Zefanias 3:7 - Manobo Western Bukidnon OT

⁷ Ne tenged kayi te mibeelan ku, iyan neisip ku is: siguradu he edtehuzen ad te menge etew ku ne edewaten dan en is kedsewaya ku kandan, su wey kenà mezeeti is inged dan sumalà te migkaǥi ku ziyà te kandan. Piru nasì en med-iseg is kebaal zan te salà.

Zefanias 3:7 교차 참조

Genesis 6:12

Neehè din he utew lalung iyan is menge etew su nehimu en is menge ulaula te minsan hentei zini te kelibutan he utew en meremerik,

2 Cronica 33:11

Umbe, impesurung sikandan te Nengazen te menge sundaru te Asiria. Mibihag dan si Manase, migkew-itan dan is izung din, migkedinahan dan te brunsi, ne miduma zan diyà te Babilonia.

Job 36:10

Ibpepemineg din sikandan te petizaan din, wey idsuǥù din kandan is ked-engked te kelelalung dan.

Salmo 32:8

Nengazen, migkaǥi ka kayi te kedì te, “Ibpenurù ku kenikew is dalan he zait he ed-ikulen nu. Ne zutun te kebentayi ku kenikew ne edsembaǥan ku sikew.

Erubasa 19:20

Pemineǥa nu is idsambag kenikew ne zewata nu is ibpenurù kenikew ne emun egkeuǥet egkehimu ka he uluwanen.

Isaias 5:4

Hengkey pa vuwa is nelipatan ku te ebaal zutun te pemuleey ku? Midtaǥad a he mebeǥas heini te meemis, piru mibeǥas heini te mepezes.

Isaias 63:8

Migkaǥi is Nengazen te, “Tutuu iyan he menge etew ku sikandan; menge anak ku sikandan he kenà edluib kedì.” Umbe midlibri zin sikandan.

Jeremias 17:23

piru wazè dan mebpemineg kediey. Kenà sikandan mepezumdumahan! Kenè dan edewaten is kebmensuwa ku kandan.

Jeremias 25:5

Migkaǥi is Nengazen pinaaǥi te menge ebpeneuven din te, “Engkezi niw en is mezaat he menge vetasan niw wey menge ulaula niw su para meubpai niw taman te taman heeyan is tanà he imbeǥey ku keniyu wey te menge kepuun niw.

Jeremias 36:3

Su kela ke mahalin is isip te menge etew ziyà te Juda emun egkezineg dan is menge kezeetan he mibpelenuwan ku te ebaal ziyà te kandan ne ed-engkezan dan is mezaat he menge vetasan dan. Emun egkeulaula heini, ebpeseyluwen ku sikandan te kelelalung dan wey menge salè dan.”

Jeremias 38:17

Migkaǥi si Jeremias diyà te ki Zedekia te, “Iyan heini migkaǥi te Nengazen he Megbevayà he Mekeǥeǥehem, he Megbevayà te Israel: Emun edsurindir ka ziyà te menge upisyal te hadì te Babilonia, egkelibri nu is untung nu ne kenà heini ebinsulan is inged. Ne sikew wey is pemilya nu ne egkeuyag-uyag.

Jeremias 6:8

Ebpetizeenan ku sikew is Jerusalem: emun kenè ka ebpemineg, ed-iniyuǥan ku sikew; ne edhimuwen ku he mekevulungbulung is tanè nu su para wazè en ed-ubpè kayi.”

Jeremias 7:7

Emun egkeveelan niw heini, ibpeubpè ku ǥihapun sikiyu kayi te tanà he imbeǥey ku ziyà te menge kepuun niw te wazà pidtemanan.

Jeremias 8:6

Mibpurungan ku pemineǥa is menge lalag niw ne wazà nekaǥi niw he hustu. Wazà minsan sevaha keniyu he mid-engked te kelelalung din. Wazà nekekaǥi keniyu te, ‘Utew mezaat is neveelan ku?’ Is kada sevaha keniyu elistu he ebaal te salà, iring te kudà he ed-untuzan te edhendiyà te tebek.

Hoseas 9:9

Midtaman kew en he menge lalung, iring kew en duen te menge maama zengan diyà te Gibea. Edtentenuzan te Megbevayè is kelelalung niw; edsilutan kew zin tenged te menge salè niw.”

Zefanias 3:2

Wazà minsan hentei he ebpezumdumahan dan, ne kenè dan egkesuat he edewayen. Wazè dan medsarig wey mebpetavang diyà te Nengazen he Megbevayè dan.

Deuteronomio 4:16

he kenè niw egkeremerikan is keugelingen niw pinaaǥi te kebaal te ledawan he ed-ezapen he minsan hengkey is purma zin etawa zagwey zin, dagwey ve te maama etawa vahi,