Mibahin din te tetelu he grupu sikan is 300 he menge etew zin, ne mibeǥayan din is kada sevaha kandan te vudyung wey tivud he zuen sulù diyà te seled din.
Emun ibpezaǥing ku wey te menge zuma ku is menge vudyung dey, sikiyu is duma he ziyà daan te peliǥuy te kampu ne iyan haazà beeli niw, ne habet kew pengulahì is egkaǥi te, ‘Para te Nengazen wey ki Gideon!’ ”
miduma zin is menge etew zin pehendiyà te Buntud he Zalmon. Ne hein dutun dan en, migkuwa si Abimelec te wasey ne nenamped sikandin te subpang te kayu ne midtiang din haazà. Ne migkeǥiyan din is menge etew zin te, “Gaanggaan kew ne veeli niw is mibeelan ku.”
