Zatù 9:57 - Manobo Western Bukidnon OT

⁵⁷ Impevayad daan te Megbevayà is menge tig-Shekem te langun he mezaat he mid-ulaula zan. Pinaaǥi kayi netuman is rawak ni Jotam te anak ni Gideon.

Zatù 9:57 교차 참조

2 Samuel 3:39

Ne minsan iyan a mibpilì he hadì guntaan, kenè ku egkeveyveyaan si Joab wey si Abishai, he menge anak ni Zeruya. Nereǥenan a utew kandan. Umbe, iyan en is Nengazen ebales te lalung he menge etew te kelelalung he menge vaal zan.”

1 Hadì 16:34

Dutun te timpu te kedhadì ni Ahab, mid-umanan benguna ni Hiel he tig-Betel is Jerico. Hein ebengunen din en is menge pundasyun kayi, minatey is kinekekayan he anak din he si Abiram. Ne hein iyan din en ebpeveelan is menge pultahan kayi he inged, iyan en maan minatey is tinengkezan he anak din he si Segub. Neulaula heini is langun sumalà is lalag te Nengazen pinaaǥi ki Josue he anak ni Nun.

Salmo 7:17

Sikew, Nengazen, is Utew Lavew he Megbevayà. Ebpeselamatan ku sikew tenged te ketazeng nu. Edeliǥen ku sikew pinaaǥi te kegkanta ku.

Salmo 94:23

Edsilutan nu wey edèdeetan nu sikandan tenged te menge salè dan. Nengazen, he Megbevayè dey, edèdeetan nu sikandan.

Erubasa 5:22

Is mezaat he menge ulaula te lalung he etew iring te litag he ebpekehiket kandin.

Isaias 3:11

Piru mekehizuhizu mulà is menge lalung, su ebpekeuma ziyà te kandan is bangkit. Ebelesan sikandan tenged te menge vaal zan.

Josue 6:26

Dutun he timpu mibpetizeenan ni Josue is menge Isaelihanen: “Edrewakan te Nengazen is minsan hentei he edtinguhà te ked-uman kebangun kayi te inged he Jerico. Is minsan hentei he ed-uman ebaal te pundasyun kayi ne ebpatey is kinekekayan he anak din. Is ebpeterebahu te menge pultahan kayi ebpatey is tinengkezan he anak din.”

Zatù 1:7

Migkaǥi si Adoni Bezek te, “70 he hadì is mibpenamped ku is tindezekelà te menge velad dan wey menge paa zan, ne nekepengimù sikandan te menge mumu ziyà te zizalem te lemisahan ku. Ne ǥuntaan mibeelan te Megbevayà kayi te kedì is mibeelan ku ziyà te kandan.” Mid-uwit dan sikandin diyà te Jerusalem ne ziyè en mebpatey.

Zatù 10:1

Hein minatey en si Abimelec, si Tola he anak ni Pua wey apù ni Dodo iyan nengulu te kedlibri te Israel. Ebpuun sikandin diyà te tribu ni Isacar, piru ziyà sikandin ed-ubpà te Shamir he diyà te vuvungan te Efraim.

Zatù 9:20

Ne emun kenà, ne verakat he dèdeeti kew ni Abimelec he iring te egkeenen kew te hapuy. Ne sikiyu is menge tig-Shekem wey menge tig-Bet Milo, ne edèdeetan niw zaan si Abimelec he iring te egkeenen sikandin te hapuy.”

Zatù 9:24

Neulaula heini su ibpevayad si Abimelec wey is menge tig-Shekem he mid-uǥup kandin te kebpenhimatey zuen te 70 he menge anak ni Gideon he menge suled din.

Zatù 9:45

Sengaandew is kebpekidtebek eni Abimelec. Ne nesakup dan haazà is inged, ne mibpenhimetayan dan is menge meǥinged dutun. Ne hein nepasad midèdeetan dan haazà is inged ne midsewezan dan te timus.

Zatù 9:56

Pinaaǥi kayi te neulaula, impevayad te Megbevayà si Abimelec te mezaat he mibeelan din diyà te amey zin he iyan is kebpenhimetayi zin duen te 70 he menge suled din.