Zefanias 1:10 - Manobo Western Bukidnon OT

¹⁰ Migkaǥi is Nengazen te, “Zutun he andew egkezineg is kulehian te ebpekitavang diyà te pultahan he migngezanan te Pultahan te menge Isdà diyà te inged he Jerusalem wey is lendag diyà te veǥu he vahin kayi he inged. Egkezineg daan is dekelà he keǥurub te egkengerundus he menge valey ziyà te menge vuvungan.

Zefanias 1:10 교차 참조

2 Samuel 5:7

Piru naaǥew ni David is melig-en he kutà te Zion, he egngezanan guntaan te Inged ni David.

2 Samuel 5:9

Hein naaǥew en ni David haazà is Zion, diyè en sikandin med-ubpà, ne migngezanan din haazà te Inged ni David. Ne mibpeumanan din haazà pepelinguti te verengbeng puun te mevavà he vahin dutun te inged.

2 Hadì 22:14

Umbe, midhendiyà si Hilkia he memumuhat, si Ahikam, si Acbor, si Shafan, wey si Asaya te ki Hulda te sevaha he vahi he ebpeneuven su ebpekidlalag dan kandin. Heini si Hulda, diyà ed-ubpà te veǥu he vahin te Jerusalem, ne esawa sikandin ni Shalum he anak ni Tikva wey apù ni Harhas. Si Shalum iyan ed-atur te menge visti ziyà te Baley te Nengazen.

2 Cronica 3:1

Ne mibpuunan en ni Solomon is kedtukuza te valey te Nengazen diyà te Jerusalem diyà te Buvungan te Moria, he zutun mebpaahà is Nengazen te amey zin he si David. Diyè din heini tukuza te gunasà ni Arauna he Jebusihanen, kes lugar he inteǥana ni David.

2 Cronica 32:22

Midlibri te Nengazen si Hezekia wey is menge etew ziyà te Jerusalem te gehem ni Hadì Senakerib he hadì te Asiria wey te gehem te zuma pa he menge kuntada zan. Ne melinawen dan su wazè en sikandan tebeka te menge kuntada zan diyà te peliǥuy zan.

2 Cronica 33:14

Ne puun dutun, mibpepurungan ni Manase sikan is berengbeng diyà te gawas dutun te Inged ni David, puun te zapit te edsenlepan te serebseb diyà te Gihon he ziyà te zal-ug taman te Pultahan te menge Isdà, ne impevulegkù heini ziyà te menge mibuntud-buntud he egngezanan te Ofel. Mid-umanan din daan is ketikang kayi. Ne mibpepelestaran din te menge peremandar is langun he vinerengbeng he menge inged te Juda.

2 Cronica 34:22

Umbe, migenat si Hilkia wey is menge midsuǥù te hadì he ibpezuma kandin pehendiyà te vahi he ebpeneuven he si Hulda su ebpenginginsè dan kandin. Heini si Hulda ziyà med-ubpà te veǥu he vahin te Jerusalem ne esawa sikandin ni Shalum he anak ni Tokhat wey apù ni Hasra. Si Shalum iyan midseriǥan te ked-atur te menge visti ziyà te valey te Nengazen.

Nehemias 12:39

Ne puun dutun midlaus key ne mibayè key ziyà te Pultahan ni Efraim, diyà te Zaan he Pultahan, diyà te Pultahan te menge Isdà, diyà te Turi ni Hananel, wey ziyà te Turi te Nenggatus. Ne zutun mibayè key ziyà te Pultahan te menge Kerehidu ne mibpundu key ziyà te Pultahan te Bantey.

Nehemias 3:3

Is mibangun te Pultahan te menge Isdà iyan is menge anak ni Hasenaa. Midsevukan dan heini te menge velavag, ne zutun dan itaud is menge lekeb, ne mibeelan dan te menge trangka.

Isaias 59:11

Tenged te kegkeseeng tew nekezag-es kiw he henduen kiw te edhiniǥer he bir wey egkaǥi he merepatik. Ebperateng kiw he edsilutan te Megbevayà is menge kuntada tew ne edlibriyen kiw zin, piru wazà heini mehitavù.

Jeremias 39:2

Ne hein ikeepat he vulan duen te ike-11 he tuig te kedhadì ni Zedekia, nevengkag en te menge tig-Babilonia sikan is berengbeng te inged.

Jeremias 4:31

Nezineg ku is erang wey zag-es, he iring te erang wey zag-es te vahi he ed-anak te penganey. Erang heini te menge meǥinged diyà te Jerusalem he kenè en ebpekeǥehinawa is ebpenepayà he egkaǥi te, “Mekehizuhizu key; henduen be egkevidtawan key en. Su heeyan en is menge kuntada zey he edhimatey kenami.”

Ezekiel 6:13

Ne egketuenan dan he iyan a Nengazen emun is ebpematey he zuma zan he meǥinged ebpekepeyapat en duma te menge ed-ezapen dan diyà te peliǥuy te menge pemuhatè dan, diyà te menge vuvungan, diyà te puntur te menge vuntud, diyà te sihung te zezekelà he menge kayu, wey ziyà te sihung te merapung he menge kayu he ulayan, he zutun dan ebpemuhata te veyewà is langun he menge ed-ezapen dan.

Amos 8:3

Dutun he andew te kedsiluti kandan, is melipayen he kegkanta ziyà te valey ku egkehimu he sineǥawan su mahabet is ebpekepeyapat diyà te minsan hendei he ebpemematey. Ne zutun wazè en egkezineg he keǥurub. Iyan a, is Nengazen he Megbevayà, is migkaǥi kayi.”

Zefanias 1:15

Keniyan he andew is kebpeǥezama te Megbevayà te pauk din. Andew haazà te kelised, kemeresayan, kezeetan, wey kepirdiyan. Merusirem wey ebpenggapun dutun he andew,

Zefanias 1:7

“Pereremek kew kayi te etuvangan ku, su meǥaan en egkeuma is andew te kedsilut ku. In-andam ku en is menge etew he para ebpenhimetayan iring te uyaǥen he ibpemuhat. Insivey ku en is menge kuntada he mid-umew ku wey zan medsurung diyà te Juda.