1 Jɔn 2:20 - Ikan feg

²⁰ Àsi awən, Wə̀d Ìzḛzḛ fə zɔʼ awən icheg ne wì nàʼi Azwighi Ŋwiye inən, mbə̰ məjìm bə̀ kyèri tesiʼ.

Meta’

²⁰ À yeʼ ɨmbə̀ʼ əwən, Wə̀d Zeŋɨ fə zɔʼ əwən, əne mbə̀n mɨjìm fə kyerɨ rəsìʼ.

1 Jɔn 2:20 교차 참조

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Mk 1:24

Wì ya kyḛ ane gì ka ka gha, “Yeso a Nazarèd! Àghò kə̀ beri anug aghə ne ghì tì ina? Àghò wa yèʼe ni nimni awa? Mə kyèri wə̀d ne àghò yaʼi ìwiwən. Àghò ya Wə̀d ìzḛzḛ we ne Ŋwiye tɔ̀mi.”

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Lk 4:34

“Eyì! Yeso a Nazarèd; Aghi ne àghò bèrì ni ghì tì ina àkə aghə? Mə kyèri wə̀d ne àghò yaʼi ìwiwən. Imbə̀ʼ àghò yèʼe anìŋ ni nimni awa? Àghò ya Wə̀dtɔm Ŋwiye ne zḛ.”

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 16:13

Anyumə̀ ne Azwighi Ŋwiye ze ne ghìyə̀ bəd kyere tesiʼ biri yeʼe, wì biri chwiye tesiʼ ijìm inən. Chəyi wì biri ya ghàmà yaʼ ane ìwi ighəm. Wì biri ya ghà məyi anug ne wì zughi. Wì biri ghà inug ne kiri yeʼe inən.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 3:14

Mbə̰ ya ton awən wə̀d ne təmi kòʼ bə̀ təm zen, ghà àzən gha mbe saŋa yaʼ wə̀d ne ya zweti wə̀d.

1 Kɔrèn 2:15

Chəyi tì atog zen abə wə̀d ne chəyi Azwighi Ŋwiye yaʼi inga məd ni ghì gha wì kyeri iku wə̀d ne wə̀d ne beri Azwighi Ŋwiye wì yaʼi ìwiwən.

Mə̀Hibrù 1:9

Àghò kɔ̀ŋ inug ne koʼi bə̀ bàn inug tibɔ̀ŋ. Ane, Ŋwiye, ne yaʼi ìwe Ŋwiye fə chɔʼ awe nɔ̀ŋì igun ìmbe məfi icheg ne wì zɔ̀ʼi awe ghì àghò se gyènde.”

Mə̀Hibrù 8:11

Chəyi wə̀d mɔ̀ʼɔ ne biri ya ywìrè chwìte inug abə mə̀sə̀ʼ məd kə̀ abə məfi məd gha, ‹Àghò kyeri Anɔŋisəg!› Ze biri yaʼ ane imbə̀ʼ icheg ne bəd məjìm biri kyeri amə, ni ko ane bɔn kwa ghò pè ane bəd kyen.

1 Jɔn 2:27

Àsi awən, Azwighi Ŋwiye ze ne Ŋwiye ya nàʼi inən kiri biri inga inən. Chəyi mbə̀ ywirì kòʼ ni gha wə̀d mɔ̀ʼɔ chwiti inug inən. Ane, Azwighi məd ze chwìte inug ijìm inən. Inug mbe ne Azwighi Ŋwiye ze chwìte ya tesiʼ. Ane, mbə̀ chughi ane ifɔti tì Kristo.

1 Jɔn 4:13

Tì ya kyère gha, tì we ane ifɔti tì məd, məd we bə̀ ane ifɔti tì ina icheg ne məd fə nàʼi àzi Azwighi ina.

Jûd 1:5

Ka mbə̰ ya fə kyeri awən inug mbo̰ ijìm, mə̀ ya anìŋ ywìrè wènde inən. Mbə̀ wendi gha, Anɔŋisəg ya pumni mə̀Izre ikye abo abə mə̀Ijìb, bə̀ ywìrì kiri nimni mə̀Izre mbe ne chəyi mbi ya zi ibḛfiŋ igun məd.

Ɨnû 3:7

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Fìlàdefìyà gha, ‹Ìngam gho̰ nɔ̀ʼ abə wə̀d ìzḛzḛ we ne yaʼi tesiʼ. Məd bèrì afiʼì ze ne yaʼi àzi ifɔn Dèvid. Wì mə fìʼì nəb, chəyi wə̀d ne tì wì wùbì. Wì mə wùbì nəb, chəyi wə̀d ne tì wì fiʼì.

Ɨnû 4:8

Ighi izɔm mbo̰ ijìm ya bèrì tibabì tìfughə bə̀ bèrì aghə isiŋi ijìm fɔrɔ aton tibabì. Mbi yaya zə̀ʼə̀ ikyeg tisi ijìm fɔrɔ tizimi ijìm gha, “Anɔŋisəg, Ŋwiyekɔʼ, Àghò zen, Àghò zen, Àghò zen. Àghò ne ya bi yaʼ, ne yaʼi amad anìŋ, ne biri ywiri yeʼe.”