Zatù 7:16 - Manobo Western Bukidnon OT

¹⁶ Mibahin din te tetelu he grupu sikan is 300 he menge etew zin, ne mibeǥayan din is kada sevaha kandan te vudyung wey tivud he zuen sulù diyà te seled din.

Zatù 7:16 교차 참조

Genesis 14:15

Ne hein mezukilem, mibahin ni Abram te dezuwa he grupu is menge sundaru zin. Ne zutun midsurung dan is menge kuntada zan, ne nezaag dan heini. Ne haazà is menge kuntada zan ne mibpemelaǥuy midal-as eni Abram taman te inged he Hoba, he ziyà te zapit te egkezizaya te inged he Damascus.

2 Samuel 18:2

Ne impehipanew zin sikandan he tetelu he vahin. Si Joab is egalen te sevaha, si Abishai he suled ni Joab is egalen te ikezuwa, ne si Itai he tig-Gat is egalen te iketelu. Migkeǥiyan sikandan ni Hadì David te, “Iyan ad eduma keniyu te kebpekidtebek niw.”

Zatù 7:15

Ne hein nezineg ni Gideon haazà is teǥeinep wey is kehuluǥan din, ne midalig din is Nengazen. Ne midlikù sikandin diyà te kampu te menge Israilihanen ne migkeǥiyan din is menge zuma zin te, “Gaanggaan kew en, su ibpezaag kenitew te Nengazen is menge Midianhen.”

Zatù 7:17

Ne migkeǥiyan din sikandan te, “Emun diyè key en te dulunà te kampu te kuntada tew, bentayi a keniyu ne iringi niw is ebeelan ku.

1 Samuel 11:11

Meǥaan en egkepawà dutun te sunud he andew, ne mibahinbahin ni Saul is menge sakup din te tetelu he grupu. Ne hein utew pa meselem dutun, midsurung dan is kampu te menge Amunihanen ne mibpenhimetayan dan taman te meudtu. Is wazà mepatey kandan nemelaǥuy he tigselimbaha.