Zefanias 2:10 - Manobo Western Bukidnon OT

¹⁰ Migkaǥi si Zefanias te, “Iyan heeyan bales te kebpelavew te menge tig-Moab wey menge tig-Ammon. Su mibpeel-elezan dan wey midsudì dan is menge etew te Nengazen he Mekeǥeǥehem.

Zefanias 2:10 교차 참조

1 Cronica 16:21

Piru wazà medtuǥut is Megbevayà he edèdaaǥen sikandan. Para mepengelangi sikandan, midawey zin is menge hadì he ebpekigkuntada kandan. Migkaǥi sikandin te,

Exodus 10:3

Ne midhendiyà si Moises wey si Aaron te hadì ne migkeǥiyan dan sikandin te, “Iyan heini migkaǥi te Nengazen he iyan Megbevayà te menge Hebriyuhanen, ‘Sengemenu kun is keluǥayad te kebpelavew nu ziyà te etuvangan ku? Tuǥuti nu te kegenat is menge etew ku su wey zan mekaazap kedì.

Exodus 9:17

Piru kemulu nu egkuntedaha is menge etew ku, wey kenè nu sikandan edtuǥutan te kegenat.

Isaias 16:6

Nezineg dey is kegkegelbuwen te menge tig-Moab. Menge gelbuwen sikandan wey menge mepelevawen, iyan, wazè en kayi pulus.

Jeremias 12:14

Migkaǥi pa is Nengazen te, “Iyan heini ebeelan ku ziyà te langun he mezaat he meǥinged diyà te menge nasyun he nekeelingkus te Israel, he midezaat te tanà he imbeǥey ku te menge etew ku para mepengevilin dan: Ebpepeleǥuyan ku kandan is tanè dan, iring te kebpepeleǥuwi ku te menge tig-Juda te tanà te mibihag kandan.

Jeremias 48:14

Mibpahambug is menge tig-Moab he mevurut kun is menge sundaru zan he ebpekidtebek.

Jeremias 48:29

Utew kew menge gelbuwen. Netuenan ku ke sengemenu ketikang is galbu niw wey kegkemepelevawen.

Penhulùhulù 1:9

Is keremerik din naahà te langun. Wazè din isipa zengan is egkehitavù kandin. Utew sikandin nezeeti, ne wazà midtavang kandin. Umbe migkaǥi sikandin te, “He Nengazen, seǥipaa nu is kegkerasey ku, su nezaag a te kuntada.”

Ezekiel 25:6

“Iyan a, is Nengazen he MEGBEVAYÀ migkaǥi te, ‘Geina te mibpelakpak kew wey midlinglingketew kew tenged te kegkelipey niw zutun te kedsudia niw te Israel,

Daniel 4:37

Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”

Obadias 1:11

Wazè kew medseǥipà hein timpu te kedsurunga te Jerusalem te ebpemuun diyà te zuma he menge nasyun. Mibey-anan niw en sikandan is ebpenguwa te menge azen diyà te Jerusalem wey ebahin kayi pinaaǥi te ripa. Iring kew zed te menge kuntada te menge Israilihanen.

Obadias 1:3

Migkaǥi kew te wazà ebpekehimu he edsurung keniyu su geina te ziyè kew med-ubpà te vetuwen wey metikang he lugar. Piru heeyan is hambug niw iyan paaǥi te kedlimbungi niw te keugelingen niw.

Zefanias 2:8

Migkaǥi is Nengazen he Mekeǥeǥehem, he Megbevayà te Israel te, “Nezineg ku is kebpeeled-eled wey kedsudì te menge tig-Moab wey tig-Ammon te menge etew ku. Mibpahambug dan pa he egkehimu zan kun te ed-aǥew is tanà te menge etew ku. Umbe mibpenangdù a ziyà te gehinawa ku he edezeetan ku is Moab wey is Ammon iring te Sodom wey Gomora. Heini he menge tanà ne kenè en egkepulusan taman te taman. Ed-erikubmunan dà heini te zuǥiyen he menge sagbet wey egkeeneb te menge vudsi he zutun ebeeli is timus. Ed-eǥawen heini te egkesamà he menge etew ku ne egkuwaan dan is menge azen kayi.”