1 Kɔrèn 3:21 - Ikan feg

²¹ Ane, imbə̀ʼ wə̀d mɔ̀ʼɔ kɔmɔ yi igo gha zìye ya bène abɔ̀ʼ wə̀d-aku mɔ̀ʼɔ imbə̀ʼ icheg ne Ŋwiye fə nàʼ ighi ijìm inən.

Meta’

²¹ Əne tɨ wə̀d mɔʼɔ goŋ i ɨgɔ̂ ni tə wɨə beenɨ əbɔʼ wə̀d mɨ̀sɔŋɨchù mɔʼɔ, ɨmbə̀ʼ ɨghəm nɨ Ŋwìə̀ fə nàʼ ɨghɨjìm ɨ nən.

1 Kɔrèn 3:21 교차 참조

Rm 4:13

Kayi imbə̀ʼ icheg ne Abràham yaya nɔ̀ŋɔ̀ mə̀nɔ̀ʼɔ̀ Muse ne Ŋwiye ya kàʼi gha məd tì bɔn ane aghaŋ inəbi məd biri jəg ighi igun isəg. À ya anjìm ibḛfiŋ məd ne Ŋwiye ya niŋi aməd ane wə̀d ne təmi kòʼ.

Rm 8:28

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

Rm 8:32

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

1 Kɔrèn 4:6

Amad anìŋ, ìmbum məfi fɔrɔ ìtum njàbi, mə ya ghà inug mbo̰ inən ni gha mbə̀ niŋ amə tì Àpolòs ane aneni anug si bèrì iwe. Mbə̰ mə̀ zug inug mbo̰, mbi biri wètì awən ni kyeri aton imbə̀ʼ ìngam we ne gha, “Imbə̀ʼ àghò fàʼà awe chè anug ne mbi ŋwàʼri inga Àŋwàʼrì Ŋwiye.” Ane, imbə̀ʼ mbə̰ kɔmɔ awən igo imbə̀ mɔ̀ʼɔ, se kə̀nə̀ ìywin.

2 Kɔrèn 4:15

Inug mbo̰ ijìm ya ni wètì awən. À ya ni ghì gha icheg ne bəd nɔʼ nɔʼ fə jəghi ane ìchɔ̀mì Ŋwiye, mbi biri taŋ nàʼ məyakà fɔrɔ ighumni nɔ̀ʼ nɔ̀ʼ abə Ŋwiye.

2 Kɔrèn 4:5

Chəyi tì ya chètè inug imbə̀ʼ ìwa nyɔd. Tì ya chètè yaʼ gha Yeso Kristo ya Anɔŋisəg, mba ya bəd àfàʼì inən imbə̀ʼ Yeso.

2 Kɔrèn 6:10

Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

Ɨnû 21:7

Wə̀d ne bà̰ inug tibɔ̀ŋ biri jəg ighi mbo̰ ijìm. Mə biri yaʼ Ŋwiye məd, məd bə̀ yaʼ ìmə ŋwan.