Zefanias 3:11 - Manobo Western Bukidnon OT

¹¹ “ ‘Dutun te andew te kedsilut ku, sikiyu is menge tig-Jerusalem kenè kew egkepeel-elezan tenged te langun he salà he mibeelan niw kayi te kedì. Su id-awè ku ziyà te keniyu is menge etew he menge teruen wey mepelevawen. Ne kenè kew en ed-uman ebpehambug diyà te segradu he vuntud ku.

Zefanias 3:11 교차 참조

Salmo 131:1

He Nengazen, kenà a gelbuwen wey mepelevawen. Wazà a mebpenganduy te zekelà wey mekeayam-ayam he menge vutang he kenè ku egkevaug.

Salmo 49:5

Minsan ke egkehitavù is bangkit, ne minsan ke edliǥuyan a te lalung wey limbungan he menge etew he edsarig wey ebpahambug tenged te azen dan, ne kenà a egkahandek.

Salmo 59:12

Edhimu sikandan te salà pinaaǥi te ebpengeǥiyen dan, umbe verakat he iyan mekeutel kandan is kegkemepelevawen dan. Ebpenrawak dan wey edtarùtarù,

Isaias 11:9

Wazè en ebpesipala etawa ebpendezaat te segradu he vuvungan ku. Su is menge linimbag kayi te kelibutan egkepurung egketeǥui te keuluwanen mehitenged te Nengazen, iring te kegkepenua te zaǥat te wahig.

Isaias 2:12

Su zuen andew he midtelaan te Nengazen he Mekeǥeǥehem he zutun ibpekevavè din is ked-etew te menge hembugiru, menge mepelevawen, wey mid-isip dan he gemhanan sikandan.

Isaias 45:17

Piru edlibriyen nu mulà, Nengazen, is Israel, ne wazà pidtemanan te kelibriyanan dan. Kenè en sikandan egkepeel-elezan taman te taman.

Isaias 5:15

Ebpekevevaan is ked-etew te langun he etew, lavew en sikan is menge gelbuwen.

Isaias 54:4

Kenè ka mahandek su kenè ka egkepeel-elezan. Egkelipatan nu is kegkeeled-eled nu hein betan-en ke pa wey is kegkevalu nu.

Isaias 56:7

Ed-uwiten ku sikandan diyà te segradu he vuvungan ku, ne edlipayen ku sikandan diyà te valey ku he elempuanan. Edewaten ku ziyà te pemuhatà he para kediey is menge pemuhat dan he edtutungen wey zuma pa he menge pemuhat; su is baley ku egngezanan te valey he elempuanan te menge etew ziyà te langun he menge nasyun.”

Isaias 61:7

Kenè kew egkepeel-elezan, kekenà, egketakep is tuvad he egkezawat niw puun te tanè niw, ne igkelipey niw haazà is egkezawat niw. Is kelipey niw ebpedayun taman te taman.

Jeremias 7:4

Kenè kew pelimbung te menge etew he edtulung egkaǥi te kenè kiw egkemenu su kayi te kenitew is baley te Nengazen.

Ezekiel 20:40

Su ebpekepenilbi kediey is langun he menge etew te Israel ziyà te segradu he vuvungan ku, he iyan kes metikang he vuvungan diyà te Israel. Dutun edewaten ku sikiyu wey ibpepemuhat ku te nekedseselekawà he menge pemuhat wey te ispisyal he menge gasa.

Daniel 9:16

Umbe, Nengazen, tenged dà te kenikew he keupiya, edhangyù a ziyà te kenikew he iawè nu en is pauk nu te menge meǥinged diyà te Jerusalem te inged nu he segradu he vuvungan. Tenged te menge salè dey wey menge salà te menge kepuun dey, mibpeel-elezan key wey is menge tig-Jerusalem te menge etew he nekeelingkus kenami.

Daniel 9:20

Mibpedayun a is ebpengemuyù wey edtug-an te menge salè ku wey menge salà te menge zuma ku he menge Israilihanen. Midhengyuan ku is Nengazen he Megbevayè ku para te segradu he vuvungan din.

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Numero 16:3

Midsevaha sikandan medhendiyà te ki Moises wey ki Aaron, he ke sikandan te, “Subre en heini is ebeelan niw kenami! Maan is ibpelavew niw is keugelingen niw kayi te mahabet he menge etew te Nengazen he mibpilì man pezem te Nengazen is tivuuk he menge Israilihanen he ebpenilbi kandin ne ebpekiduma zaan sikandin kayi?”