1 Kɔrèn 11:3 - Ikan feg

³ Mə kə̀b gha mbə̀ kyeri gha Kristo ya atog abə mbaŋà tijìm. Mbə̀ bə kyèri gha mbaŋà ya atog abə àyi. Ŋwiye ya bə̀ atog abə Kristo.

Meta’

³ Mə wɨə kə̀bə̀ ni mbə̀ kyerɨ ni ətu ɨgwɨ ə mbaŋə̀ rɨ̀jìm yɨə Kristo, kyerɨ ni ətu ɨgwɨ əyi yɨ ɨnom məd, bə̀ kyerɨ ni ətu ɨgwɨ ə Kristo yɨə Ŋwiə̀.

1 Kɔrèn 11:3 교차 참조

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Jn 14:28

Mbə zug icheg ne mə gha, ‹Mə biri zàmbi sàŋì awən, si ya gha, mə biri ywiri yeʼe bàd awən.› Mbə̰ mə̀ kɔ̀ŋ amə, nji mbə̰ biri ya gyènde gha mə ghò bàd ìmə Mbaʼ imbə̀ʼ icheg ne ìmə Mbaʼ chè amə.

1 Kɔrèn 3:23

Mbə̰ ya Kristo beri awən. Kristo ya Ŋwiye bə bèrì.

Efesùs 4:15

Àsi mba ne ghà tesiʼ imbə̀ʼ icheg ne tì kɔ̀ŋi bəd, tè bèrì ni kweg ane tiku inɔnjì ijìm si yaʼ icheg Kristo ne yaʼi atog.

Kòlosè 1:18

Məd ya Atog ane ifeti bəd Kristo. Ifeti bəd Kristo ya nyàmnyɔd məd. À ya məd ko anug ifeti bəd Kristo. Məd ya ŋwan mbègtog ne Ŋwiye zwemni ane iwu ni ghì gha wì bere ika igun ighi ijìm.

Kòlosè 2:10

Ane, Ŋwiye fə nàʼ ìtḛ̀ tesiʼ inən icheg ne mbə̀ yaʼi ane ifɔti tì Kristo. Kristo bèrì ika chè izwighi ijìm fɔrɔ tika tijìm igun isəg.

Kòlosè 2:19

Tiku bəd ìto̰ fə sàŋì anug ni nyimi Kristo ne yaʼi atog abə nyàmnyɔd məd, ne ya ifeti bəd Kristo. À ya Kristo we ghìyə̀ ifeti bəd məd kweghe icheg ne Ŋwiye kə̀bi. À ya məd we nyìme ifeti bəd Kristo kwàʼ icheg ne atog ze nyìme nyàmnyɔd wə̀d ane tinḭ kyen kyen fɔrɔ mə̀nàra.

Kòlosè 3:18

Mbə̰ mə̀yi, mbə̀ swi ìwən nyɔd aseg abə ìmbən mənɔm imbə̀ʼ icheg ne à ya aghi ne Anɔŋisəg kə̀bi gha mbə̀ faʼa.

1 Pità 3:1

Mə̀yi, mbə̀ swi ìwən nyɔd aseg zùgri ìmbən mənɔm. Àze biri ghì gha ìmbən mənɔm mbe ne chəyi mbi kiri bḛ Ìngam Ŋwiye, mbi biri bḛ anjìm ikuchèg chɔm ne mbə̀ beri.