Zefanias 2:14 - Manobo Western Bukidnon OT

¹⁴ Keniyan ebpemenleku is menge vaka, menge kambing, wey is duma pa he nekedseselekawà he menge langgam. Edlatun is menge ekang diyà te nengezeetan he menge tukud, ne is kegkaǥi zan egkezineg diyà te menge sulawà. Egkengeelangan is menge veyeey ne egkengetangtang is menge kayu he sidru.

Zefanias 2:14 교차 참조

Salmo 102:6

Sebsevaha ku zà, henduen a te seǥuksuk diyà te sibsivayan. Henduen a te ekang diyà te mid-ewaan en su egkeregdas en he vinelayan.

Isaias 14:23

Edhimuwen ku heini he sibsivayan he mahabet is menge linew zuen. Edezeetan ku heini, ne is kedezeeti ku kayi, iring te ebpeyupasen ku is menge meǥinged kayi. Iyan a, is Nengazen he Mekeǥeǥehem, migkaǥi kayi.”

Jeremias 22:14

Migkaǥi ke pa te, “Ebangun a te turuǥan he zuen din meluag he menge ruǥu diyà te zivavew. Ebpeveelan ku heini te meluag he menge sulawà ne ebpeelevetan ku te kisami he sidru, ne ebpepintalan ku te meriǥà.”

Amos 9:1

Migkaǥi si Amos te, “Neehè ku is Nengazen he midhitindeg diyà te pemuhatà he ke sikandin te, ‘Pukpuka nu is in-ulu keniyan te menge tukud te valey ku su wey merundus is atep din ne wey merundusi is menge etew. Ne is kenà ebpatey kandan ne edhimetayan ku pinaaǥi te tebek. Wazà minsan sevaha kandan he ebpekelikey etawa ebpekepelaǥuy.

Zefanias 2:6

Umbe, is tanè niw he uvey te zaǥat egkehimu he pepenebtavà wey tudil te menge kerehidu.