1 Jɔn 2:10 - Ikan feg

¹⁰ Wə̀d ne kɔ̀ŋɔ̀ ìwi ifi ya wə̀d ne chùghə inga ìzḛzḛ. Ane, chəyi aghi mɔ̀ʼɔ inga məd ne biri ghì gha wì gughə anug.

Meta’

¹⁰ We nɨ ghaʼ wi aŋgɔb wɨ ɨŋga ɨzeŋɨ zeŋɨ, əne chəi ənû ə mɔʼɔ ɨŋga məd nɨ tɨ̀ zɨə ghɨ̀ wɨ̀ tɨ̀grə gù.

1 Jɔn 2:10 교차 참조

Matìyò 13:21

Si ya gha, icheg ne chəyi ighaŋ fitam fe ya taŋ nyi aseg, fi ya kweg məyi ane iki nyumə̀. Anyumə̀ ne bəd ko ni chɔʼ ìmbɔb ibɔʼì ighog imbə̀ʼ ìngam we, mbɔb ya wàʼa ìwɔb ibḛfiŋ kwàʼ amad amad.

Matìyò 18:7

Ngəʼ kyen biri yaʼ igun isəg gho̰ imbə̀ʼ inug mbe ne ghìyə̀ gha bəd se ghìyə̀ inug tibɔ̀ŋ. Inug icheg mbo̰ ya mənyìʼ yèʼe, si ya gha, ngəʼ kyen biri nyi igun wə̀d ne mbi biri yeʼe anjìm məd.

Jn 11:9

Yeso ya ywìrì bìri inɔb gha, “Imbə̀ʼ aneg afibì ya bèrè mbe awa ìghum chɔ̀b ibe, ne isiŋi mbe zḛ? Wə̀d ne yḛ̀ ane isiŋi mbe zḛ, chəyi we gùghə̀ imbə̀ʼ icheg ne, məd we bàrà isiŋi.”

Jn 12:35

Yeso ya si ghà inɔb gha, “Ìzḛzḛ we kiri biri abɔ̀ʼ inən ane iki nyumə̀. Mbə̀ che imbìghè ghi ghì inug ane isiŋi ya kiri zḛ, imbə̀ʼ afub nɔ̀ʼ kən awən. Chəyi wə̀d ne yḛ̀ inga afub we kyère asiŋi ne we ghò angu.

Jn 8:31

Yeso ya ghà abə mə̀Ju mbe ne ya zi ibḛfiŋ igun məd gha, “Mbə̰ mə̀ nyimi ìmə ìngam, mbə biri yaʼ kwàʼ ìmbum mə̀mə̀nənùg.

Rm 14:13

Ane, imbə̀ʼ tì ywiri sɔ̀bɔ awa isaʼi igun wə̀d gha wè gùg anug. Mbə̀ nɔŋɔ inga ìtən fìŋ gha chəyi mbə̀ biri ghì wə̀d mɔ̀ʼɔ abɔ̀ʼ inən gùg anug, kə̀ ghì ìwən ifi kùn feg.

Fìlipì 1:10

Mbə̀ ghiyə ane imbə̀ʼ kyeri icheg ni də̀b anug ne taŋ bɔ̀ŋ. Ane, mbə biri chughi inga ìzḛzḛ anene ghò pè ane aneg ze ne Yeso Kristo biri ywiri yeʼe, ne chəyi tì wì bàd anug tibɔ̀ŋ mɔ̀ʼɔ inga ìwən ìtḛ̀.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.

1 Jɔn 2:11

Àsi wə̀d ne bà̰ ìwi ifi ya wə̀d ne kiri yaʼi inga afub. Məd we kiri ghiyə inug afub. Chəyi wì kyèri asiŋi ne we ghò angu imbə̀ʼ icheg ne afub ze fə fə̀ghì aghə ibo.

1 Jɔn 3:14

Tè kyèri gha tì fə kɔpɔ dù inga inug mbe ne ghìyə̀ bəd kùyə nìme si yaʼ inga inug mbe ne ghìyə̀ bəd jəghə ìtḛ̀. Tè kyèri ane imbə̀ʼ icheg ne tì we kɔ̀ŋɔ̀ mə̀mbin. Wə̀d ne chəyi wì ya kɔ̀ŋɔ̀ mə̀mbin ya wə̀d ne kiri yaʼi inga inug mbe ne ghìyə̀ bəd kùyə nìme.