1 Jɔn 2:16 - Ikan feg

¹⁶ Aton ya gha, inug mbe ne yaʼi inga isəg ijìm: anug ni ghì inug tibɔ̀ŋ mbe ne nyàmnyɔd ze kə̀bə̀, anug ni nḛ̀ ighi ghə̀ʼrì, tì anug ne bəd mbe kɔ̀mɔ̀ igo imbə̀ʼ ìmbɔb àfàʼì. Inug mbo̰ ijìm nɔ̀ʼ abə isəg kayi abə Mbaʼ.

Meta’

¹⁶ ɨmbə̀ʼ ɨghəm nɨ kaʼ ɨghɨjìm mbe nɨ yeʼ ɨŋga ɨsɨg, əne yɨ ɨghɨ mbe nɨ nyamnyod ə feenɨə, mbe nɨ əghə ə nèŋə̀ feenɨə mbɨ mbe nɨ bə̂d ə nɔ̀ ɨnyod ɨmbə̀ʼ mbɨwən, yɨ i rɨ əmbɨ ə Mbǎʼ. Mbɨ yɨ rɨŋga ɨsɨg.

1 Jɔn 2:16 교차 참조

Matìyò 4:8

Debrə̀ ya ywìrì niŋ aməd ghò kwàʼ ikaŋ iwum kyen ne taŋ sà ikaŋ, chwi iben ijìm igun isəg ijìm fɔrɔ ighi chɔm chɔm mbe ne yaʼi inga iben mbe ibo.

Matìyò 5:28

Anug ne mə ghà inən amad anìŋ ya gha, wə̀d mə nèn àyi ghə̀ʼrì, tengàŋ fə fànì tì àyi we ibo inga fìŋ.

Lk 4:5

Debrə̀ ya niŋ aməd kɔʼ ghò ikaŋ iwum ne sa ikaŋ, niŋ məyi iki nyumə̀ ni chwi iben ijìm mbe igun isəg ibo.

Rm 13:14

Mbə̀ ghiyə gha Anɔŋisəg Yeso Kristo ya tùmbə̀ awən. Imbə̀ʼ mbə̰ nɔŋɔ awən ìtən fìŋ igun ighi mbe ne nyàmnyɔd ze ghə̀ʼrə̀.

1 Kɔrèn 10:6

Inug mbo̰ ya ni pati awa tèchɔ̀ŋ gha imbə̀ʼ tì nɔ̀ʼ zì ìta fìŋ igun inug tibɔ̀ŋ icheg ne mbɔb ya zi.

Gàlesìyà 5:17

Aton ya gha, nyàmnyɔd ya kə̀bə̀ yaʼ inug mbe ne chəyi Azwighi Ŋwiye ze kə̀bə̀. Azwighi Ŋwiye ya bə̀ kə̀bə̀ yaʼ inug mbe ne chəyi nyàmnyɔd ze kə̀bə̀. Chəyi tì mbɔb mbo̰ məbe yaʼ ane anug amɔʼ. Ane, chəyi tì mbə̰ ghì inug ne mbə̰ mbe kə̀bə̀.

Gàlesìyà 5:24

Bəd mbe ne yaʼi bəd Yeso Kristo, mbɔb ya chùghə icheg bəd ne ìtɔb nyàmnyɔd fə ku ane inug tibɔ̀ŋ mbe ne nyàmnyɔd wə̀d ze ghə̀ʼrə̀.

Efesùs 2:3

Mba məjìm ya kweʼì yaʼ icheg inɔb icheg ne tì yaya fànà bə̀ ghìyə̀ inug mbe ne ìta nyàmnyɔd te ghə̀ʼrə̀. Tì yaya bə̀ bène abɔ̀ʼ ighi mbe ne ìta nyàmnyɔd fɔrɔ ìta tikɔndi te kə̀bə̀. Ane, Ŋwiye ya fə nɔ̀ŋì ni gaŋ tì ina icheg ne wì ya bə gaŋ tì inɔb.

Tayitùs 2:12

Ìchɔ̀mì we fə chwi ina gha tì to̰ awa inug mbe ne chəyi mbe nàʼà ighumni abə Ŋwiye bə̀ chì adɔʼ ane ighi igun isəg bə̀ nyìmbi ìwa nyɔd se ghìyə̀ inug ne koʼi fɔrɔ inug ne ghùmnə Ŋwiye inga nyùmə̀ isəg gho̰.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Jems 3:15

Kayi Ŋwiye nàʼi iku “iwe” we. Wi nɔ̀ʼ yaʼ abə bəd inga isəg. Kayi Azwighi Ŋwiye naʼi. Wì nɔ̀ʼ yaʼ abə Debrə̀.

Jems 4:16

Tesiʼ ya gha, mbə̰ mbe kɔ̀mɔ̀ igo bə̀ nɔ̀ nyɔd. Chəyi anug ni kɔ̀m igo kə̀ ni nɔ̀ nyɔd ze bɔŋi.

1 Pità 1:14

Icheg ne mbə̀ si yaʼ bɔn ne zùgrə Ŋwiye, imbə̀ʼ mbə̰ ywiri nyimi awən inug tibɔ̀ŋ mbe ne ìtən nyàmnyɔd yaya kɔ̀ŋɔ̀ gha mbə̀ fàʼà anyumə̀ we ne chəyi mbə̀ ya kiri kyeri aməd.

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

2 Pità 2:10

Ze biri taŋ yaʼ anìŋ abə bəd mbe ne ghìyə̀ inug icheg ne ìtɔb nyàmnyɔd te ghə̀ʼrə̀ bə̀ wèghè ika Ŋwiye. Bəd mbo̰ ne chwìte inug ako ya bèrè fìŋ ka ka bə̀ dùwə̀ ichug. Chəyi mbɔb mbe bɔ ni ghàm inug tibɔ̀ŋ imbə̀ʼ izwighi mbe ne yaʼi ikaŋ àbɔ̀ŋɔ.

2 Pità 2:18

Mbɔb ya ghàmà inug ako məyi ni kɔ̀m igo bə̀ ghìyə̀ məyi inug ne ìtɔb nyàmnyɔd te ghə̀ʼrə̀. Mbɔb ya nə̀rə bəd mbe ne chìyè ìfɔb ìfeg ane bəd inug tibɔ̀ŋ ni ghì gha mbe febe.