azwighi Ŋwan məd inga ìta fìŋ. À ya Azwighi ze ze nàʼà ika abə wə̀d ni kàrì Ŋwiye gha, “Ìmə Mbaʼ, Ìmə Mbaʼ!”

Fìlipì 3:21

Anyumə̀ ne wì biri yeʼe, wì biri niŋ ìta nyàmnyɔd ìto̰ ne tì tì ku bə̀ŋì ti si yaʼ icheg nyàmnyɔd ze ne məd ya beri anyumə̀ ne Ŋwiye ya zwemni aməd ane iwu. Wì biri ghì ane anjìm ika we ne wì beri ni tùmbì ighi ijìm.

Kòlosè 3:4

Ìwən ìtḛ̀ tesiʼ ya ìtḛ̀ ìwi Kristo. Ane, anyumə̀ ne məd biri yeʼe inga ighumni kyen məd, mbə̰ inən biri bə yaʼ inga ighumni kyen we.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

2 Pità 1:4

Wì ya chè anjìm ika we nàʼ tineʼi te ne wì ya kàʼi ina. À ya tineʼi ne taŋ kà inun bə̀ taŋ bɔ̀ŋ. Wì ya ghì ane ni gha anjìm tineʼi te mbə̰ mbe tì mbə̰ yaʼ icheg Ŋwiye ane ikuchèg, si waʼ inug tibɔ̀ŋ mbe ne bəd inga isəg mbe ghə̀ʼrə̀.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

1 Jɔn 2:7

Ìmbum mə̀sə̀ʼ ne mə̀ taŋ kɔ̀ŋ, ikə gho̰ ne mə ŋwàʼrà inən anìŋ ya kayi ikə feg. À ya ikə anun ne mbi ya fə chwiti inən anyumə̀ ne mbə̀ ya bḛ Kristo. À ya ikə anun we ne mbə̀ ya fə zughi.

1 Jɔn 3:1

Mbə nḛ ikuchèg ne ìwa Mbaʼ taŋ kɔ̀ŋi awa! Wì taŋ kɔ̀ŋ awa ghì mbi se kàrà awa ane bɔn Ŋwiye. Tesiʼ ya gha, mba ya bə̀ kwàʼ bɔn Ŋwiye. À ya aton ne chəyi bəd inga isəg gho̰ mbe kyère awa. Chəyi mbe kyère awa imbə̀ʼ icheg ne chəyi mbi ya bə kyèri Ŋwiye.

1 Jɔn 3:10

Icha ane bɔn Ŋwiye tì bɔn Debrə̀ kə iye? Wə̀d ijìm ne chəyi we fàʼà anug ne təmi kòʼ kayi ŋwan Ŋwiye. Wə̀d ne chəyi wì bə kɔ̀ŋ ìwi ifi kayi bə̀ ŋwan Ŋwiye.

1 Jɔn 3:21

Ìmbum mə̀sə̀ʼ ne mə̀ taŋ kɔ̀ŋ, àmə chəyi ìta fìŋ te sàʼa awa inga, tì kyeri gha tì we tì tì təm imbìghè abə Ŋwiye ne chəyi te bìnde.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

Ɨnû 2:28

Mə biri nàʼ fitəm-məg fe achəg ituʼ ibo.

Ɨnû 22:4

Mbɔb biri bàd ìfe Ŋwiye. Mbi biri bə ŋwàʼrì ikum Ŋwiye igun ìmbɔb ikəŋi isi.