Zefanias 3:8 - Manobo Western Bukidnon OT

⁸ “ ‘Umbe, sikiyu is menge metinumanen he menge tig-Jerusalem, teǥazi niw zà is kebpeheyaǥa ku te salà te menge nasyun. Su midisisyun ad he edtiǥumen ku is menge etew ziyà te menge nasyun wey menge ginhedian su wey ku ikepeǥezami kandan is utew ku kegkepauk he iring te hapuy he ebpekeepur te tivuuk he kelibutan.

Zefanias 3:8 교차 참조

Salmo 12:5

Migkaǥi is Nengazen te, “Edtevangan ku is menge egkaayuayu su edèdaaǥen sikandan, ne utew subra is kebpekeantus dan. Egkelesaǥan ku sikandan su iyan heini ebperetengen dan.”

Salmo 123:2

Iring te suluǥuen he edtaǥad te kebeǥayi kandin te egalen din, sikami edtaǥad key zaan te tavang nu kenami, Nengazen he Megbevayè dey, taman te egkehizuwan key en kenikew.

Salmo 27:14

Sarig kew te Nengazen! Mebpekelig-en kew ne kenè kew medarà. Purung kew sarig diyà te Nengazen!

Salmo 37:34

Sarig ka te Nengazen ne tumana nu is paaǥi zin, ne ebeǥayan ke zin te zengeg pinaaǥi te pedayun he kebpeubpaa zin kenikew kayi te tanà kayi te Israel. Ne egkeehè nu is kedsegseǥa te menge mezaat he etew puun keniyan he tanà.

Salmo 37:7

Mebmelinawen ka ziyà te etuvangan te Nengazen ne kenè ka medarà is edtaǥad te ebeelan din. Kenè ka mesemuki emun duen menge etew he ebmeuswaǥen wey edlampus is mezaat he menge pelanu zan.

Salmo 62:1

Diyè e zà te Megbevayà ebpekehimeley, ne ebpuun diyà te kandin is kelibriyanan ku.

Salmo 62:5

Diyè ku zà te Megbevayà egkaangken is kebpekehimeley ku su ibpeperateng e zin.

Salmo 79:5

Keenu en buwa egkaawà, Nengazen, is pauk nu kenami? Taman en be te taman is pauk nu kenami? Eriyubriyub en be he iring te hapuy is kebpengelikud nu?

Salmo 79:6

Ipeehè nu is pauk nu ziyà te menge nasyun wey menge ginhedian he wazà megkilala wey medsimba kenikew.

Erubasa 20:22

Kenè ka vales. Sarig ke zà te, Nengazen, ne edtevangan ke zin.

Solomon 8:6

Kenè ke en mahal te zuma, kekenà, iyan e zà kenikew mahala. Kenè ke en kepkep te zuma, kekenà, iyan e zà kenikew kepkepi. Su is kebmahal, iring is gehem din te kemetayen; is keinit te egkeǥezam ta ne kenà egkeeǥen iring te kebpekeuma te kemetayen. Is kebmahal iring te egkeregreg wey edriyubriyub he hapuy.

Isaias 14:26

Iyan heini pelanu ku para te tivuuk he kelibutan. Iyan heini silut he ibpeehè ku ziyà te langun he menge nasyun.”

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 34:2

Su nepeukan te Nengazen is langun he menge meǥinged diyà te menge nasyun; nepeukan din is menge sundaru zan. Umbe ebpurungan din sikandan edezeeti, ne ebpenhimetayan din sikandan is langun.

Isaias 63:6

Tenged te pauk ku, midtekutakan ku is menge nasyun, ne impeziregdireg ku sikandan he iring te egkengelangut. Imperanew ku ziyà te tanà is lengesa zan.”

Jeremias 10:25

Ipeǥezami nu is pauk nu ziyà te menge etew he wazà megkilala kenikew, wey wazà medangep diyà te kenikew. Su midezeetan dan is menge kevuwazan ni Jacob wey mibpenregdas is menge ubpeey zan.

Hoseas 12:6

“Umbe sikiyu is menge kevuwazan ni Jacob, likù kew en diyà te Megbevayè niw, ne ipeehè niw is kebmahal wey hustu he kukuman. Ne pedayun kew sarig te Megbevayè niw.”

Joel 3:2

edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.

Micas 7:7

“Piru siak mulà, edsarig a te Nengazen he Megbevayè ku. Edteǥazan ku sikandin is edlibri kedì. Ne ebpemineǥen din is ked-ampù ku.”

Habakuk 2:3

Isurat nu zà heini zep-a su wazè pa meuma is midtelaan he timpu te kegkeul-ulaha kayi. Ne kenà ebperis is kegkeul-ulaha kayi te kena egkeuǥet. Emun henduen be te malù egkeuǥet ne teǥazi nu, su siguradu he egkehitavù heini he kenà egkeuǥet.

Zefanias 1:18

Kenà ebpekelibri kandan is menge pelata zan wey menge vulawan dutun te andew te kebpeǥezama ku te pauk ku he iring te hapuy he ebpekeepur te tivuuk he tanà. Edtik-awan ku edezeeti is langun he ed-ubpà kayi he tanà.”

Haggai 2:22

Edèdeetan ku is menge ginhedian ne id-awè ku is gehem dan. Eberiudsungen ku is menge kerwahi zan wey is ebpemen-untud kayi. Ebpemematey is menge kudà ne ed-uuney ebpehimhimetayà is menge pereuntud kayi.