25 Midtavak is menge etew te, “Uya, ebeǥayan dey sikew.” Ne midempas sikandan te manggad ne is kada sevaha kandan midsavuk dutun te indempas te eritis he nekuwa zan diyà te menge Midianhen.
Iyan, duen dà ebuyuen ku ziyà te keniyu: is kada sevaha keniyu mebeǥey te sevaha he eritis kayi te kedì he nekuwa niw ziyà te menge Midianhen.” (Is menge Midianhen ed-eeritis te vulawan su iyan haazà neleyaman dan te menge kevuwazan ni Ishmael.)
Menge 20 he kilu he vulawan he menge eritis is netiǥum kenà ragkes is menge zayandayan, menge velieg, menge merudtem he visti te Hadì diyà te Midian, wey menge rantey he velieg te menge kemilyu zan.
