Zefanias 1:15 - Manobo Western Bukidnon OT

¹⁵ Keniyan he andew is kebpeǥezama te Megbevayà te pauk din. Andew haazà te kelised, kemeresayan, kezeetan, wey kepirdiyan. Merusirem wey ebpenggapun dutun he andew,

Zefanias 1:15 교차 참조

Isaias 13:9

Pemineg kew! Egkeume en is andew te Nengazen, is andew te kegkaid wey utew zekelà he pauk. Edezeetan is tanà taman te kenè en egkeubpaan, ne ragkes en he edezeetan is mekesesalà dutun.

Isaias 22:5

Su iyan en heini timpu he midtelaan te Nengazen he MEGBEVAYÀ he Mekeǥeǥehem he timpu te kegkegurigew, kebpemelaǥuy, wey kegkengeliveǥi te menge etew ziyà te suǥud-suǥud he zutun duen egkengelewasan. Egkengetempag is menge verengbeng kayi, ne is kulehian te menge etew ebpekeuma is kegkezineǥa zuen diyà te menge vuvungan.

Isaias 8:22

etawa edtengteng dan diyà te tanà, wazè duma he egkeehè dan, kekenà, iyan dà is kelised wey kerusireman. Ne ziyè dan ed-uwita te mekahandek-handek he kerusireman.

Jeremias 30:7

Utew subra is mekahandekhandek emun egkeume en heeyan he timpu! Wazè en ebpekeiring keniyan he timpu. Timpu heeyan te kelised te menge kevuwazan ni Jacob, piru ziyà te huziyan he timpu egkelibri sikandan keniyan he kebpekesavuk.

Joel 2:11

Ebmenduan te Nengazen heini is menge terapan he menge sundaru zin, ne edtumanen dan is menge suǥù din. Mekahandekhandek heini he menge terapan ne utew subra is kahabet dan. Mekehandekhandek utew haazà is andew te kedsilut te Nengazen; ne wazà ebpekeeguwanta kayi.

Joel 2:2

Merusirem wey ebpenggapun dutun he andew. Is mekahandekhandek he menge terapan he utew subra is kahabet dan ne ebpekeeneb diyà te menge vuvungan iring te kebpekeeneb te silà te andew emun egkepawè en. Wazè pa nehitavù he iring keniyan puun pa zengan, ne kenè en egkeuman egkehitavù is iring keniyan taman te taman.

Joel 2:31

Ebmerusirem is andew, ne is bulan ebmeriǥà iring te lengesa. Kenà heini egkehitavù emun kenè pa egkeuma is mekahandekhandek he kedhukum te Nengazen.”

Zefanias 1:18

Kenà ebpekelibri kandan is menge pelata zan wey menge vulawan dutun te andew te kebpeǥezama ku te pauk ku he iring te hapuy he ebpekeepur te tivuuk he tanà. Edtik-awan ku edezeeti is langun he ed-ubpà kayi he tanà.”

Zefanias 2:2

te kenè pa egkeuma is midtelaan he timpu te kedsegseǥa keniyu ziyà te meziyù he iring kew te menge ukap he idlayap. Iniyuǥi niw is mezaat te kenè pa egkeuma is timpu te utew kegkepauk te Nengazen.

Deuteronomio 28:52

Edsurungen dan is langun he menge inged niw he ibeǥey keniyu te Nengazen he Megbevayè niw taman te egkelempag is metikang wey melig-en he menge verengbeng he iyan edseriǥan niw.