1 Kɔrèn 8:9 - Ikan feg

⁹ Ane, mbə̀ we awən, imbə̀ʼ mbə̰ nɔ̀ʼ niŋ icheg ne chəyi mbə̰ mbe jə̀ghə aghi mɔ̀ʼɔ, kə̀ niŋ icheg ne mbə̰ mbe jə̀ghə aghi mɔ̀ʼɔ si ghì bəd mbe ne ìwɔb ibḛfiŋ bɔri, mbi gùg anug.

Meta’

⁹ Mbə̀ we əwən ni tɨ ɨchî nɨ tɨ mbə̀ jɨg əghɨ ə mɔʼɔ kɨ̀ ɨchî nɨ chəi ənɨ tɨ̀ mbə̀ jɨg ə ghɨ ni bə̂d mbe nɨ ɨbenɨ mɨ̀mə̌d bɔd gu ənû.

1 Kɔrèn 8:9 교차 참조

Matìyò 18:10

Yeso ya ywìrì ghà abə mə̀mə̀nənùg məd gha, “Mbə̀ niŋ nyumə̀ imbə̀ʼ mbə̰ nɔ̀ʼ wèg wə̀d mɔ̀ʼɔ abɔ̀ʼ bɔn mbo̰ ne bḛ amə. Mə ghà inən gha ìmbɔb mbè angirə̀ mbe tə̀mə imbìghè abə ìmə Mbaʼ ne yaʼi ikaŋ àbɔ̀ŋɔ.

Rm 15:1

Mba mbe ne ìwa ibḛfiŋ ka tè kòʼ ni ya nyìmbe fìŋ tì bəd mbe ne ìwɔb ibḛfiŋ bɔri. Imbə̀ʼ tì ya ghìyə̀ awa məyi inug ne bɔŋi ina.

1 Kɔrèn 10:24

Imbə̀ʼ mbə̰ ziye awən atog ni nèn məyi inug ne biri bɔ̀ŋ inən. Mbə ziye atog ni nèn fɔrɔ inug ne biri bɔ̀ŋ abə bəd ndəŋ.

1 Kɔrèn 10:28

Wə̀d mɔ̀ʼɔ mə̀ ghà inən gha, “Tijəg ìto̰ ya aghi àfàtì abə mə̀ŋwiye.” Mbə̀ to̰ awən tijəg te ni ghì gha imbə̀ʼ fìŋ abə wə̀d we ne gha anug ze inən si ya sàʼa yi məd inga.

1 Kɔrèn 10:29

Mə ya ghà fìŋ wə̀d we ne kàʼi awən, kayi mə ghàmà imbə̀ʼ ìtən fìŋ. Aton ne fìŋ wə̀d ndəŋ biri se sàʼa aməd ane aghi ne mə jə̀ghə kə̀ ane aghi ne chəyi mə̀ jə̀ghə àkə gha?

1 Kɔrèn 10:32

Imbə̀ʼ mbə̰ ghiyə awən gha wə̀d ne yaʼi wə̀d inga ifeti bəd Ŋwiye wì gughə anug; kə̀ àkə Ju kə̀ wə̀d ne kayi Ju.

1 Kɔrèn 8:10

Mbə̰ mbe ne gha mbə̰ bèrì iwe, mbə̀ niŋ gha, wə̀d ne ibḛfiŋ məd bɔri wè bàd awən ne mbə̰ mbe jə̀ghə inga jə mə̀ŋwiye, imbə̀ʼ àze biri ghì gha wì se jə̀ghə ane ighi mbe ne mbe nàʼà abə mə̀ŋwiye?

1 Kɔrèn 8:12

Mbə̰ mə̀ ghì ane, à ya anug tibɔ̀ŋ ne mbə̀ ghi abə ìmbən məfi fɔrɔ ìtən njàbi. Ikuchèg gho̰ ya aghi ne zìyè ana̰ inga ìtɔb fìŋ te ne fə bi bɔd. Mbə̀ kyeri gha mbə̰ fə bə̀ gùg anug abə Kristo.

1 Kɔrèn 9:22

Anyumə̀ ne mə̀ yaʼi abɔ̀ʼ bəd ne ìwɔb ibḛfiŋ bɔri, mə̀ ya icheg wə̀d abɔ̀ʼ inɔb ni ghì gha mbe bḛ Kristo. Ane, mə fə bə̀ŋə̀ ane iku ighi ijìm abə bəd məjìm, imbə̀ʼ chè ane mənɔnjì nɔʼ nɔʼ ni ghì gha inun bəd mɔ̀ʼɔ pum.

2 Kɔrèn 11:21

À ya tìnìrètog inum ni bḛ gha chəyi tì ya beri fìŋ ni ghì ane. Wə̀d mɔ̀ʼɔ mə̀ kə̀ bèrì anug ne tì wì təm kɔ̀m igo igun, nji mo inum bə̀ bèrì. Mbə̀ si mə̀ ghàmà mə anìŋ icheg anen.

2 Kɔrèn 11:29

Wə̀d ne bɔri ne chəyi ibɔri bə gwì mə, àkə we? Wə̀d ne gughi anug ne chəyi ze se amə, àkə we?

2 Kɔrèn 6:3

Chəyi te kə̰ inɔnjì abə wə̀d, ni gha imbə̀ʼ wə̀d mɔ̀ʼɔ nɔ̀ʼ ghàm anug tibɔ̀ŋ imbə̀ʼ àfàʼì ze ne te fàʼà.

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Kòlosè 2:8

Mbə̀ taŋ niŋ nyumə̀ imbə̀ʼ wə̀d mɔ̀ʼɔ nɔ̀ʼ tàmbi awən ane tiwe ako, ghì mbə bḛ ìbòʼì. Tiwe ako ìto̰ ne bəd mbe chwìte ti nɔ̀ʼ yaʼ abə bəd fɔrɔ abə izwighi mbe ne sàʼa isəg gho̰, kayi abə Kristo.

1 Pità 2:16

Mbə̀ chughi icheg bəd ne yaʼi awɔb ane ìwɔb ighəm ne kayi ìbòʼì. Si ya gha, imbə̀ʼ mbə̰ si niŋ awən icheg ne mbə̰ mbe chùghə ane ìwən ighəm ni ghì inug tibɔ̀ŋ. Mbə̀ chughi icheg ne bəd àfàʼì Ŋwiye beri ni chughi.

2 Pità 2:19

Mbɔb ya ghà abə bəd ne fèbè gha mbi biri dù inga ngəʼ, ne mbɔb inɔb ya kiri məfeg abə inug tibɔ̀ŋ mbe ne ìtɔb nyàmnyɔd te ghə̀ʼrə̀. Wə̀d ya ifeg abə aghi ne beri ika igun məd.

Ɨnû 2:14

Si ya gha, mə bèrì inug mɔ̀ʼɔ iki piʼi imbə̀ʼ awe. Bəd mɔ̀ʼɔ mbe abɔ̀ʼ inən ne bène abɔ̀ʼ inug mbe ne Balàm yaya chwìte. Balàm ya chwìti ikuchèg abə Balàk ni gha wì febri mə̀Izre imbə̀ʼ mbi jəg ighi mbe ne mbi yaya nàʼà ane ighi àfàtì abə mə̀ŋwiye. Wì ya bə̀ fèbrì awɔb gha mbe nɔkɔ mə̀yi abu abu.