Zefanias 2:5 - Manobo Western Bukidnon OT

⁵ Mekehizuhizu kew is menge Filistihanen he ebpemen-ubpà diyà te veyvey te zaǥat. Iyan heini migkaǥi te Nengazen he ebpekesuǥat keniyu: ‘Sikiyu is menge Filistihanen diyà te Canaan, edezeetan ku sikiyu ne wazà egkesamà keniyu.’

Zefanias 2:5 교차 참조

Isaias 14:29

Sikiyu is menge Filistihanen, kenè kew lipey tenged te kebpatey zuen te hadì he midsurung keniyu. Su is anak din he ebpekeilis kandin edhuna pa he ebpekezezaat kenà sikandin, iring sikandin te uled he minatey he nekaanak te edlayang he uled he edhuna pa he edhereg.

Isaias 14:30

Is menge etew ku he menge pubri ed-elimahan ku wey ibpehimeley he wazà edhilavet kandan. Piru sikiyu is menge Filistihanen, ebpenhimetayan ku is menge kevuwazan niw pinaaǥi te vitil. Ne is egkesamà kandan ebpenhimetayan ku gihapun.

Jeremias 47:7

Piru ebpedayun pa is kebpekezezaat kayi te ispada ku su midsuǥù ku man heini te kedsurung diyà te Ashkelon wey te menge etew he ziyà ed-ubpà te veyvey te zaǥat.”

Ezekiel 25:16

Umbe iyan a, is Nengazen he MEGBEVAYÀ, migkaǥi he edsilutan ku is menge Filistihanen. Ebpenhimetayan ku is menge tig-Keret wey is duma pa he menge ebpemen-ubpà diyà te veyvey te zaǥat.

Amos 3:1

“Sikiyu is menge tig-Israel, he is menge kepuun niw impeǥawas te Nengazen diyà te Ehipto, pemineǥa niw is menge lalag din he ebpekesuǥat keniyu:

Amos 5:1

Menge etew te Israel, pemineǥa niw heini is mekeseseeng he kebpenhulùhulù mehitenged keniyu:

Zefanias 1:11

Edsineǥew kew is ebpemen-ubpà diyà te alug he vahin te inged he Jerusalem su ebpemematey is langun he menge nigusyanti niw.

Zefanias 3:6

“Guntaan migkaǥi is Nengazen te, ‘Midezeetan ku is menge nasyun; midwaǥey ku is menge inged dan ragkes is menge verengbeng wey menge turi kayi. Wazà nesamà he menge meǥinged dutun, umbe wazè en etew he egkaahà he edhiphipanew ziyà te menge zalan dan.

Zacarias 1:6

Piru nehitavù diyà te menge kepuun niw is migkaǥi ku wey is menge petizaan he impekaǥi ku te menge suluǥuen ku he menge ebpemeneuven. Ne mid-iniyug te mezaat is menge kepuun niw he ke sikandan te, ‘Midsilutan kiw te Nengazen he Mekeǥeǥehem te ereg he vales te menge vaal tew, sumalà te pelanu zin.’ ”

Josue 13:2

Iyan heini menge tanà he wazè pa maaǥew: Is langun he menge tanà te menge Filistihanen wey menge Gisurhanen

Josue 13:3

he sakup te menge Canaanhen. Heini puun te wahig he Shihor ziyà te zapit te edsilaan he vahin te Ehipto taman te zulunà te Ekron diyà te zizaya, ragkes en is lelima he menge inged te menge Filistihanen he: Gaza, Ashdod, Ashkelon, Gat, wey Ekron. Elin is tanà te menge Aybihanen

Zatù 3:3

Iyan heini menge etew he midsamà te Nengazen: is menge meǥinged diyà te lelima he inged te menge Filistihanen, is langun he Canaanhen, menge Sidunhanen, wey menge Hivihanen he menge meǥinged diyà te menge vuvungan he Lebanon, he puun te Buntud he Baal Hermon taman te Lebo Hamat.

1 Samuel 30:14

Midsurung dey is sakup te Negev he mid-ubpaan te menge Kiritnen, he sakup te Juda, wey apil pa is sakup te Negev he ed-ubpaan te menge kevuwazan ni Caleb. Ne mibinsulan dey zaan is Ziklag.”