Zefanias 1:16 - Manobo Western Bukidnon OT

¹⁶ ne egkezineg is daǥing te menge vudyung wey kulehian te menge sundaru zutun te edsurung dan diyà te vinerengbeng he menge inged wey ziyà te metikang he menge turi kayi.

Zefanias 1:16 교차 참조

Isaias 27:13

Dutun he timpu ibpezaǥing is mezaǥing he vudyung. Ne ebpemenlikù diyà te Jerusalem is menge Israilihanen he nekaantus te kegkevihaǥa kandan diyà te Asiria wey Ehipto. Ne ed-ezapen dan is Nengazen, diyà te segradu he vuvungan diyà te Jerusalem.

Isaias 32:14

Is inged he mezakel zengan is mid-ubpà duen, ne kenè en maan ed-ubpaan. Is melig-en he menge vahin kayi, ebey-anan en. Is mibuntud-buntud wey turi kayi egkeiring te sibsivayan minsan keenu. Edriǥuriǥu kayi is menge asnu ne ebpemenabtab is menge langgam.

Isaias 59:10

Iring kiw te lakap he ebpekepenamsam diyà te elavat, ne ebpemekeurambak kiw minsan meudtu, henduen be te edhipanew kiw ziyà te merusirem. Minsan pa te mezesen is menge lawa tew, henduen kiw te menge minatey su wazè tew egkehimu.

Jeremias 6:1

“Pelaǥuy kew wey med-eles is menge kevuwazan ni Benjamin! Gawas kew ziyà te Jerusalem! Ipezaǥing niw is budyung diyà te Tekoa ne uyawi niw is Bet Hakerem. Su ebpekeuma is dekelà he kezeetan he ebpuun diyà te zizaya.

Jeremias 8:16

Is mezaǥing he herìhian te menge kudà te menge kuntada tew iyan nezineg tew ziyà te Dan. Minsan herìhian dà dutun te menge kudè dan egkahandek kiw en is langun he meǥinged kayi he tanà. Nekeuma zan su edezeetan dan heini he tanà wey is menge netaǥù kayi–is menge inged wey is langun he menge meǥinged kayi.’ ”

Ezekiel 7:7

sikiyu is menge meǥinged diyà te tanà te Israel. Iyan en heini andew te kezeetan niw. Hapit en is timpu he egkengeteranta kew. Nepasad en is melipayen he menge andew niw ziyà te menge vuntud.

Hoseas 5:8

“Ipezaǥing niw is menge vudyung wey menge trumpita su wey mekepengandam is menge etew ziyà te Gibea wey Rama! Ipezineg niw ziyà te Bet Aven is kulehian para te kebpekidtebek! Pengandam kew is menge etew te Benjamin!

Hoseas 8:1

“Ipezaǥing niw is budyung su wey mekepengandam is menge etew ku su is Israel he mid-isip ku he ubpeey ku, edsurungen te menge kuntada he iring keǥaan te menderaǥit. Su wazè dan itetepi-an is paaǥi ku te kebpekid-uyun kandan wey midrapas dan is kesuǥuan ku.

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Habakuk 3:6

Emun edhitindeg ka egkehuyung is kelibutan, ne emun edtengteng ka ne egkerkeren te kegkahandek is menge etew wey egkengetiplak is neuǥet en he menge vuntud. Is menge paaǥi nu ebpedayun te wazà pidtemanan.

Deuteronomio 28:52

Edsurungen dan is langun he menge inged niw he ibeǥey keniyu te Nengazen he Megbevayè niw taman te egkelempag is metikang wey melig-en he menge verengbeng he iyan edseriǥan niw.

Josue 6:20

Impezaǥing te menge memumuhat is menge vudyung dan, ne nemengulahì is menge Israilihanen hein nezineg dan heini. Ne neregdas is berengbeng dutun te inged ne utew zà melemu is kedseled dan ne mid-aǥew zan haazà is inged.