Zatù 7:21 - Manobo Western Bukidnon OT

²¹ Is kada sevaha kandan mibpelastar ziyà te peliǥuy zuen te kampu, piru sikan is menge kuntada zan, ne erang dan dà te ebpemelaǥuy.

Zatù 7:21 교차 참조

1 Hadì 20:20

ne midhimetayan te kada sevaha kandan is menge kuntada zan. Umbe nemelaǥuy is duma he menge sundaru pehendiyà te Aram, ne midal-as sikandan te menge Israilihanen. Piru si Ben Hadad wey is duma he menge zuma zin nekepelaǥuy he ed-untud te kudà.

2 Cronica 20:15

Migkaǥi si Jahaziel te, “Hadì Jehoshafat, wey sikiyu is langun he mid-ubpà kayi te Juda wey Jerusalem, pemineg kew! Iyan heini egkeǥiyen te Nengazen keniyu, ‘Kenè kew mahandek wey mebmeluya tenged kayi te mezakel he menge sundaru, su kenè kew iyan ebpekidtebek, kekenà, iyan a is Megbevayà.

2 Cronica 20:17

Kenè en kinahanglan he ebpekidtebek kew pa. Andam kew zà wey mebpekelig-en, ne ahaà niw is kezeeǥan he ebeelan te Nengazen para keniyu. Sikiyu is menge tig-Juda wey tig-Jerusalem, kenè kew mahandek wey mebmeluya. Etuvanga niw sikandan keeselem su is Nengazen iyan eduma keniyu.’ ”

Exodus 14:25

Mibpengelinteuwan din he kenà metileng is menge ligid te menge kerwahi zan su para medlised sikandan he ebpepelelaǥuy zutun. Ke sikandan te, “Ebpeleǥuyan tew is menge Israilihanen su iyan is Nengazen ebpekidtebek kenitew para kandan.”

Erubasa 28:1

Is etew he lalung tekew en ebpelaǥuy minsan wazà edal-as kandin; iyan, is etew he metazeng iring te erimaung su mevurut mulà sikandin.

Isaias 30:15

Migkaǥi pa is Nengazen he MEGBEVAYÀ, is Waǥas he Megbevayà te Israel te, “Likù kew kayi te kediey ne ipehulenè niw is gehinawa niw su edlibriyen ku sikiyu. Pekelinew kew ne sarig kew kedì su edlig-enan ku sikiyu. Piru kenè niw heini egkesuatan te ebaal.

Isaias 30:7

Is tavang te nasyun he Ehipto, ne wazè din pulus. Umbe egngezanan ku heini te “Dragun he Midleku.”

Zatù 7:20

Ne iyan daan haazà mibeelan duen te tetelu he grupu. Ne zutun te egewezan dan te ǥivang dan sikan is sulù ne egewazan dan daan te kewanan dan sikan is budyung ingkulahì dan is lalag he edhenduen te, “Ebpekidtebek kiw para te Nengazen wey para ki Gideon.”