Zefanias 2:8 - Manobo Western Bukidnon OT

^8-9 Migkaǥi is Nengazen he Mekeǥeǥehem, he Megbevayà te Israel te, “Nezineg ku is kebpeeled-eled wey kedsudì te menge tig-Moab wey tig-Ammon te menge etew ku. Mibpahambug dan pa he egkehimu zan kun te ed-aǥew is tanà te menge etew ku. Umbe mibpenangdù a ziyà te gehinawa ku he edezeetan ku is Moab wey is Ammon iring te Sodom wey Gomora. Heini he menge tanà ne kenè en egkepulusan taman te taman. Ed-erikubmunan dà heini te zuǥiyen he menge sagbet wey egkeeneb te menge vudsi he zutun ebeeli is timus. Ed-eǥawen heini te egkesamà he menge etew ku ne egkuwaan dan is menge azen kayi.”

Zefanias 2:8 교차 참조

Genesis 19:37

Mid-anak haazà is kakey, ne maama is anak din, ne migngezanan din ki Moab. Iyan sikandin kepuun te menge Moabitanhen guntaan.

Genesis 19:38

Mid-anak daan haazà is hazi, ne maama zaan is anak din, ne migngezanan din ki Ben Ami. Iyan sikandin kepuun te menge Amunihanen guntaan.

Isaias 15:1

Heini he menge lalag ne mehitenged te Moab: Seled dà te sengekezukileman ne egkevengkag en is menge inged he Ar wey Kir he sakup te Moab.

Isaias 16:6

Nezineg dey is kegkegelbuwen te menge tig-Moab. Menge gelbuwen sikandan wey menge mepelevawen, iyan, wazè en kayi pulus.

Jeremias 12:14

Migkaǥi pa is Nengazen te, “Iyan heini ebeelan ku ziyà te langun he mezaat he meǥinged diyà te menge nasyun he nekeelingkus te Israel, he midezaat te tanà he imbeǥey ku te menge etew ku para mepengevilin dan: Ebpepeleǥuyan ku kandan is tanè dan, iring te kebpepeleǥuwi ku te menge tig-Juda te tanà te mibihag kandan.

Jeremias 48:1

Iyan heini migkaǥi te Nengazen he Mekeǥeǥehem, he Megbevayà te Israel, mehitenged te Moab: “Mekehizuhizu is menge tig-Nebo su edezeetan heini. Egkepeel-elezan wey ebihaǥen is menge tig-Kiriataim, ne egkengetempag is menge eputà dan he metikang he lugar.

Jeremias 49:1

Iyan heini migkaǥi te Nengazen he mehitenged te menge Amunihanen: “Sikiyu is menge etew he ed-azap te ed-ezapen he si Molec, maan is mid-ubpaan niw is menge inged diyà te tanà ni Gad? Wazè be menge kevuwazan ni Israel he nekepengevilin kayi he tanà?

Penhulùhulù 3:61

He Nengazen, nezineg nu is ked-insultuwi zan kedì. Netuenan nu is langun he pelanu zan he idezaat kedì–

Ezekiel 21:28

“Ne sikew is etew, keǥiyi nu is menge Amunihanen he edsudì te Israel he siak, is Nengazen he MEGBEVAYÀ, migkeǥiyan ku sikandan te: Andam en is ispada he ibpenhimatey. Utew heini impesinew su wey mebpengindab iring te kilat.

Ezekiel 25:1

Migkaǥi is Nengazen kayi te kedì te,

Ezekiel 35:12

Ne pinaaǥi zaan keniyan ekgetuenan niw he iyan a Nengazen, ne nezineg ku is langun he kedsudia niw te menge vuvungan te Israel. Su ke sikiyu te, ‘Nezeetan heini ne neveǥayan kiw te meupiya he timpu te ked-aǥew kayi.’

Ezekiel 36:2

Iyan heini migkaǥi te Nengazen he MEGBEVAYÀ: migkaǥi is menge kuntada niw he egkaangken dan en is menge vuvungan niw.’

Amos 1:13

Iyan heini migkaǥi te Nengazen mehitenged te Ammon: “Tenged te kedtulung kebaal te salà te menge tig-Ammon, edsilutan ku sikandan. Su midsirian dan is memeǥingey he menge vahi ziyà te Gilead, su wey zan maangken heini he tanà.

Amos 2:1

Iyan heini migkaǥi te Nengazen mehitenged te Moab: “Tenged te kedtulung kebaal te salà te menge tig-Moab, edsilutan ku sikandan. Su mibinsulan dan is menge tulan te hadì te Edom taman te neigmuk heini.

Zefanias 2:10

Migkaǥi si Zefanias te, “Iyan heeyan bales te kebpelavew te menge tig-Moab wey menge tig-Ammon. Su mibpeel-elezan dan wey midsudì dan is menge etew te Nengazen he Mekeǥeǥehem.

Josue 5:9

Ne migkaǥi is Nengazen diyà te ki Josue te, “Guntaan he andew in-awè ku ziyà te keniyu is keelezan tenged te kegkeuripena keniyu ziyà te Ehipto.” Umbe iyan inngazan dutun he lugar is Gilgal taman en guntaan.