Zatù 9:1 - Manobo Western Bukidnon OT

¹ Ne sevaha he andew, midhendiyà si Abimelec he anak ni Gideon te menge kezuzumahi te iney zin diyà te Shekem ne migkeǥiyan din sikandan te,

Zatù 9:1 교차 참조

Genesis 33:18

Hein neuǥet ne nekeuma sikandan diyà te Canaan puun te Padan Aram he wazà mezaat he neulaula kandan. Nekeuma zan diyà te inged he Shekem. Ne impehitindeg dan dutun is menge tulda zan diyà te uvey zutun te inged.

Genesis 34:2

Naahà sikandin ni Shekem he anak ni Hamor he Hivihanen, he pengulu zengan dutun he lugar. Mid-eǥen din si Dina ne midlayug din.

2 Samuel 15:6

Iyan heini ebeelan ni Absalom te langun he Israilihanen he ebpehendiyà te hadì su ebpehusey. Umbe neuwit din is menge Israilihanen.

1 Hadì 12:1

Midhendiyà si Rehoboam te Shekem, su ziyà meburunburun is menge Israilihanen su ibpahayag dan is kedhimuwa zan kandin he hadì dan.

1 Hadì 12:20

Ne si Jeroboam mulà, hein netuenan te langun he menge Israilihanen he nekeulì en sikandin, impetawag dan sikandin diyà te ketiǥuman dan, ne midhimu zan sikandin he hadì te tivuuk he Israel. Iyan dà is tribu ni Juda pedayun he nekid-uunungen te menge kevuwazan ni David.

1 Hadì 12:3

Impetawag te keet-etawan te Israel si Jeroboam, ne pudu zan midhendiyà te ki Rehoboam ne ke sikandan te,

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Jeremias 41:5

duen 80 he menge etew he edhendiyà te Mizpa he ebpuun diyà te Shekem, Shilo, wey Samaria. Migkiskisan dan is menge sumpè dan, mibindasbindas dan is menge visti zan, wey mibpemelian dan is menge lawa zan tenged te kedlelaw zan. Duen uwiten dan he menge pemuhat he para gasa wey veyewà he edtutungen dan diyà te valey te Nengazen.

Josue 20:7

Umbe, mibpilì dan is Kedesh diyà te Galilea he ziyà te vuvungan te Naftali wey is Shekem diyà te vuvungan te Efraim, wey is Kiriat Arba (he iyan is Hebron), he ziyà te vuvungan te Juda.

Zatù 8:30

Duen 70 he menge anak ni Gideon su mahabet is esawa zin.

Zatù 8:31

Duen esawa zin diyà te Shekem ne zuen anak dan he maama he migngezanan din ki Abimelec.

Zatù 8:35

Wazè dan ipaahà is keupiya zan diyà te pemilya ni Jerubaal (he iyan si Gideon) minsan pa te zuen meupiya he nengeveelan din para te Israel.