1 Kɔrèn 2:6 - Ikan feg

⁶ Anyumə̀ ne tì yaʼi tì bəd ne fə təmi kà inga anug Kristo, tì ya ghàmà ane iwe. Si ya gha, ìwa iwe kayi iwe ne bəd inga isəg beri, kə̀ ne itog bəd ne sàʼa isəg gho̰ beri, ne ìwɔb ìfɔ̀n biri mèg.

Meta’

⁶ Ənɨ tɨ̀ yeʼ əkaʼ bə̂d Kristo mbe nɨ fə kaanɨ, tɨ̀ wɨə ghàm ɨŋgam ɨwe. Ka ɨwe we yɨ i rɨ əmbɨ ə bə̂d mbe rɨŋga ɨsɨg wɔ̂, kɨ̀ rɨ əmbɨ ɨzwî mbe nɨə tùmbɨ̀ ɨsɨg wɔ̂, nɨ ɨka mɨ̀mə̌d bɨrɨ mì.

1 Kɔrèn 2:6 교차 참조

Matìyò 13:22

Fitam fe ne fendi inga agyen njəŋ ya mə̀tə̀ imbə̀ʼ wə̀d ne zùghə Ìngam Ŋwiye bə̀ bḛ, si ya gha, tikɔndi imbə̀ʼ ighi igun isəg fɔrɔ ikuchèg ne ighi igun isəg ya tàmba bəd biri nimni ìngam we. Wì biri si ku witì wì ko titam.

Matìyò 19:21

Yeso ya ywìtì ibo gha, “Àghò mə kə̀b ni bɔ̀ŋ mànì, ndò gho fèn ìmbe ighi ijìm, nàʼ ikab abə bəd ne chəyi àzɔb, àghò biri si taŋ bèrì ighi ikaŋ àbɔ̀ŋɔ. Àghò mə mànì ni ghì ane, si yèʼe bèni abɔ̀ʼ inum.”

Matìyò 5:48

Ane, mbə̰ bèrì ni bɔ̀ŋ mànì kwàʼ icheg ne ìwən Mbaʼ ikaŋ àbɔ̀ŋɔ bə bɔ̀ŋ mànì.”

Lk 16:8

Mbaʼ àfàʼì we ya chɔ̀tɔ̀ wə̀d àfàʼì məd we imbə̀ʼ icheg ne wì ya chi tiwe iji. Wì ya chɔ̀tɔ̀ aməd ane imbə̀ʼ icheg ne bəd inga isəg gho̰ ya chìyè tiwe fàʼà ìmbɔb inug tì bəd ne yaʼi icheg inɔb chè bəd mbe ne yaʼi inga ìzḛzḛ ne kyeri Ŋwiye.

1 Kɔrèn 1:28

Ŋwiye ya chɔʼ bəd mbe ne bəd igun isəg mbe wèghè bə̀ nìŋə gha à ya ighi ako, ni swi bəd mbe ne bəd igun isəg mbe nìŋə gha à ya bəd kyen kyen.

1 Kɔrèn 12:8

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ.

1 Kɔrèn 14:20

Ìmbum məfi fɔrɔ ìtum njàbi, imbə̀ʼ mbə̰ ya kɔ̀ndɔ awən inug icheg bɔn kwa. Àmə se ane inug tibɔ̀ŋ, mbə̀ yaʼ awən abəŋ icheg bɔn kwa. Mbə̀ yaʼ icheg bɔn kwa, si ya gha, mbə̀ se kɔ̀ndɔ inug icheg bəd kyen.

1 Kɔrèn 2:1

Ìmbum məfi fɔrɔ ìtum njàbi, anyumə̀ ne mə̀ ya yeʼe ni ghàm inug mbe ne yaʼi inə̀mbi imbə̀ʼ Ŋwiye inən, chəyi mə̀ ya ghàmi inug mbe ane tìngam kyen kyen kə̀ ane iwe kyen.

1 Kɔrèn 2:13

Chəyi te ghàmà inug mbo̰ ane tìngam ne beri iwe wə̀d-aku. Tì ya ghàmà yaʼ tìngam tesiʼ ne Azwighi Ŋwiye chwiti ina. Tì ya tòʼrò tìngam te abə bəd mbe ne Azwighi Ŋwiye yaʼi inga inɔb.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

1 Kɔrèn 3:1

Ìmbum məfi fɔrɔ ìtum njàbi, chəyi tì mə ya ghàm inən icheg ne tì mə ghàm abə bəd ne zùgrə Azwighi Ŋwiye. Mə ya bèrì ni ghàm inən icheg bəd ne yaʼi inga isəg, kə̀ bə̀ icheg ni gha mbə̰ ya kiri bɔn bɔd inga anug Kristo.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

2 Kɔrèn 4:3

Ane, àmə yaʼ aghi ne ndwi kəndi ikən chɔm gho̰ ne te chètè, nji zè kə̀ndi yaʼ abə bəd ne nìme.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

Kòlosè 1:28

Tì ya chètè inug imbə̀ʼ Kristo abə wə̀d ijìm. Tì ya pàta awɔb gha imbə̀ʼ mbi nɔ̀ʼ sam kə̀tə̀d Ŋwiye. Tì ya bə̀ chwìte inug inɔb ane iwe ni ghì gha, tì we tì tì niŋ bəd məjìm ne yaʼi ane ifɔti tì Kristo ghò imbìghè abə Ŋwiye ne ìwɔb ibḛfiŋ fə taŋ kà.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

Mə̀Hibrù 5:14

Tijəg ka ka ya abə bəd kyen ne fə nani inug bə̀ kyèri icha ne yaʼi inga anug tibɔ̀ŋ tì anug chɔm.

Mə̀Hibrù 6:1

Tì saŋa inug mbègtog mbe ne tì ya ghum nàni imbə̀ʼ kristo si chè imbìghè ni nani yaʼ inug mbe ne mbe chwìte abə bəd mbe ne fə təmi kà inga anug Ŋwiye: Tì saŋa anug ni ya ywìrè chwiti gha bəd bəŋə ìtɔb fìŋ sìkì inug tibɔ̀ŋ ne tì mbi ghì mbɔb ku fɔrɔ anug ni nɔ̀ŋì ibḛfiŋ igun Ŋwiye.

Jems 3:15

Kayi Ŋwiye nàʼi iku “iwe” we. Wi nɔ̀ʼ yaʼ abə bəd inga isəg. Kayi Azwighi Ŋwiye naʼi. Wì nɔ̀ʼ yaʼ abə Debrə̀.

Jems 3:2

Mba məjìm mbe fèbè ane mənɔnjì nɔʼ nɔʼ. Wə̀d mɔ̀ʼɔ mə̀ yaʼ angu ne chəyi we kweʼè fèbè ane inug ne we ghà, nji tengàŋ bɔ̀ŋ mànì bə̀ yaʼ wə̀d ne taŋ kyèri icheg ni nyimi ìwi nyɔd.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.