1 Kɔrèn 2:8 - Ikan feg

⁸ Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

Meta’

⁸ Chəi wə̀d mɔʼɔ rəbɔʼ mbe nɨə tùmbɨ̀ ɨsɨg wɔ̂ nyaʼa kyerɨ ənû zɔ̂. À kɨ nɨ mbɨ nyaʼa kyerɨ, njɨ chəi mbɨ nyaʼa kombɨ Ə̀nùŋɨ̀sɨg we nɨ mbɨə naʼ ɨwumnɨ ɨ bɔ.

1 Kɔrèn 2:8 교차 참조

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 13:22

Fitam fe ne fendi inga agyen njəŋ ya mə̀tə̀ imbə̀ʼ wə̀d ne zùghə Ìngam Ŋwiye bə̀ bḛ, si ya gha, tikɔndi imbə̀ʼ ighi igun isəg fɔrɔ ikuchèg ne ighi igun isəg ya tàmba bəd biri nimni ìngam we. Wì biri si ku witì wì ko titam.

Lk 23:34

Yeso ya chàʼra Ŋwiye gha, “Ìmə Mbaʼ, waʼ ìmbɔb inug tibɔ̀ŋ imbə̀ʼ icheg ne chəyi mbi kyeri aghi ne mbe ghìyə̀.” Mə̀sogyì mbe ya niŋ ndwi məd sàndi, buʼ tikaʼì igun ni ghàpì ndwi ze mbɔb mbɔb.

Jn 16:3

Bəd biri ghì inən ane imbə̀ʼ icheg ne chəyi mbi kyeri ìmə Mbaʼ, kə̀ bə̀ kyèri amə.

Jn 7:48

Mbə wa bàd wə̀d mɔ̀ʼɔ abɔ̀ʼ itog bəd ne tùmbə̀ aben kə̀ Farìsi mɔ̀ʼɔ ne nɔŋi ibḛfiŋ igun məd?

Jn 8:19

Anyumə̀ ne wi ya gha ane, mbi ya biri ibo gha, “Ìwe Mbaʼ kə aya?” Yeso ya ywìtì gha, “Chəyi mbə̀ kyeri amə. Chəyi mbə̀ bə kyeri ìmə Mbaʼ. Àkə aghi ne mbə̀ kə kyèri amə, nji mbə biri bə kyeri ìmə Mbaʼ.”

Ɨ̀fàʼì 13:27

Chəyi bəd a Jèrusalèm tì ìmbɔb itog bəd ya kyere Yeso icheg wə̀d ne pùmnə bəd. Mbɔb ya zì yaʼ isaʼi wən igun məd, niŋ isɔbi anug zwèti aməd. Ane, inug mbe ne bədkə̀n Ŋwiye ya ghum ghà, ne mbɔb yaya fɔ̀ŋɔ mà ineg àzwètì ijìm, ya dù ane tesiʼ.

Ɨ̀fàʼì 7:2

Stifə̀n ya ywìtì gha, “Ìmbum məfi fɔrɔ ìmbum mə̀mbaʼ, mbə̀ zug! Ŋwiye we ne mba mbe ghùmnə ya dù imbìghè abə Abràham anyumə̀ ne wì ya kiri biri a Mèsòpòtemìyà, bɔŋ wì ya gho se chùghə a Haràn.

1 Kɔrèn 1:20

Ane, bəd mbe ne ghà gha mbɔb bèrì iwe, tì bəd mbe ne ghà gha mbɔb kyèri àŋwàʼrì kə̀ mbɔb kyèri icheg ni tàŋì anug, chəyi mbɔb ywirì bèrì ati? Ŋwiye fə chwi gha iwe we ne bəd mbe ne yaʼi inga nyùmə̀ isəg gho̰ mbe ghà gha mbɔb bèrì ya kwàʼ iwe anen.

1 Kɔrèn 2:6

Anyumə̀ ne tì yaʼi tì bəd ne fə təmi kà inga anug Kristo, tì ya ghàmà ane iwe. Si ya gha, ìwa iwe kayi iwe ne bəd inga isəg beri, kə̀ ne itog bəd ne sàʼa isəg gho̰ beri, ne ìwɔb ìfɔ̀n biri mèg.

2 Kɔrèn 3:14

Chəyi tì bəd ya kyeri anug ne mə̀nɔ̀ʼɔ̀ Muse yaya ghà. Ka bèyi amad anìŋ, anyumə̀ ne bəd mbe fɔ̀ŋɔ mə̀nɔ̀ʼɔ̀ Muse, ndwi ze kiri kəndə iwe bəd. Anyumə̀ ne wə̀d yaʼi ane ifɔti tì Kristo, ndwi ze ya dùwə̀, iwe məd fìʼè.

Efesùs 1:17

Mə ya chè imbìghè ni ya chàʼrà Ŋwiye gha, Ŋwiye ìwi ìwa Anɔŋisəg Yeso Kristo ne yaʼi Mbaʼ ne bèrì ighumni ijìm, wì naʼa Àzi Azwighi inən imbə̀ʼ Ze ghiyə awən mbə̀ bere iwe. Mə we bə̀ chàʼrà Ŋwiye gha wì chwi tesiʼ imbə̀ʼ Ŋwiye inən imbə̀ʼ mbə̀ kyere aməd icheg chɔm.

Efesùs 4:18

Mbɔb mbe kiri inga afub. Mbɔb mbe ghìyə̀ tìzughə̀ imbə̀ʼ icheg ne chəyi mbi kyere tesiʼ. Chəyi mbɔb bə kə̀b ni kyeri. Ane, Chəyi mbɔb biri jəg ìtḛ̀ we ne Ŋwiye we nàʼà.

1 Timotì 1:13

Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.

Jems 2:1

Ìmbum məfi fɔrɔ ìtum njàbi, icheg ne mbə̀ bḛ Anɔŋisəg Yeso Kristo we ne bəd mbe ghùmnə, imbə̀ʼ mbə̰ si ya ghìyə̀ awən ighə.