Zatù 8:22 - Manobo Western Bukidnon OT

²² Migkaǥi is menge Israilihanen diyà te ki Gideon te, “Geina te iyan ka midlibri kenami te kedezaat te menge Midianhen, ne iyan ke en wey is menge anak nu wey menge apù nu mebpengulu kenami.”

Zatù 8:22 교차 참조

Genesis 37:28

Hein midsaǥad haazà is menge nigusyanti he tig-Midian, mibatun dan si Jose puun dutun te vudsi, ne imbelegyè dan sikandin te 20 he vuuk he pelata. Ne mid-uwit dan si Jose ziyà te Ehipto.

Zatù 8:21

Ne migkeǥiyan ni Zeba wey ni Zalmuna si Gideon te, “Maan is kenè ka iyan edhimatey kenami? Kenà ereg is batà he ebaal keniyan.” Umbe midhimetayan sikandan ni Gideon ne impekuwa zin is menge zayandayan diyà te lieg te menge kemilyu zan.

Zatù 8:23

Ne midtavak si Gideon te, “Siak wey is menge anak ku ne kenè key iyan ebpengulu keniyu, kekenà, iyan is Nengazen.

1 Samuel 12:12

Piru hein edsurungen kew ni Nahash he hadì te menge Amunihanen, mibuyù kew kedì te hadì he edumala keniyu, minsan pa te zuen en Nengazen he iyan Megbevayà, he iyan hadì niw.

1 Samuel 8:5

Ke sikandan te, “Meǥurang ke en; ne is menge anak nu ne wazè dan meiringi is meupiya he menge vaal nu. Guntaan, beǥayi key te hadì he ed-uwit kenami, iring te zuma he nasyun he zuen dan hadì.”