1 Kɔrèn 13:2 - Ikan feg

² Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

Meta’

² Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.

1 Kɔrèn 13:2 교차 참조

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Matìyò 17:20

Wì ya ywìtì inɔb gha, “À ya imbə̀ʼ icheg ne ìwən ibḛfiŋ bɔri. Mə gha tesiʼ inən gha, mbə̰ mə̀ bèrì ibḛfiŋ ne kə icheg titam mostàd, mbə̰ mbe tì mbə̰ ghà abə iwum gho̰ gha, ‹Nɔ̀ʼɔ aŋa ghò ayin!› Wi bə̀ nɔ̀ʼ ghò. Chəyi anug mɔ̀ʼɔ biri nɔ̀ʼ chè awən.”

Matìyò 21:19

Wì ya pè asiŋi mɔ̀ʼɔ bàd azed fig iban inɔnjì, ghò nèn ikaŋ, si ya gha, chəyi wì ya bàri fitam azed ikaŋ angu. Wì ya bàd məyi tifuʼ awən. Ane, wì ya ghà abə azed ze gha, “Chəyi àghò biri ywìri nɔʼ ko!” Kwàʼ ati ati, azed ze ya zɔm.

Matìyò 21:21

Yeso ya ywìtì inɔb gha, “Mə gha tesiʼ inən gha, mbə̰ mə̀ bèrì ibḛfiŋ ne chəyi mbə̰ mbe jə̀mə̀, nji chəyi mbə̀ biri ghì məyi anug azo̰ ne mə ghi ane azed fig azo̰. Mbə̰ mbe tì mbə̰ bə̀ ghà abə iwum gho̰ gha, ‹Nɔ̀ʼɔ ghò fen inga igyi tìbà!› wi bə̀ ghì ane.

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Rm 15:14

Ìmbum məfi fɔrɔ ìtum njàbi, mə we tə̀rə̀ mə imbə̀ʼ awən imbə̀ʼ fìŋ chɔm ze ne mbə̀ beri fɔrɔ imbə̀ʼ icheg ne mbə̀ fə kyeri inug nɔʼ nɔʼ. Mbə̰ inən mbe tì mbə̀ se chwìte inug abə mə̀mbin.

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

1 Kɔrèn 11:4

Mbaŋà ne zìyè aghi mɔ̀ʼɔ kə̀ndə atog anyumə̀ ne wì ya chàʼrà Ŋwiye kə̀ anyumə̀ ne wì ya ghà ikən Ŋwiye, tengàŋ we wèghè Kristo ne yaʼi atog igun məd.

1 Kɔrèn 12:28

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

1 Kɔrèn 13:1

Ka mə kyèri ni ghàm tìngam bəd inga iben ijìm igun isəg, bə̀ kyèri ni ghàm tìngam mbè angirə̀, àmə chəyi mə kɔ̀ŋɔ̀ bəd, mo ya kwàʼ icheg aba apan kə̀ kwàʼ icheg fìngɔ̀ŋì.

1 Kɔrèn 13:3

Ka mə nàʼ ighi ijìm ne mə beri abə bəd ne chəyi àzɔb, bə̀ nàʼ ka bèyi ìmə nyɔd gha mbe to̰, àmə chəyi mə̀ kɔ̀ŋɔ̀ bəd, chəyi mə̀ biri bèrì chùd mɔ̀ʼɔ ka.

1 Kɔrèn 13:8

Chəyi àkɔ̀ŋì biri nɔʼ mèg. Àsi ineʼi ni ghà ikən Ŋwiye, wi biri mèg. Ineʼi ni ghàm tìngam aku aku biri bə mèg. Ineʼi ni kyeri inug biri bə mèg.

1 Kɔrèn 14:29

Bədkə̀n məbe kə̀ mətad, mbe gha ikən Ŋwiye, mə̀mbin si taŋ nèn anug ne mbe ghà.

1 Kɔrèn 14:39

Ane, ìmbum məfi fɔrɔ ìtum njàbi, mbə ziye atog ni ghà ikən Ŋwiye. Imbə̀ʼ mbə̰ kə̰ awən anug ni ya ghàmà ane tìngam iben ndəŋ.

1 Kɔrèn 14:4

Bəd mbe ne ghàmà tìngam iben ndəŋ ya wètè məyi ìwɔb nyɔd ni təm kà. Àsi bəd mbe ne ghà ikən Ŋwiye, mbɔb ya wètè ifeti bəd Kristo ijìm gha we təm kà.

1 Kɔrèn 15:51

Mbə̀ zug! Anug ne yaʼi inə̀mbi ya gha, chəyi mba məjìm biri ku. Tesiʼ ya gha, Ŋwiye biri kɔpi awa mba məjìm,

1 Kɔrèn 16:22

Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

1 Kɔrèn 4:1

Bəd beri ni niŋ awa icheg bəd àfàʼì abə Kristo ne Ŋwiye ghì gha tì gha inug tesiʼ mbe ne yaʼi inə̀mbi.

1 Kɔrèn 7:19

Kə̀ mbe ŋwed wə̀d kə̀ chəyi, àze kayi anug mɔ̀ʼɔ. Anug ne koʼi ya gha wə̀d ijìm ya nɔ̀ŋɔ̀ tikə Ŋwiye.

1 Kɔrèn 8:4

Ane, ni ghàm imbə̀ʼ tijəg te ne mbe jə mə̀ŋwiye, tè kyèri gha mə̀ŋwiye ya ati ako. Tè bə̀ kyèri gha chəyi Ŋwiye ndəŋ angu. Ŋwiye ya məyi imɔʼ.

2 Kɔrèn 12:11

Mə we ghìyə̀ inug icheg anen. À ya mbə tḭ amə gha mə se ghìyə̀ inug icheg anen. À ya mbə̰ ya beri ni chwi gha mə we ghìyə̀ inug ne koʼi. Ka mə̀ ya aghi ako, chəyi mə̀ kə chè bəd mbe ne bəd mɔ̀ʼɔ mbe kàrà ane “bədtɔm kyen kyen”.

Gàlesìyà 5:16

Anug ne mə ghà inən ya gha, mbə̀ chughi icheg ne Azwighi Ŋwiye ze kə̀bə̀. Mbə̰ mə̀ chùghi ane, nji chəyi mbə̀ biri ya ghìyə̀ inug tibɔ̀ŋ mbe ne ìtən nyàmnyɔd te kə̀bə̀.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Gàlesìyà 6:3

Wə̀d mɔ̀ʼɔ abɔ̀ʼ inən mə̀ niŋ ìwi nyɔd gha zìye ya ijiʼi wə̀d ne kayi ane, ane ya gha, tengàŋ ya tàmba ìwi nyɔd.

Efesùs 3:4

Mbə̰ mə̀ fɔŋ inug mbo̰ ne mə̀ ŋwaʼri, ìmbən itog biri zen imbə̀ʼ inug mbe ne yaʼi inə̀mbi imbə̀ʼ Kristo ne mə̀ kyeri.

Efesùs 6:19

Mbə̀ bə chàʼra Ŋwiye inum gha, mà nyumə̀ ijìm ne mə ghàmà, Ŋwiye ziye ìngam inum ichug ne mə̀ biri ghàm ne chəyi mə bɔ. Ane, mə biri ghì bəd kyeri anug ze ne yaʼi inə̀mbi imbə̀ʼ ikən chɔm.

Kòlosè 1:26

Ŋwiye ya fə nə̀m ìngam gho̰ abə bəd inga tikəri bəd tijìm te ne ya fə che. Àsi amad anìŋ, Ŋwiye fə gwàʼ ikən chɔm gho̰ asaŋ abə bəd Ŋwiye.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

1 Jɔn 4:8

Wə̀d we ne chəyi wì ya kɔ̀ŋɔ̀ bəd, chəyi wì kyeri Ŋwiye imbə̀ʼ icheg ne Ŋwiye ya kɔ̀ŋɔ̀ bəd.