Zefanias 2:15 - Manobo Western Bukidnon OT

¹⁵ Iyan heeyan egkehitavù diyà te inged he Nineve he mibpahambug is menge meǥinged duen he wazà ebpekekaid kandan, ne ke sikandan diyà te gehinawa zan te, ‘Wazè en duma he ebpekerepeng te kegkemekeǥeǥehem tew!’ Piru egkepurung heini egkezeeti he inged ne egkehimu zà heini he ubpeey te leew he menge langgam. Ne edsudien heini he inged te langun he sumeseǥazà kayi.”

Zefanias 2:15 교차 참조

Job 16:4

Emun iyan kew kayi te kediey he kebpekesavuk guntaan, egkehimu ke egkaǥi a zaan te iring te ebpengeǥiyen niw kayi te kedì. Utew ku ebeghetà is kedlalag ku keniyu ne ebpengelkelengan ku sikiyu.

Job 27:23

Ebpelakpak wey ebpemunsuwit te kedsudia kandin su naawà sikandin diyà te ubpeey zin.

Isaias 22:2

Negurigew wey nemengulahì is menge etew ziyà te tivuuk he inged. Is nemematey keniyu ne wazà mebpatey te tebek.

Isaias 32:11

Kinahanglan he utew kew mahandek, is menge vahi he ebpeeyehey zà wey wazà igkeipeng. Luwasa niw is menge visti niw ne tetapis kew te saku.

Isaias 32:14

Is inged he mezakel zengan is mid-ubpà duen, ne kenè en maan ed-ubpaan. Is melig-en he menge vahin kayi, ebey-anan en. Is mibuntud-buntud wey turi kayi egkeiring te sibsivayan minsan keenu. Edriǥuriǥu kayi is menge asnu ne ebpemenabtab is menge langgam.

Isaias 32:9

Sikiyu is menge vahi he ebpeeyehey zà wey wazà igkeipeng, pemineǥa niw is egkeǥiyen ku ziyà te keniyu!

Isaias 47:10

Minsan lalung ka ne kunaan nu ke wazà ebpekezezaat kenikew su wazà nekaahà kenikew zutun te kedlalunglalung nu. Is ketau wey keuluwanen nu iyan neketazin kenikew, wey midsuǥù kenikew te kegkaǥi te, ‘Iyan a Megbevayà, ne wazè en duma gawas kediey.’

Jeremias 18:16

Egkehimu he mekevulungbulung is tanè dan ne edsudien heini taman te taman. Is langun he edsaǥad kayi ebpekepengelengkeleng tenged te kegkeinuinu wey kegkehandek dan.

Jeremias 19:8

Ibpezezeetan ku heini he inged ne egkehimu heini he edsudien. Egkeinuinu is langun he edsaǥad ne ebpekepenerektek sikandan tenged te kegkezeeti kayi.

Jeremias 50:13

Tenged te pauk ku wazè en ebpekeubpà diyà te Babilonia ne egkehimu heini he mekevulungbulung he lugar. Is langun he edsaǥad kayi ne ebpekepenerektek dan tenged te langun he egkehitavù kayi he nasyun.

Penhulùhulù 1:1

Utew mekevulungbulung is Jerusalem, he zengan mahabet is menge etew kayi. Dengan nevantug heini kayi te tivuuk he kelibutan, iyan, guntaan neiring en te valu he vahi. Dengan iyan heini edhuna he inged, piru ǥuntaan neiring en heini te uripen.

Penhulùhulù 2:1

Tenged te pauk te Nengazen midtembunan din te kerusirem is Zion. In-awè din is dengeg te dungganen he Israel he henduen be te intimbag din heini puun te langit pehendiyà te tanà. Tenged te kegkepauk din mibey-anan din minsan sikan is baley zin.

Penhulùhulù 2:15

Is langun he sumeseǥazà diyà te keniyu ebpakpak, ebpemen-engit wey ebpemengelengkeleng te kedsudì dan kenikew. Ke sikandan te, “Iyan bes heini inged he migngezanan te ‘Kinekempetan’ wey ‘Ebpekelipey kayi te Tivuuk he Kelibutan?’ ”

Ezekiel 27:36

Henduen be te kenà ebpeketuu is menge nigusyanti ziyà te menge nasyun te nehitavù kenikew. Mekahandekhandek is ketepusan nu, ne egkahanew ka taman te taman.” ’ ”

Ezekiel 28:2

“Sikew is etew, keǥiyi nu is pengulu te Tyre he iyan a, is Nengazen he MEGBEVAYÀ migkaǥi te: Tenged te kebpelavew nu migkaǥi ka he sevaha ka he megbevayà he mibpinuu ziyà te pinuuwà te hadì he ziyà te teliwazà te zaǥat. Piru iyan benar is, minsan mid-isip nu he metau ka iring te megbevayà, ne kenè ka Megbevayà, kekenà, etew ke zà.

Ezekiel 28:9

Ne ed-ahaan ta ke ebpekekaǥi ke pa ǥihapun diyà te etuvangan te menge edhimatey kenikew te Megbevayè ka. Etew zà is ked-isipa zan kenikew ne kenà Megbevayà.

Ezekiel 29:3

Keǥiyi nu sikandin he iyan a is Nengazen he MEGBEVAYÀ migkaǥi te: Kuntada ku sikew, Faraon he hadì te Ehipto. Neiring ka te zekelà he vuaya he ed-ubpà diyà te menge wahig diyan te Ehipto. Migkaǥi ka te kenikew is Wahig he Nilo, ne mibeelan nu heini para mismu kenikew.

Daniel 4:27

Umbe, deyzey ke edewaten nu is sambag ku kenikew, Mahal he Hadì: Engked ka he ebaal te salà ne metazeng is beeli nu wey kehizuwi nu is menge pubri. Emun ebeelan nu heeyan ne kela ke ebmeuswaǥen ka ǥihapun.”

Nahum 3:19

Egkeiring ka te etew he teǥepalì he kenè en egkeulian is palì din. Is langun he ebpekezineg te tudtul mehitenged te kegkezeeti nu ebpakpak te kegkelipey, su is langun te sikandan ne layun nu ebpesipelahi.

Habakuk 1:7

Igkikinehendekà sikandan te menge etew. Ebeelan dan ke hengkey is egkesuatan dan ne wazà ebpekeeǥen kandan.