Zefanias 3:16 - Manobo Western Bukidnon OT

¹⁶ “Dutun he andew egkaǥi is menge etew ziyà te keniyu te menge tig-Jerusalem, ‘Sikiyu is menge meǥinged diyà te Zion, kenè kew mahandek; kenè kew mebpenluyaluya.

Zefanias 3:16 교차 참조

Job 4:3

Dengan te nehuna he timpu mahabet is menge etew he mibpenurù nu he medsarig dan te Megbevayà. Midasig nu is menge etew he edluyahan.

Isaias 25:9

Emun egkeulaula en heini, egkaǥi is menge etew te: “Iyan sikandin Megbevayè tew! Midsarig kiw kandin, ne midlibri kiw zin. Iyan sikandin Nengazen he midseriǥan tew. Edlipey kiw wey edlipeylipey su midlibri kiw zin.”

Isaias 40:9

Sikiyu is edsangyew ziyà te Zion, is inged he Jerusalem te meupiya he tudtulanen, tekezeg kew ziyà te metikang he vuntud, ne pekezaǥing kew is edsangyew te meupiya he tudtulanen. Kenè kew mahandek he ebpemensag. Keǥiyi niw is menge etew ziyà te menge inged he sakup te Juda he nekeume en is Megbevayè dan.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 44:2

Iyan a Nengazen, iyan a midlimbag kenikew wey midtavang kenikew. Kenè ka mahandek, is suluǥuen ku wey pinilì ku he menge etew.

Isaias 54:4

Kenè ka mahandek su kenè ka egkepeel-elezan. Egkelipatan nu is kegkeeled-eled nu hein betan-en ke pa wey is kegkevalu nu.

Joel 2:21

Kenà ereg he egkahandek is menge meǥinged diyà te tanà he Juda, kekenà, ereg he egkelipey sikandan su utew egkein-inuwi is menge mibeelan te Nengazen.

Zacarias 8:13

Sikiyu is menge etew te Juda wey Israel, midrewakan kew te menge etew ziyà te zuma he menge nasyun. Piru edlibriyen ku sikiyu ne egkehimu kew he tuvad diyà te kandan. Umbe kenè kew mahandek, kekenà, pekelig-en kew.”

Zacarias 8:15

Piru ǥuntaan nekehukum a he ibpelaus ku is kebaal te meupiya ziyà te Jerusalem wey Juda. Umbe kenè kew mahandek.