1 Kɔrèn 5:8 - Ikan feg

⁸ Ane, imbə̀ʼ tì jəg awa Iteri Chègun we tì ngə̀ŋ ne àfòrì yaʼi inga. Àfòrì anun ze ya inug tibɔ̀ŋ tì inug izəg. Tì jəg Iteri we yaʼ tì ngə̀ŋ mə̀kara ne chəyi àfòrì inga. Tì jəg ngə̀ŋ ze tì ìza fìŋ ijìm bə̀ se ghà inug tesiʼ.

Meta’

⁸ Əne tɨ̀ jɨg əchwɨ̂ ze, kaʼi mbɨ ə ŋgə̀ŋ ze nɨ ɨfuʼ ənun we nɨə ghɨ̀ ni ŋgə̀ŋ kɔʼ yeʼ ɨŋga. Ɨfuʼ ənun we nɨə ghɨ̀ ni ŋgə̀ŋ kɔʼ yɨ ənû nɨ ghɨ̀ ɨnû rɨbɔ̀ŋ mbɨ ənû nɨ ghɨ ɨzɨg. Àyɨə tɨ̀ jɨg əchwɨ̂ ze yeʼ ənɨ ə ŋgə̀ŋ nɨ chəi ɨfuʼ we nɨə ghɨ̀ ni ŋgə̀ŋ kɔʼ ɨŋga. Tɨ̀ jɨg ənɨ ə fîŋ zeŋɨ zeŋɨ bə̀ sɨə ghà ɨnû mbe nɨ yeʼ mbɨ rəsìʼ.

1 Kɔrèn 5:8 교차 참조

Matìyò 16:12

Anyumə̀ we, àzɔb atog ya kə zen gha Yeso yaya ghà inɔb gha mbe we awɔb imbə̀ʼ inug ne mə̀Farìsi tì mə̀Sadùsi yaya chwìte, kayi imbə̀ʼ àfòrì ne mbe zìyè inga ngə̀ŋ.

Matìyò 16:6

Yeso ya ghà inɔb gha, “Mbə̀ we awən imbə̀ʼ àfòrì mə̀Farìsi tì mə̀Sadùsi.”

Mk 8:15

Ane, Yeso ya pàti awɔb gha, “Mbə̀ niŋ nyùmə̀, bə̀ we awən imbə̀ʼ àfòrì mə̀Farìsi tì àzi Erɔ̀d.”

Lk 12:1

Icheg ne inɔ̰ bəd ya fete nyə̀mə̀ nyə̀mə̀ mbi mɔ̀ʼɔ se tə̀ʼrə̀ mə̀mbin, Yeso ya bì ko ni ghàm abə mə̀mə̀nənùg məd. Wì ya ghà inɔb gha, “Mbə̀ pati awən imbə̀ʼ àfòrì ze abə mə̀Farìsi. Àfòrì ze ya ìmbɔb inug fubri.

Jn 1:47

Mbi ya nɔ̀ʼ ghò. Kwàʼ icheg ne Yeso ya bàri Nàtanìyè we yèʼe abɔ̀ʼ məd, wì ya ghà imbə̀ʼ aməd gha, “Aŋa ya kwàʼ wə̀d Izre tesiʼ. À ya wə̀d ne chəyi we fùbrə̀ inug.”

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

1 Kɔrèn 5:1

Mə zug gha bəd mɔ̀ʼɔ mbe abɔ̀ʼ inən ne ghìyə̀ ifanì inug. Iku àfànì we bə, fɔrɔ bèyi abə bəd ne chəyi mbi kyeri Ŋwiye. Mə fə zug gha wə̀d mɔ̀ʼɔ abɔ̀ʼ inən we nɔ̀kɔ̀ iweg mbaʼ məd.

1 Kɔrèn 5:6

Aghi ze ne mbə̰ mbe kɔ̀mɔ̀ igo igun, mbə kyeri gha chəyi ze bɔŋi. Àkə chəyi mbə̀ kyeri gha iki àfòrì kwa kwa ya nyḭ̀yḛ inga aburi ngə̀ŋ mə̀kara ghìyə̀ ngə̀ŋ ijìm kɔ̀ʼɔ?

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 8:8

Chəyi mə̀ ghà anug azo̰ inən anìŋ icheg ni gha à ya nɔ̀ʼɔ̀. Mə ya kə̀bə̀ ni nèn gha kə̀ mbə̰ kɔ̀ŋ ni wètì bəd icheg ne tifeti bəd Kristo ìtin bə kɔ̀ŋ?

Efesùs 6:24

Ŋwiye ghiyə ìchɔ̀mì abə bəd məjìm ne kɔŋi Anɔŋisəg Yeso Kristo ane iku àkɔ̀ŋì ze ne chəyi ze biri nɔʼ mèg.

1 Pità 4:2

Ane, mbə̰ kòʼ ni se ghìyə̀ inug mbe ne Ŋwiye we kə̀bə̀ ane nyumə̀ gho̰ ne mbə̀ kiri yaʼi igun isəg. Kayi ni ya ywìrè ghìyə̀ inug tìbɔŋ mbe ne nyàmnyɔd ze ghə̀ʼrə̀.