Zatù 7:19 - Manobo Western Bukidnon OT

¹⁹ Liwazè en te kezukileman hein nekeuma si Gideon wey sikan is 100 he menge zuma zin diyà te dulunà te kampu te kuntada zan. Wazè pa meuǥet is kegkeilisi te ebantey zutun. Impezaǥing eni Gideon is menge vudyung dan wey mibpenrupet dan is menge tivud dan.

Zatù 7:19 교차 참조

Salmo 2:9

Dumelaha nu sikandan, he wazè ebpekesukul te kedumala nu. Iring sikandan te ziniyun he ǥelemiten he edrupeten nu.’ ”

Salmo 90:4

Is nengkelibu he tuig kayi te kenami ne iring dà mulà te senga andew ziyà te kenikew, etawa iring dà heini te nepipira zà he uras te mezukilem.

Exodus 14:24

Ne hein meǥaan en egkepawà dutun he kezukileman nememantew is Nengazen puun duen te mekepal he ǥapun wey regreg he iring te tukud, mibpantew zin is menge sundaru he Ehiptohanen ne mibpengelintuwan din he mengeliveg sikandan.

Zatù 7:16

Mibahin din te tetelu he grupu sikan is 300 he menge etew zin, ne mibeǥayan din is kada sevaha kandan te vudyung wey tivud he zuen sulù diyà te seled din.

Zatù 7:18

Emun ibpezaǥing ku wey te menge zuma ku is menge vudyung dey, sikiyu is duma he ziyà daan te peliǥuy te kampu ne iyan haazà beeli niw, ne habet kew pengulahì is egkaǥi te, ‘Para te Nengazen wey ki Gideon!’ ”

Zatù 7:20

Ne iyan daan haazà mibeelan duen te tetelu he grupu. Ne zutun te egewezan dan te ǥivang dan sikan is sulù ne egewazan dan daan te kewanan dan sikan is budyung ingkulahì dan is lalag he edhenduen te, “Ebpekidtebek kiw para te Nengazen wey para ki Gideon.”