1 Jɔn 3:12 - Ikan feg

¹² Imbə̀ʼ mbə̰ yaʼ awən icheg Ken ne ya yaʼi wə̀d ìwi Wə̀d Tibɔ̀ŋ bə̀ zwèti ìwi ifi, Abè. Aton ne wì ya zweti ìwi ifi àkə gha? À ya imbə̀ʼ icheg ne tìghinùg ifi məd ya təm kòʼ imbìghè abə Ŋwiye, ìti məd bə.

Meta’

¹² Tɨ rɨ̀ yeʼ a ɨghabɨ ə Kaìn nɨ nyaʼə wan wə̀d rɨ̀bɔ̀ŋ. Wɨ̀ nyaʼa zwiirɨ wi aŋgɔb Abèl. Wɨ̀ nyaʼa zwiirɨ əməd ɨmbə̀ʼ ə yè ə? Wɨ̀ nyaʼa zwiirɨ əməd ɨmbə̀ʼ ɨghəm nɨ tɨ̀gurɨ-ɨnû məd nyaʼa bə, àyɨə mbɨ aŋgɔb məd nyaʼa bɔ̀ŋ.

1 Jɔn 3:12 교차 참조

Matìyò 13:19

Anyumə̀ ne wə̀d zùghi ikən imbə̀ʼ anug ìfɔ̀n ikaŋ ne chəyi atog məd zḛ, Wə̀d Tibɔ̀ŋ biri yeʼe pàŋì aghi ne mbi nyɔʼi ibo inga fìŋ. Aŋa ya icheg fitam fe ne ya fendi igun inɔnjì.

Matìyò 13:38

Mben ze ya isəg. Ngwèd kyì chɔm ze ya bəd mbe ne yaʼi inga anug ìfɔ̀n ikaŋ. Ifog we ya bəd ìmbi Wə̀d Tibɔ̀ŋ.

Matìyò 23:35

Ane, anəm bəd mbe ne təmi kòʼ ne mbi zweti igun isəg aŋa biri nyi igun inən, ni ko ane anəm àze Abè ghò pè ane anəm àze Zàkàriyà, ŋwan Bèrekìyà we ne mbə̀ ya zweti inga ìsàn asiŋi ighumni tì ikwijə̀ŋ àfàtì.

Matìyò 27:23

Payilèd ya biri inɔb gha, “Wì kə̀ gùghi anug?” Mbɔb ya ywìrì taŋ kyen ane gì ka ka gha, “Kɔ̀mbɔ aməd igun azed abaʼri!”

Matìyò 5:37

Mbə̀ gha məyi gha, ‹E› kə̀ ‹Indèʼ› Anug ndəŋ ne wə̀d ywirì si ghà à ya se àze ne nɔʼi abə Wə̀d Tibɔ̀ŋ.”

Lk 11:51

Ane, anəm ze biri ko kwàʼ ane àzi Abè ghò pè ane àze Zàkàriyà we ne mbi ya zweti kwàʼ inga ìsàn ikwijə̀ŋ àfàtì tì asiŋi zḛ zḛ. E! Mə ghà inən gha, anəm ze biri yaʼ igun atog abə ikəri bəd gho̰.

Jn 10:32

Yeso ya ghà inɔb gha, “Mə fə fàʼ iyeti inug nɔʼ nɔʼ ne ìmə Mbaʼ nàʼi ika gha mə fàʼa inən. Àkə ayeti anug azeg inga inug nɔʼ nɔʼ mbo̰ ne mbə̰ mbe kə̀bə̀ ni tumbi mə imbə̀ʼ àzewən?”

Jn 8:40

Àfàʼì ne mə fàʼà ya ni ghà tesiʼ we ne ìmə Mbaʼ ne ya Ŋwiye ya chwi inum inən. Si ya gha, mbə̰ mbe kə̀bə̀ ni zweti amə. Chəyi Abràham ya ghi iku anug we.

Jn 8:41

Mbə̰ ya ghìyə̀ yaʼ inug mbe ne ìwən mbaʼ we ghìyə̀.” Mbi ya si gha, “À ya məyi Ŋwiye ne yaʼi ìwa Mbaʼ. Ane, Mba ya kwàʼ bɔn məd.”

Ɨ̀fàʼì 7:52

Wə̀dkə̀n Ŋwiye mɔ̀ʼɔ we wa angu ne chəyi ìmbən mə̀mbaʼ aneg ya chɔʼi ibɔʼì ighog məd? Mbɔb ya bì zwèti bədkə̀n mbe ne ya gha gha, Wə̀d we ne təmi kòʼ biri yeʼe. Mbə̀ mbo̰ fə fèn Wə̀d we ne təmi kòʼ, ghì mbi zweti.

1 Tèsàlonikà 2:14

Ìmba məfi fɔrɔ ìta njàbi, inug mbe ne ya du abə ifeti bəd Ŋwiye we a Jùdeyà, mbe bə̀ dù inən. Ifeti bəd Ŋwiye we ya bəd mbe ne ya bḛ Yeso Kristo. Mbə̰ ya zə̰ ngəʼ ikye abo abə ìmbən bəd aben bə̀ icheg ne mbɔb ya bə̀ zə̰ ngəʼ ikye abo abə mə̀Ju.

Mə̀Hibrù 11:4

À ya anjìm ibḛfiŋ ne Abè ya nàʼi aghi àfàtì ne bɔŋi chè àze ne Ken ya nàʼi. À ya anjìm ibḛfiŋ ìwi Abè ne Ŋwiye ya gha məd ya wə̀d ne təmi kòʼ anyumə̀ we ne Ŋwiye ya gha, aghi àfàtì məd kòʼ. Ka Abè ya jiʼì ku yi, anjìm ibḛfiŋ məd, məd we kiri ghàmà.

Mə̀Hibrù 12:24

Mbə fə yeʼe abə Yeso, məd we ne ya yeʼe tì ikan feg. Mbə yèʼe abə anəm Yeso ze ne mbi ya tuti ne ghàmà inug ne bɔŋi chè inug mbe ne anəm àzi Abè ze ghà.

1 Pità 4:4

À ya imbə̀ʼ inug mbo̰ ne bəd mbe ne chəyi mbi kyeri Ŋwiye mbe kɔ̀ndɔ ze se chè awɔb gha nji mbə̰ fɔ̀ti abɔ̀ʼ inɔb ni ghì inug tìbɔŋ. À ya aton ze ne mbɔb mbe se zɔ̀mbɔ̀ awən.

1 Jɔn 3:8

Wə̀d ne ghìyə̀ inug tibɔ̀ŋ ya wə̀d Debrə̀ imbə̀ʼ icheg ne Debrə̀ ya ko se ghìyə̀ inug tibɔ̀ŋ kwàʼ ane nyumə̀ ne Ŋwiye ya tangi isəg. Aton ne Ŋwan Ŋwiye ya yeʼe inga isəg ya ni chìkì àfàʼì Debrə̀.

Jûd 1:11

Ngəʼ kyen biri nyi igun inɔb! À ya ane imbə̀ʼ icheg ne mbɔb mbe ghìyə̀ inug icheg Ken ne ya zweti ìwi ifi. Mbɔb ya bə̀ ghìyə̀ inug icheg Balàm ne yaya ghìyə̀ tiku inug ijìm ni bèrì ikab. Mbɔb ya ghìyə̀ tìzughə̀ abə Ŋwiye icheg Korà. Ane, mbɔb biri ku nim icheg Korà.

Ɨnû 17:6

Mə ya bàd gha àyi we ya fə no anəm bəd Ŋwiye bə̀ no anəm bəd mbe ne yaya chètè inug imbə̀ʼ Yeso. Wì ya no ane be. Anyumə̀ ne mə̀ ya bàri aməd, mə̀ ya yeti chè ati.