1 Kɔrèn 4:5 - Ikan feg

⁵ Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

Meta’

⁵ Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

1 Kɔrèn 4:5 교차 참조

Matìyò 10:26

Yeso ya chè imbìghè gha, “Ane, imbə̀ʼ mbə̰ bɔ awən bəd mbe ne chɔ̀ʼɔ ìmbən ibɔʼì ighog. Chəyi aghi mɔ̀ʼɔ ne mbi kubri ne chəyi mbi biri fìʼì kə̀ ne mbi nəmbi ne chəyi bəd biri kyeri.

Matìyò 24:30

Nyùmə̀ we mə̀ kòʼ, aneni ni chwi gha Ŋwan Wə̀d fə se yèʼe biri dù aton àbɔ̀ŋɔ. Bəd məjìm igun iseg biri zə̀ʼ anyumə̀ ne mbi biri bàd aməd ne we yèʼe inga pàʼ tì ika fɔrɔ ighumni kyen məd.

Matìyò 24:46

Ze biri bɔ̀ŋ abə wə̀d àfàʼì we anyumə̀ ne mbaʼ àfàʼì məd bə̀ndi pè kɔ̀ti aməd ne we fàʼà àzi àfàʼì.

Matìyò 25:21

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Matìyò 25:23

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Lk 6:37

Yeso ya chè imbìghè gha, “Imbə̀ʼ mbə̰ sɔbɔ awən isaʼi igun bəd. Chəyi Ŋwiye biri bə sɔb isaʼi igun inən. Imbə̀ʼ mbə̰ chìkə awən ikum wə̀d. Chəyi Ŋwiye biri bə chìkì ìwən. Mbə̀ waʼ inug tibɔ̀ŋ bəd, Ŋwiye biri bə waʼ ìmbən.

Jn 21:22

Yeso ya ywìtì gha, “Mə kə mə̀ kə̀b gha wì chughi izɔm pè ane nyumə̀ ne mə̀ biri ywiri yeʼe, àze inga àkə aghə? Àghò bèni abɔ̀ʼ inum”

Jn 21:23

Bəd ya chètè anug azo̰ anene bəd məjìm ne ya bḛ Yeso ya zug gha, chəyi àmə̀nənùg gho̰ biri ku. Si ya gha, kayi anug ne Yeso ya gha aze. Chəyi wì ya gha, chəyi wì biri ku. Wì ya gha, “Mə kə mə kə̀b gha wì chughi izɔm pè ane nyumə̀ ne mə̀ biri ywiri yeʼe, àze inga àkə aghə?”

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Rm 14:4

Àghò kə we ne sàʼa wə̀d àfàʼì wə̀d ndəŋ? À ya məyi mbaʼ àfàʼì wə̀d beri ni kyeri gha àfàʼì məd kòʼ kə̀ chəyi. Àfàʼì məd biri kòʼ imbə̀ʼ icheg ne à ya Anɔŋisəg beri ika ni ghì gha àfàʼì məd koʼo.

Rm 2:1

Icheg ne ze yaʼi ane, àghò ne sɔ̀bɔ isaʼi igun bəd ndəŋ, chəyi tì àghò gha, “Chəyi mə̀ kə kyeri.” À ya ane imbə̀ʼ icheg ne anyumə̀ ne àghò we sɔ̀bɔ isaʼi igun wə̀d, à ya bə̀ isaʼi ne àghò we zìyè igun ìwe nyɔd. À ya ane imbə̀ʼ icheg ne, àghò we ne sɔ̀bɔ isaʼi igun bəd, àghò we bə̀ ghìyə̀ inug mbe ne mbɔb mbe ghìyə̀.

Rm 2:16

Aŋa ya icheg ne ze biri yaʼ igun aneg ze ne Ŋwiye biri chè anjìm Yeso Kristo ni saʼ bəd ane inug ijìm fɔrɔ inug mbe ne mbi ya ghi inə̀mbi icheg ne mə̀ ya gha inən inga ikən chɔm.

Rm 2:29

Ju tesiʼ ya wə̀d we ne bḛ Ŋwiye kwàʼ ibo inga fìŋ. Anug ni ŋwed wə̀d tesiʼ ya ikɔpi we ne yaʼi inga fìŋ wə̀d ne à ya Azwighi Ŋwiye ghi, kayi mə̀nɔ̀ʼɔ̀ Muse. Wə̀d ne beri iku ikɔpi gho̰ inga fìŋ məd ya bèrè ighumni ne nɔʼi imbìghè abə Ŋwiye kayi abə bəd igun isəg.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

1 Kɔrèn 1:7

Chəyi ineʼi mɔ̀ʼɔ ne Azwighi Ŋwiye ze nàʼà ne chəyi mbə̀ beri, icheg ne mbə̀ taŋ zì atog ni ghɔ̀m gha Anɔŋisəg Yeso Kristo ywirì yèʼe.

1 Kɔrèn 11:16

Wə̀d mə kə̀b ni tàŋì anug azo̰, wì kyeri gha chəyi mba kə̀ tifeti bəd Ŋwiye beri ikuchèg ndəŋ ni ghumni Ŋwiye angu.

1 Kɔrèn 11:26

Anìŋ ya chwìye gha, mà nyumə̀ ijìm ne mbə̰ mbe jə̀ghə ngə̀ŋ ìzo̰ bə̀ no toʼ izo̰, mbə̰ ya ghà anug imbə̀ʼ iwu Anɔŋisəg. Mbə̰ biri ya ghà anene pè ane nyumə̀ ne wì biri ywiri yeʼe.

1 Kɔrèn 15:23

Ŋwiye biri zwemni wə̀d imɔʼ imɔʼ ane tiwaŋ icha icha. Wə̀d mbègtog we ne Ŋwiye zwèmni ane iwu ya Kristo. Anyumə̀ ne Kristo ywirì yèʼe, Ŋwiye biri zwemni bəd mbe ne yaʼi bəd Kristo.

1 Kɔrèn 3:13

Àfàʼì wə̀d biri chwi aghi ne ze yaʼi àzewən igun aneg ze ne Kristo biri ywiri yeʼe. Igun aneg ze, iywid biri chwi iku nəb ne wə̀d kɔ̀ri asaŋ. Àfàʼì wə̀d ijìm biri chè inga iywid.

1 Kɔrèn 3:14

Àfàʼì wə̀d mə̀ chè inga iywid ne chəyi ze bere ajìm, Ŋwiye biri nàʼ chùd abə tengàŋ.

1 Kɔrèn 3:8

Wə̀d ne nyɔ̀ʼɔ̀ tì wə̀d ne chùbrə̀, mbɔb məjìm ya andəŋ andəŋ. Ane, Ŋwiye biri nàʼ chùd wə̀d icheg ne àfàʼì məd chwi.

2 Kɔrèn 10:18

Chəyi Anɔŋisəg we bḛ wə̀d ne gha zìye fàʼ icheg chɔm. Anɔŋisəg ya bḛ yaʼ wə̀d ne məd zìye gha gha wə̀d we fàʼ icheg chɔm.

2 Kɔrèn 10:9

Imbə̀ʼ mbə̰ kɔndi awən gha mə̀ ya fàŋà awən ane ìŋwàʼrì mbe ne mə chà inən,

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

1 Tèsàlonikà 5:2

Chəyi aton mɔ̀ʼɔ imbə̀ʼ icheg ne mbə̰ fə kyeri àzən aghi gha aneg ze ne Anɔŋisəg biri ywiri yeʼe biri yaʼ kwàʼ icheg ne iji we yèʼe izimi.

Mə̀Hibrù 4:13

Chəyi aghi mɔ̀ʼɔ igun isəg ne chəyi tì Ŋwiye bad. Ighi ijìm ya asaŋ imbìghè abə Ŋwiye we ne tì biri təm ibo imbìghè ni mə̀tì inug ijìm mbe ne tì yaya fàʼà.

Jems 4:11

Ìmbum məfi fɔrɔ ìtum njàbi, imbə̀ʼ wə̀d ghama yi anug tibɔ̀ŋ igun wə̀d ndəŋ. Wə̀d we ne ghàmà inug tibɔ̀ŋ igun wə̀d ndəŋ, kə̀ sàʼa wə̀d ndəŋ, tengàŋ ya gha chəyi mə̀nɔ̀ʼɔ̀ Ŋwiye koʼi. Məd ya ane bə̀ sàʼa mə̀nɔ̀ʼɔ̀ Ŋwiye. Àghò mə sàʼ mə̀nɔ̀ʼɔ̀ Ŋwiye, ane ya gha, chəyi àghò biri ya nɔ̀ŋɔ̀ mə̀nɔ̀ʼɔ̀ mbe. Àghò biri yaʼ wə̀d ne sàʼà mə̀nɔ̀ʼɔ̀.

Jems 5:7

Ìmbum məfi fɔrɔ ìtum njàbi, mbə nyimi fìŋ anene Anɔŋisəg yeʼe. Mbə̀ nḛ icheg ne wə̀d mben we mə̀ nyɔ̀ʼ ighi ngwèd, chùghi se ghɔ̀mɔ̀ gha ighi mbe ko. Wì ya ghɔ̀mɔ̀ ni ko ane mbə̀ŋ chùbi ghò pè inga ichi ka.

Jems 5:9

Ìmbum məfi fɔrɔ ìtum njàbi, imbə̀ʼ mbə̰ zḭʼḛ awən mə̀mbin, nji Ŋwiye biri saʼ awən. Məd we ne biri saʼ wə̀d ijìm we se zàmbi yeʼe!

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.

2 Pità 3:12

Icheg ne mbə̰ mbe ghɔ̀mɔ̀ aneg ze ne Ŋwiye biri ywiri yeʼe, mbə̀ kirə ika ghì gha aneg ze zàmbà yèʼe. Igun aneg ze, iywid biri tɔ̀n ikaŋ àbɔ̀ŋɔ, wi nim. Azuʼ ane iywid we biri ghì gha ighi mbe ne yaʼi ikaŋ àbɔ̀ŋɔ mbe sam.

2 Pità 3:4

Mbi biri gha, “Imbə̀ʼ Yeso ya kàʼ gha ziye biri ywiri yeʼe? Məd weg? Ìmba mə̀mbaʼ mbe te aneg ya fə sàŋì isəg. Si ya gha, nɔ̀ʼ ane Ŋwiye ya tangi isəg, inug ijìm mbe kiri yi kwàʼ icheg ne mbi ya yaʼi!”

Jûd 1:14

Enɔ̀g ne mbi ya gwi aməd inga ikəri bəd ne pè ane ìsàmbe nɔ̀ʼ ane Adàm, ya ghà ikən Ŋwiye imbə̀ʼ bəd mbo̰ gha, “Nḛ! Anɔŋisəg biri yeʼe tì mbè angirə̀ ìzḛzḛ məd chuʼ tì chuʼ

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.

Ɨnû 20:12

Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe.