1 Jɔn 3:10 - Ikan feg

¹⁰ Icha ane bɔn Ŋwiye tì bɔn Debrə̀ kə iye? Wə̀d ijìm ne chəyi we fàʼà anug ne təmi kòʼ kayi ŋwan Ŋwiye. Wə̀d ne chəyi wì bə kɔ̀ŋ ìwi ifi kayi bə̀ ŋwan Ŋwiye.

Meta’

¹⁰ Ɨchî nɨ tɨ̀ rɨ̀ kyerɨ bə̂d mbe nɨ yeʼ bɔn Ŋwiə̀ mbɨ mbe nɨ yeʼ bɔn Debɨ̀rə̀ yɨ ni: Kaʼ wə̀d we nɨ chəi wɨə ghɨ̀ ɨnû nɨ kuʼnɨ, kɨ̀ we nɨ chəi wɨ̀ ghaʼ wi aŋgɔb yɨ i wə̀d Ŋwìə̀.

1 Jɔn 3:10 교차 참조

Matìyò 13:38

Mben ze ya isəg. Ngwèd kyì chɔm ze ya bəd mbe ne yaʼi inga anug ìfɔ̀n ikaŋ. Ifog we ya bəd ìmbi Wə̀d Tibɔ̀ŋ.

Lk 6:35

Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Jn 1:12

Àsi bəd məjìm mbe ne ya niŋi aməd bə̀ nɔ̀ŋì ìwɔb ibḛfiŋ igun məd, wì ya nàʼ ati inɔb gha mbe si yaʼ bɔn Ŋwiye.

Jn 11:52

Ane, kayi məyi atog abə mə̀Ju. À ya fɔrɔ ni ghì gha bəd Ŋwiye mbe ne saka inga isəg ijìm, mbe si yaʼ bəd anug amɔʼ.

Jn 8:44

Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

Jn 8:47

Wə̀d Ŋwiye ya zùghə anug ne Ŋwiye we ghà. Aton ne chəyi mbə̰ mbe zùgrə Ŋwiye ya imbə̀ʼ icheg ne mbə̰ kayi bɔn Ŋwiye.”

Ɨ̀fàʼì 13:10

“Àghò ya kwàʼ ŋwan Debrə̀! Àghò bàn inug mbe ne koʼi ijìm. Àghò ya ghìyə̀ aku anug ajìm ni tambi bəd. Inug tibɔ̀ŋ bə̀ sweg ine inga fìŋ. Àghò wa kə anìŋ, chəyi aneg ne àghò biri sàŋì anug ni niŋ inug chɔm mbe ne Anɔŋisəg ghìyə̀ bə̀ŋì ane inug ako?

Rm 13:8

Imbə̀ʼ mbə̰ bere awən anug tì wə̀d. Anug ne mbə̀ koʼi ni ghì ya məyi ne ya kɔ̀ŋɔ̀ ìtən nyàmnyɔd. À ya ane imbə̀ʼ icheg ne wə̀d ne kɔ̀ŋɔ̀ bəd ne yaʼi iban məd, tengàŋ ya fàʼà anug ze ne mə̀nɔ̀ʼɔ̀ Muse kəbi.

Efesùs 5:1

Icheg ne mbə̰ ya bɔn ne Ŋwiye taŋ kɔ̀ŋ, mbə̀ ghiyə ìwən ikuchèg we yaʼ bə̀ kwàʼ icheg ìwi məd.

Kòlosè 3:14

Anug kyen igun inug mbo̰ ijìm ya gha, mbə̀ ya kɔ̀ŋɔ̀ bəd məjìm imbə̀ʼ icheg ne à ya àkɔ̀ŋì ze nyìme inug ijìm ane mbi imɔʼ.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

1 Jɔn 2:29

Mbə̰ mə̀ kyèri gha məd ya wə̀d we ne təmi kòʼ, mbə biri bə kyeri gha wə̀d ne ghìyə̀ inug ne koʼi ya ŋwan Məd.

1 Jɔn 3:1

Mbə nḛ ikuchèg ne ìwa Mbaʼ taŋ kɔ̀ŋi awa! Wì taŋ kɔ̀ŋ awa ghì mbi se kàrà awa ane bɔn Ŋwiye. Tesiʼ ya gha, mba ya bə̀ kwàʼ bɔn Ŋwiye. À ya aton ne chəyi bəd inga isəg gho̰ mbe kyère awa. Chəyi mbe kyère awa imbə̀ʼ icheg ne chəyi mbi ya bə kyèri Ŋwiye.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

1 Jɔn 4:21

Ikə ne Kristo nàʼi ina ya gha, “Wə̀d ne kɔ̀ŋi Ŋwiye, wì mənyìʼ kɔ̀ŋ ìwi ifi”.

1 Jɔn 4:6

Àsi awa, mba ya bəd Ŋwiye. Wə̀d we ne kyeri Ŋwiye ya zùghə anug ze ne te ghà. Àsi wə̀d we ne kayi wə̀d Ŋwiye, chəyi tengàŋ biri zug anug ze ne te ghà. Aŋa ya icheg ne tì biri chè angu ni kyeri azwighi ze ne ghìyə̀ gha bəd kyeri tesiʼ igun azwighi ze ne ghìyə̀ bəd ghà inug ako.

1 Jɔn 4:8

Wə̀d we ne chəyi wì ya kɔ̀ŋɔ̀ bəd, chəyi wì kyeri Ŋwiye imbə̀ʼ icheg ne Ŋwiye ya kɔ̀ŋɔ̀ bəd.

1 Jɔn 5:19

Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.

1 Jɔn 5:2

Aŋa ya icheg ne te kyère gha tè kɔ̀ŋ bɔn Ŋwiye: Tì ya kɔ̀ŋɔ̀ Ŋwiye bə̀ nɔ̀ŋɔ̀ tikə məd.

3 Jɔn 1:11

Ìmə ìsə̀ʼ ne mə̀ taŋ kɔ̀ŋ, imbə̀ʼ àghò niŋ awe ikuchèg tibɔ̀ŋ we. Àghò ya ghìyə̀ yaʼ inug chɔm. Àghò wendi gha, mbi ya kyere wə̀d Ŋwiye chɔm ane inug chɔm ne we ghìyə̀. Àghò bə wèndi gha, bəd ne ghìyə̀ inug tibɔ̀ŋ, ze ya chwìye gha chəyi mbɔb yaʼi ane anug amɔʼ tì Ŋwiye.