1 Jɔn 3:11 - Ikan feg

¹¹ Ikən we ne mbə̀ ya zughi kwàʼ ane nyumə̀ ne mbə̀ ya bḛ Yeso Kristo ya gha; tì ya kɔ̀ŋɔ̀ mə̀mbin.

Meta’

¹¹ Ɨkə̂n we nɨ mbə̀ nyaʼa kɔ zu tɨ ənɨ mbə̀ nyaʼa ben ə Kristo yɨ ni: tɨ̀ berɨ ghaʼ a ɨnyod mbǎ mbǎ.

1 Jɔn 3:11 교차 참조

Jn 13:4

Wì ya si nɔʼ sàŋì tijəg te ne wì yaya jə̀ghə, təm titighe, chì ìzi ndwigun, si niŋ tawè kɔd ane ìwi ìkyèri.

Jn 15:12

Ikə ne mə nàʼà inən ya gha: Mbə̀ ya kɔ̀ŋɔ̀ wə̀d imɔʼ imɔʼ kwàʼ icheg ne mə bə̀ kɔ̀ŋɔ̀ awən.

Gàlesìyà 6:2

Wə̀d mɔ̀ʼɔ abɔ̀ʼ inən mə̀ yaʼ inga ngəʼ, mbə̀ wete aməd. Mbə̰ mə̀ ya ghìyə̀ ane, nji mbə fə nɔ̀ŋì nɔ̀ʼɔ̀ we ne Kristo ya nàʼi inən.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

1 Tèsàlonikà 4:9

Amad anìŋ, chəyi tì ywirì bèrì ni ghàm inən imbə̀ʼ icheg ne mbə̀ beri ni ya kɔ̀ŋɔ̀ ìmbən məfi fɔrɔ ìtən njàbi. Ŋwiye zìye fə chwiti inən gha mbə̀ ya kɔ̀ŋɔ̀ ìmbən məfi fɔrɔ ìtən njàbi.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

1 Pità 4:8

Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.

1 Jɔn 1:5

Ikən we ne tì ya zughi imbə̀ʼ Ŋwan Ŋwiye ne te bə̀ ghà inən ya gha: Ŋwiye ya ìzḛzḛ, chəyi inug afub mɔ̀ʼɔ yaʼi inga məd ka.

1 Jɔn 4:11

Ìmbum mə̀sə̀ʼ, icheg ne Ŋwiye ya bi kɔ̀ŋ awa, tì mənyìʼ ya kɔ̀ŋɔ̀ wə̀d imɔʼ imɔʼ.

1 Jɔn 4:21

Ikə ne Kristo nàʼi ina ya gha, “Wə̀d ne kɔ̀ŋi Ŋwiye, wì mənyìʼ kɔ̀ŋ ìwi ifi”.

1 Jɔn 4:7

Ìmbum mə̀sə̀ʼ, mbə̀ ghiyə tì ya kɔ̀ŋɔ̀ mə̀mbin imbə̀ʼ icheg ne àkɔ̀ŋì ya nɔ̀ʼɔ̀ abə Ŋwiye. Wə̀d we ne kɔ̀ŋɔ̀ bəd, məd ya wə̀d Ŋwiye bə̀ yaʼ wə̀d ne kyeri Ŋwiye.

2 Jɔn 1:5

Amad anìŋ, mə ya ŋwàʼrà anìŋ ine, àghò àyi kyen ne mə̀ taŋ kɔ̀ŋ. Kayi ikə feg ne mə ŋwàʼrà. À ya ikə ne mbi ya nàʼi ina kwàʼ ane nyùmə̀ ne tì ya bḛ Yeso Kristo. Ikə gho̰ ya gha, tì ya kɔ̀ŋɔ̀ wə̀d imɔʼ imɔʼ ne yaʼi abɔ̀ʼ ina.