1 Kɔrèn 13:4 - Ikan feg

⁴ Àkɔ̀ŋì ze ghìyə̀ gha bəd beri inyimbifiŋ. Àkɔ̀ŋì ze bə̀ ghìyə̀ gha bəd ya fàʼà inug chɔm. Chəyi àkɔ̀ŋì ze ghìyə̀ gha wə̀d ya bèrè àdeg, kə̀ gha wə̀d ya kɔ̀mɔ̀ igo, kə̀ bə̀ gha wə̀d ya nɔ̀rɔ̀ nyɔd.

Meta’

⁴ Ɨghaʼi wɨə ghɨ̀ ni wə̀d yim fîŋ. Ɨ wɨə bə̀ ghɨ̀ ni wə̀d ghɨ ɨ̀chɔ̀m. Ka ɨghaʼi wɨə ghɨ̀ i ni wə̀d ghɨ ə̀dìì, kɨ̀ ni wə̀d goŋ ɨgɔ̂, kɨ̀ ni wə̀d nɔ ɨnyod.

1 Kɔrèn 13:4 교차 참조

Matìyò 27:18

Payilèd ya biri ane imbə̀ʼ icheg ne wì ya kyeri àze aghi gha mə̀Ju ya gwì Yeso nàʼ ibo anjìm àdeg.

Ɨ̀fàʼì 7:9

Mə̀mbaʼ mə̀Izre ya nḛ Jòseb ìwɔb ifi, ghì ìdɔ̀b. Ane, mbi ya fèn aməd abə bəd mɔ̀ʼɔ ne ya niŋi aməd ghò fèn ane ifeg a Ijìb. Si ya gha, Ŋwiye ya yaʼ tì məd.

Rm 1:29

Tiku inug tibɔ̀ŋ ijìm fə nyi zweg inga inɔb: inug tibɔ̀ŋ, àdeg, anug ni ghə̀ʼrì ighi bə kɔ̀ŋɔ̀ ni ghì inug tibɔ̀ŋ igun mə̀mbin; mbɔb fə zì atog ane anug ni ghì àdeg, anug ni zì fìŋ igun ighi bəd ndəŋ, anug ni zweti bəd, achɔb, anug ni tambi bəd fɔrɔ ane anug ni taŋ mənaŋ. Mbɔb mbe ghìyə̀ mənèghe;

Rm 13:13

Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

1 Kɔrèn 4:18

Bəd mɔ̀ʼɔ abɔ̀ʼ inən mbe se ghàmà nɔ̀rɔ̀ nyɔd imbə̀ʼ icheg ne mbe kɔ̀ndɔ gha chəyi mə̀ biri ywiri yeʼe abɔ̀ʼ inən.

1 Kɔrèn 4:6

Amad anìŋ, ìmbum məfi fɔrɔ ìtum njàbi, mə ya ghà inug mbo̰ inən ni gha mbə̀ niŋ amə tì Àpolòs ane aneni anug si bèrì iwe. Mbə̰ mə̀ zug inug mbo̰, mbi biri wètì awən ni kyeri aton imbə̀ʼ ìngam we ne gha, “Imbə̀ʼ àghò fàʼà awe chè anug ne mbi ŋwàʼri inga Àŋwàʼrì Ŋwiye.” Ane, imbə̀ʼ mbə̰ kɔmɔ awən igo imbə̀ mɔ̀ʼɔ, se kə̀nə̀ ìywin.

1 Kɔrèn 5:2

Mbə̀ kə che iye se kɔ̀mɔ̀ igo ane anug ne nji mbə̰ mbe sɔ̀mnɔ̀? À ya anug ne nji mbə̰ kə̀ chì iku wə̀d we inən inga fìghàra.

1 Kɔrèn 8:1

Amad anìŋ, mə kə̀b ni ghàm imbə̀ʼ tijəg te ne mbe jə mə̀ŋwiye. Tè kyèri gha, “Mba məjìm bèrì iwe,” icheg bəd mɔ̀ʼɔ mbe ghà. Inug mbo̰ ne tì kyeri mbe ghìyə̀ bəd mɔ̀ʼɔ se nɔ̀ nyɔd. Àsi àkɔ̀ŋì ya kɔ̀rɔ bəd ane mbi imɔʼ ghìyə̀ bəd chùghə ane ichug imɔʼ.

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

2 Kɔrèn 6:6

Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

Gàlesìyà 5:26

Ane, imbə̀ʼ tì ya nɔ̀ awa nyɔd. Imbə̀ʼ tì ya ghìyə̀ awa gha bəd gaŋ. Imbə̀ʼ tì ya bə̀ ghə̀ʼrə̀ awa ighi bəd.

Efesùs 4:2

Mbə̀ ya swìye ìwən nyɔd aseg. Mbə̀ chughi ane àbɔrɔ̀bɔd. Mbə̀ ya nyìmbe fìŋ tì mə̀mbin. Àze biri ya chwìye gha mbə̰ mbe kɔ̀ŋɔ̀ bəd məjìm.

Efesùs 4:32

Mbə̀ ya ghìyə̀ inug chɔm bə̀ bèrè àsɔ̀mnəfiŋ igun mə̀mbin bə̀ waʼ inug tibɔ̀ŋ bəd kwàʼ icheg ne Ŋwiye che anjìm Kristo waʼ ìmbən tì inug tibɔ̀ŋ.

Fìlipì 1:15

À ya tesiʼ gha, bəd mɔ̀ʼɔ mbe ghàmà ikən chɔm imbə̀ʼ Kristo anjìm àdeg fɔrɔ anjìm icheg ne mbe zɔ̀ŋɔ̀ ati. Si ya gha, bəd mɔ̀ʼɔ mbe ghàmà ikən chɔm we ane fìŋ chɔm.

Kòlosè 1:11

Ŋwiye we ne beri ika ne che tika ijìm fə ghì gha mbə̀ beri ika ne ya nyìʼè fìŋ inga nyùmə̀ ngəʼ. Wì fə bə̀ ghì gha, mbə̀ beri inyimbifiŋ, se gyènde,

Kòlosè 2:18

Imbə̀ʼ mbə̰ saŋa awən gha bəd mɔ̀ʼɔ ya kɔ̀mɔ̀ igo inən imbə̀ʼ icheg ne mbɔb mbe gha Ŋwiye we ghàmà inɔb inga inati njə̀m. Tiku bəd te ya kə̀bə̀ gha bəd mənyìʼ swi nyɔd aseg bə̀ ghùmni mbè angirə̀. Mbɔb ya ghìyə̀ ane ni chwi inən gha chəyi mbə̀ koʼi ni bèrì ineʼi we ne Ŋwiye nɔŋi inən icheg ne mbə̀ yaʼi ane anug amɔʼ tì Kristo. Imbə̀ʼ mbə̰ bḛ awən. Mbɔb ya nɔ̀ nyɔd ati ako, ghàmà yaʼ inug ne tikɔndi wə̀d te chwìte.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

1 Timotì 6:4

tengàŋ ya wə̀d ne nɔ̀ nyɔd ne chəyi wì kyèri anug mɔ̀ʼɔ. Tengàŋ bèrì fìŋ tibɔ̀ŋ. Fìŋ tibɔ̀ŋ ze ya ghìyə̀ gha wì ya chɔ̀bɔ bə̀ tàŋa aton ane tìngam ako mɔ̀ʼɔ. Achɔb tì inug mbe ne mbɔb mbe tàŋà ya yèʼe tì àdeg fɔrɔ àzɔ̀ŋì, bə̀ yèʼe tì anug ni ghàm inug tibɔ̀ŋ igun bəd ndəŋ fɔrɔ anug ni ya kɔ̀ndɔ inug tibɔ̀ŋ imbə̀ʼ bəd ndəŋ.

2 Timotì 2:25

Wì mənyìʼ ya chwìte inug ane àbɔrɔ̀bɔd abə bəd mbe ne to̰ inug mbe ne məd we chwìte. Wì ya ghìyə̀ ane nè nɔ̀ŋɔ̀ ikɔndi gha, Ŋwiye biri ghì mbi bə̀ŋə̀ ìtɔb fìŋ sìkì inug tibɔ̀ŋ, bə̀ ghì mbi kyeri tesiʼ we ne yaʼi inga Ìngam Ŋwiye.

2 Timotì 3:10

Timotì, Àghò kyèri inug ijìm ne mə̀ yaya chwìte abə bəd, bə̀ kyèri icheg ne mə̀ yaya chùghə. Àghò kyèri atog anug ne mə̀ ya nɔŋi ìmə ìtḛ̀ igun, fɔrɔ icheg ne mə̀ ya nɔŋi ìmə ibḛfiŋ inga Yeso. Àghò kyèri icheg ne mə̀ ya beri inyimbifiŋ, bə̀ kyèri icheg ne mə̀ yaya kɔ̀ŋɔ̀ bəd. Àghò bə̀ kyèri icheg ne mə̀ yaya nyìʼè fìŋ inga nyùmə̀ ngəʼ.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Jems 4:5

Kə̀ mbə wa kɔ̀ndi gha ìngam we ne yaʼi inga Àŋwàʼrì Ŋwiye ya ati ako? Ìngam we ya gha, “Ŋwiye we ghə̀ʼrə̀ Azwighi məd ze ne wì ghi gha ze yaʼ inga ina.”

1 Pità 2:1

Mbə̀ waʼ inug tìbɔŋ ijìm, bə̀ waʼ anug ni tambi bəd. Mbə̀ bə waʼ anug ni fùbrì inug, bə̀ waʼ anug ni ghì àdeg fɔrɔ anug ni chìkì tikum bəd.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

1 Pità 4:8

Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.

2 Pità 1:7

Icheg ne mbə ghùmnə Ŋwiye, mbə̀ bə kirə ika ni ya ghìyə̀ ìchɔ̀mì abə ìmbən məfi fɔrɔ ìtən njàbi. Icheg ne mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi, mbə̀ ya bə̀ kɔ̀ŋɔ̀ wə̀d ijìm.

1 Jɔn 4:11

Ìmbum mə̀sə̀ʼ, icheg ne Ŋwiye ya bi kɔ̀ŋ awa, tì mənyìʼ ya kɔ̀ŋɔ̀ wə̀d imɔʼ imɔʼ.