1 Kɔrèn 12:3 - Ikan feg

³ Amad anìŋ, mə kə̀b gha mbə̀ kyeri gha chəyi tì wə̀d ne Azwighi Ŋwiye yaʼi inga məd gha, “Ndɔ̀n yaʼ igun Yeso.” Mə bə̀ kə̀b gha mbə̀ kyeri gha chəyi tì wə̀d gha, “Yeso ya Anɔŋisəg,” ne kayi Azwighi Ŋwiye ghi.

Meta’

³ Əne tɨ̀nîn mə kə̀b ni mbə̀ kyerɨ ni chəi wə̀d mɔʼɔ we nɨə ghà ɨŋgam nɨ Əzwî ə Ŋwiə̀ ə naʼ ɨ bɔ we tɨ̀ wɨ̀ ghà ni, “Ndɔ̀n nyɨ ɨgwɨ ə Yeso.” Mə bə̀ kə̀b ni mbə̀ kyerɨ ni chəi wə̀d mɔʼɔ we tɨ̀ wɨ̀ ghà ni, “Yeso yɨ Ə̀nùŋɨ̀sɨg,” nɨ kaʼi Əzwî ə Zeŋɨ ə ghɨ ni wɨ̀ gha əne.

1 Kɔrèn 12:3 교차 참조

Matìyò 22:43

Yeso ya si ghà inɔb gha, “Ze ya si chè iye gha Azwighi Ŋwiye ya ghì ifɔn Dèvid kàrì aməd ane ‹Anɔŋisəg›? Ifɔn Dèvid ya gha,

Mk 9:39

Yeso ya ghà inɔb gha, “Mbə̀ saŋa aməd imbə̀ʼ icheg ne chəyi wə̀d mɔ̀ʼɔ ne ghìyə̀ inug yeti yeti ane ìmə ikum, ne biri ywiri nɔʼ bə̀ŋə̀ se ghà yaʼ inug tibɔ̀ŋ imbə̀ʼ amə.

Jn 13:13

Mbə̰ mbe kàrà amə ane ‹Àchwitìnùg›, bə̀ kàrà amə ane ‹Anɔŋisəg›. Mbə̰ kòʼ awən ni kàrì amə ane imbə̀ʼ icheg ne à ya wə̀d ne mo yaʼi ìwiwən.

Jn 13:14

Amad anìŋ ne mə yaʼ ìwən Àchwitìnùg, bə̀ yaʼ ìwən Anɔŋisəg, mbə̀ ghò bə̀ sò ighog abə ìmbən məfi icheg ne mə̀ sò ìmbən.

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Ɨ̀fàʼì 8:37

Filip ya ghà ibo gha, “Àghò mə bḛ gha Yeso Kristo ya Ŋwan Ŋwiye, mə we tì mə nàʼ mənib ine.” Wə̀d kyen we ya ywìtì gha, “E! Mə bḛ gha Yeso Kristo ya Ŋwan Ŋwiye.”]

Rm 10:9

Àmə yaʼ ane àghò fìʼì ìwe ichug ghà gha, Yeso ya Anɔŋisəg bə̀ bḛ inga ìze fìŋ gha Ŋwiye ya zwemni aməd ane iwu, àghò biri pum.

Rm 9:3

Àmə yaʼ aghi ne Ŋwiye we tì wì zi ndɔ̀n igun inum kə̀ bì chì amə ane ifɔti we ne mə beri tì Kristo məyi ni ghì gha ìmbum bəd pum, mə bḛ ane.

1 Kɔrèn 16:22

Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

1 Kɔrèn 8:6

Ane, tè kyèri gha Ŋwiye məyi imɔʼ ne yaʼi Mbaʼ we ne ya tangi ighi ijìm. À ya məd we nàʼà ìtḛ̀ ina. Anɔŋisəg ya bə̀ məyi imɔʼ. Məd ya Yeso Kristo we ne Ŋwiye che anjìm məd tàngi ighi ijìm. Məd we bə̀ nàʼà ìtḛ̀ ina.

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

2 Kɔrèn 3:5

Chəyi tì koʼi ni se gha, ika ni fàʼ inug mbo̰ nɔ̀ʼ ina. À ya Ŋwiye nàʼi ika we ina.

Gàlesìyà 3:13

Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”

Ɨnû 1:10

À ya yaʼ igun aneg ze ne bəd Kristo mbe ghùmnə Anɔŋisəg, Azwighi Ŋwiye ya nyi inga inum, mə zug gì ka ka inum anjìm. Gì ze ya ghàm icheg tàŋ gha,