1 Jɔn 2:14 - Ikan feg

¹⁴ Mə ya ŋwàʼrà anìŋ inən, ìmbum bɔn ne mə̀ taŋ kɔ̀ŋ imbə̀ʼ icheg ne mbə fə kyeri Mbaʼ. Mə ya ŋwàʼrà anìŋ inən, mbə̰ mə̀mbaʼ imbə̀ʼ icheg ne mbə fə kyeri aməd we ne ya bi yaʼ bɔŋ Ŋwiye ya se tànga isəg. Mə ya ŋwàʼrà anìŋ inən, mbə̰ ngwàʼ bɔd imbə̀ʼ icheg ne mbə bèrì ika. Ìngam Ŋwiye we bə̀ fàʼà inga inən. Mbə fə bə̀ màʼ chè Wə̀d tibɔ̀ŋ.

Meta’

¹⁴ Mbɨ bɔn, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ ə Mbǎʼ. Mɨ̀mbǎʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ məd we nɨ nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Ŋgwàʼ bə̂d, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ berɨ ɨka, ɨŋgam Ŋwiə̀ wɨ ɨŋga nən, mbə̀ fə bə̀ baŋ wə̀d rɨ̀bɔ̀ŋ.

1 Jɔn 2:14 교차 참조

Jn 15:7

Mbə̰ mə̀ chughi ane anug amɔʼ tì inum, ìmə ìngam bə̀ yaʼ inga inən, aghi ne mbə nɔ̰ Ìmə Mbaʼ, wì biri nàʼ inən.

Jn 5:38

Chəyi mbə̰ mbe bə̀ nɔ̀ŋɔ̀ anug məd inən inga fìŋ imbə̀ʼ icheg ne chəyi mbə̀ nɔŋi ibḛfiŋ igun wə̀d we ne məd cha.

Jn 8:31

Yeso ya ghà abə mə̀Ju mbe ne ya zi ibḛfiŋ igun məd gha, “Mbə̰ mə̀ nyimi ìmə ìngam, mbə biri yaʼ kwàʼ ìmbum mə̀mə̀nənùg.

Jn 8:37

Mə kyèri gha mbə̰ ya bɔn ane aghaŋ inəbi Abràham. Si ya gha, mbə̰ mbe chùʼrə nyɔd ni zweti amə imbə̀ʼ icheg ne, chəyi mbə̰ mbe bḛ inug mbe ne mə chwìte.

Efesùs 6:10

Ni si nwḭ̀yḛ̀, mbə̀ chughi ane ifɔti tì Anɔŋisəg ni ghì gha ika kyen məd we ne che tika ijìm we ghiyə ìwən ibḛfiŋ taŋ kà.

Fìlipì 4:13

Tesiʼ ya gha, mə we tì mə fàʼ inug ijìm anjìm Kristo ne nàʼà ika inum.

Kòlosè 1:11

Ŋwiye we ne beri ika ne che tika ijìm fə ghì gha mbə̀ beri ika ne ya nyìʼè fìŋ inga nyùmə̀ ngəʼ. Wì fə bə̀ ghì gha, mbə̀ beri inyimbifiŋ, se gyènde,

Kòlosè 3:16

Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

2 Timotì 2:1

Timotì, ìmə ŋwan, àghò təm kà anjìm ìchɔ̀mì we ne Ŋwiye ghi ine icheg ne àghò yaʼi ane ifɔti tì Yeso Kristo.

Mə̀Hibrù 8:10

Aŋa ya ikan ne mə̀ biri sɔb tì mə̀Izre igun aneg ze. Mə biri ghì mbi se kɔ̀ndɔ ìmbum mə̀nɔ̀ʼɔ̀ bə̀ ghì mbi se nɔ̀ŋɔ̀ ìmbum mə̀nɔ̀ʼɔ̀ inɔb inga fìŋ. Mə biri yaʼ ìwɔb Ŋwiye. Mbɔb bə̀ si yaʼ ìmbum bəd.

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.

1 Jɔn 1:10

Tì mə gha chəyi tì kweʼì ghì anug tibɔ̀ŋ, ane ya gha tì ya kàrà Ŋwiye ane wə̀d inug ako. Ane, chəyi tì bə̀ bḛ ìngam məd ne ya tesiʼ.

1 Jɔn 2:13

Mə ya ŋwàʼrà anìŋ inən, mbə̰ mə̀mbaʼ imbə̀ʼ icheg ne mbə fə kyeri aməd we ne ya bi yaʼ bɔŋ Ŋwiye ya se tànga isəg. Mə ya ŋwàʼrà anìŋ inən, mbə̰ ngwàʼ bɔd imbə̀ʼ icheg ne mbə fə màʼ chè Wə̀d Tibɔ̀ŋ we.

2 Jɔn 1:2

Mə kɔ̀ŋ awən ane imbə̀ʼ icheg ne tesiʼ imbə̀ʼ Ŋwiye we inga ina. Tesiʼ we biri bə yaʼ tì ina ane ighə̀m imɔʼ.

3 Jɔn 1:3

Mə ya taŋ gyen ane nyùmə̀ ne məfi mɔ̀ʼɔ ya yeʼe pè ghà inug inum imbə̀ʼ icheg ne àghò we bène abɔ̀ʼ tesiʼ. Mə kyèri gha àghò we taŋ bène abɔ̀ʼ tesiʼ we aghəm ajìm.

Ɨnû 2:3

Mə bə̀ kyèri gha chəyi àghò kiri bɔri ni nyìʼ inug bə̀ zə̰ ngəʼ ka ka imbə̀ʼ amə.

Ɨnû 2:7

Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”