1 Jɔn 1:9 - Ikan feg

⁹ Tì mə bḛ ìmba inug tibɔ̀ŋ, Ŋwiye biri waʼ ìmba inug tibɔ̀ŋ bə̀ sò awa chì ane ìmba inug tibɔ̀ŋ ijìm. Məd ya Ŋwiye ne fàʼà anug ne wì kàʼi bə̀ ghìyə̀ inug ne koʼi.

Meta’

⁹ Tɨ̀ mɨ ben mba ɨnû rɨbɔ̀ŋ, njɨ məd we nɨə ghɨ̀ ɨnû mbe nɨ wɨ̀ kaʼi bə̀ ghɨ̀ mbe nɨ kuʼnɨ, bɨrɨ waʼ mba ɨnû rɨbɔ̀ŋ bə̀ zeŋnɨ əwa rɨ ənɨ ta rɨ̀gùrɨ-ɨnû jìm.

1 Jɔn 1:9 교차 참조

Matìyò 3:6

Mbi yaya pè bḛ ìmbɔb inug tibɔ̀ŋ. Ane, wì yaya nàʼà mənib inɔb inga igyi Jodàn.

Mk 1:5

Bəd mbe inga aba aben Jùdeyà fɔrɔ bəd məjìm mbe a Jèrusalèm ya dù ghò kɔ̀ti aməd. Mbi yaya bḛ ìmbɔb inug tibɔ̀ŋ. Ane, wì yaya nàʼà mənib inɔb inga igyi Jodàn.

Lk 22:57

Pità ya to̰ yi gha, “Àyi gho̰! Chəyi mə̀ kyeri aməd.”

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Ɨ̀fàʼì 19:18

Bəd nɔʼ nɔʼ inga bəd mbe ne ya bḛ Yeso ya yeʼe se bḛ ìmbɔb inug tibɔ̀ŋ kwàʼ asaŋ asaŋ.

Rm 3:26

Wì ya ghì ane ni chwi ina amad anìŋ gha zìye Ŋwiye, zìye we ghìyə̀ inug ne koʼi. Zìye we ghìyə̀ gha bəd mbe ne nɔŋi ibḛfiŋ igun Yeso Kristo mbe təm kòʼ.

1 Kɔrèn 1:9

Ŋwiye we ne kàri awən gha mbə̀ chughi ane ifɔti tì Ŋwan məd, ìwa Anɔŋisəg Yeso Kristo, məd we fàʼà anug ne wì ya kàʼi.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

Efesùs 5:26

Wì ya ghì ane ni sò awɔb gha mbe zen, bə̀ sò awɔb ane Ìngam Ŋwiye icheg ne mbe sò wə̀d ane mənib.

1 Timotì 1:15

Ajiʼi anug ne wə̀d ijìm kòʼi ni niŋ ya gha; Yeso Kristo ya yeʼe igun isəg ni pumni bəd inug tibɔ̀ŋ. Inga bəd inug tibɔ̀ŋ məjìm, mo ya wə̀d ne bə chè.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 10:23

Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi.

Mə̀Hibrù 11:11

Ka Abràham ya fə nùn, ne iweg məd Sèra ya bə yaʼ kɔ̀m àyi, à ya ibḛfiŋ ya ghi gha wì ywirì gwi ŋwan. Ze ya yaʼ ane imbə̀ʼ icheg ne Abràham ya bḛ gha Ŋwiye we ne kàʼi ni nàʼ ŋwan ibo ya fàʼà anug ne wì kàʼi.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

Ɨnû 15:3

Mbɔb yaya zə̀ʼə̀ ikyeg we ne Muse, wə̀d àfàʼì Ŋwiye ya zə̀ʼi. À ya ikyeg ne Ŋwan njə̀g ya bə zə̀ʼ. Ikyeg we ya gha, “Àghò we fàʼà iyeti inug kyen kyen. Àghò ya Anɔŋisəg, Ŋwiyekɔʼ. Ìmbe mənɔnjì təm kòʼ bə̀ yaʼ mənɔnjì tesiʼ. Àghò ya ifɔn igun bəd məjìm inga iben ijìm.