Zatù 8:10 - Manobo Western Bukidnon OT

¹⁰ Dutun he timpu, si Zeba wey si Zalmuna diyà sikandan te Karkor zuma te menge sundaru zan. 15,000 zà is nesamà he menge sundaru he ebpuun te edsilaan. Menge 120,000 is nepatey kandan.

Zatù 8:10 교차 참조

2 Hadì 3:26

Ne hein naahà duen te hadì te Moab he nezaag dan en te tebek, miduma zin is 700 he menge etew zin he zuen dan menge ispada su ebpelaǥuy zan he edreseng duen te menge sundaru te hadì te Edom, piru wazà sikandan mekepelaǥuy.

2 Cronica 13:17

Utew mezakel is nepatey ni Abia wey te menge sakup din–500,000 he menge memetau he menge sundaru te Israel.

2 Cronica 28:6

Senga andew zà ne 120,000 he menge sundaru te Juda is nengepatey ni Hadì Peka he hadì te Israel, he anak ni Remalia. Neulaula heini ziyà te Juda tenged te mid-iniyuǥan dan is Nengazen, he Megbevayà te menge kepuun dan.

2 Cronica 28:8

Mibihag te menge tig-Israel is menge kezuzumahi zan ded he menge tig-Juda he 200,000 he menge vahi wey menge vatà. Mibpenguwa zan is menge ketiǥeyunan te menge tig-Juda ne mid-uwit dan diyà te Samaria.

Isaias 37:36

Ne zutun midhendiyà is belinsuǥuen te Nengazen te kampu te menge tig-Asiria ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Isaias 9:4

Su ibpekeziyù nu sikandan diyà te midlupiglupig kandan. Iring sikandan te uyaǥen he ebedtien nu is id-eyuǥu zuen wey is tuked he idlagkut duen. Is ebeelan nu kandan iring te mibeelan nu zengan hein midaag nu is menge Midianhen.

Zatù 20:15

Dutun mismu he andew, neketiǥum is menge Benjaminhen te 26,000 he menge sundaru he ebpuun te menge inged dan, wazà lavet te 700 he pinilì he menge sundaru he menge tig-Gibea.

Zatù 20:17

Ne gawas te tribu ni Benjamin, neketiǥum daan is menge Israilihanen te 400,000 he menge sundaru he memahagtì he ebpekidtebek.

Zatù 20:2

Dutun is menge pengulu te kada tribu te Israel te kedtiǥum te menge etew te Megbevayà. 400,000 sikandan is langun he menge sundaru he neǥumeenan te ispada.

Zatù 20:25

Iyan, mid-uman en maan megawas is menge Benjaminhen diyà te Gibea ne midsinuǥung dan heini is duma zan he menge Israilihanen. Ne kayi he timpu, nepatey zan is 18,000 he menge Israilihanen he memetau he eǥamit te menge ispada.

Zatù 20:35

Mibpengelinteuwan te Nengazen he mekezaag is menge Israilihanen. Dutun he andew, nekepatey sikandan te 25,100 he menge Benjaminhen he mahagtì he menge sundaru.

Zatù 20:46

Is langun he nepatey zutun he andew, 25,000 he menge Benjaminhen he menge mevurut he menge sundaru he neǥumeenan te menge ispada.

Zatù 6:5

Ebpekeuma zan he ed-uwit te menge tulda zan wey menge uyaǥen dan. Kenà egkevilang is kahabet dan ragkes is menge kemilyu zan. Ne nekeveǥey sikandan te kezeetan diyà te tanà te menge Israilihanen.

Zatù 7:12

Is menge Midianhen, menge Amalikanhen, wey zuma pa he menge etew he ebpuun diyà te edsilaan, migkampu ziyà te menge suǥud he henduen be te kahabet te terapan is kahabet dan. Is menge kemilyu zan henduen be te kahabet te pantad diyà te veyvey te zaǥat he kenà egkevilang.

Zatù 7:13

Ne hein dutun en ensi Gideon, duen nezineg dan he zezuwa he etew he ebpelelaǥà. Migkaǥi is sevaha te, “Neketeǥeinep a he zuen sevaha he supas he barli he metivurun he midlilid diyà te kampu tew ne neigù din is sevaha he tulda te menge Midianhen. Ne nepiley heini wey newaǥey.”

Zatù 7:22

Ne zutun te kebpezeǥinga zuen te 300 he menge Israilihanen te menge vudyung dan, mibpengelinteuwan te Nengazen he med-uney medtebek is menge etew zutun te kampu te menge Midianhen. Is duma kandan mibpelaǥuy pehendiyà te Bet Shita he uvey te Zerera pelaus diyà te dulunà te Abel Menola he uvey te Tabat.

Zatù 8:11

Midtekezeg ensi Gideon he edal-as kandan. Diyà sikandan mebayà te lugar te menge ebpemen-ubpà diyà te tulda he zapit te edsilaan he sakup te Noba wey Jogbeha. Ne midtik-awan dan etekiya is menge Midianhen.