Zatù 7:14 - Manobo Western Bukidnon OT

¹⁴ Midtavak is sevaha te, “Wazè en duma he ibpesavut keniyan, kekenà, iyan is ispada ni Gideon te Israilihanen he anak ni Joash. Ibpezaag kandin te Megbevayà is menge Midianhen, wey sikitew en is langun.”

Zatù 7:14 교차 참조

Job 1:10

Idlikey nu te kezeetan sikandin wey is pemilya zin, ragkes en is langun he menge azen din. Edtuvazan nu is langun he ebeelan din, umbe mibmahabet is menge uyaǥen din diyà te tivuuk he tanà.

Numero 22:38

Midtavak si Balaam te, “Nekeuma ad. Piru wazè ku egkekaǥi ziyà te kenikew gawas te ibpekaǥi kedì te Megbevayà.”

Numero 23:20

Midsuǥù e zin he tuvazi ku is daan en he midtuvazan din, ne kenè ku en heini egkevelvelewanan.

Numero 23:5

Ne migkaǥi te Nengazen diyà te ki Balaam is ibpetuenan din, ke sikandin te, “Likù ka ziyà te ki Balak ne keǥiya nu kandin heini he menge lalag is migkaǥi ku.”

Josue 2:24

Migkaǥi sikandan te, “Tutuu iyan he imbeǥey kenitew te Nengazen is tivuuk he tanà. Is langun he etew zutun ne nengahandek kenitew.”

Josue 2:9

ne migkeǥiyan din sikandan te, “Netuenan ku he imbeǥey keniyu te Nengazen heini he tanà ne utew kew ingkahandek te menge etew kayi.

Josue 5:1

Netudtulan is langun he menge hadì he menge Amorihanen he ziyà te zapit te edsenlepan te Jordan wey is langun he menge hadì he menge Canaanhen he ziyà te veyvey te Mediteraneo ke mibmenumenu te Nengazen is kebpemezahi zin te Wahig he Jordan hein midlayun is menge Israilihanen. Umbe nengahandek sikandan ne naawà is kevurut dan te kebpekidtebek te menge Israilihanen.

Zatù 3:28

Migkeǥiyan din sikandan te, “Sunud kew kediey su ebpengelinteuwan te Nengazen he mezaag niw is menge Moabitanhen he menge kuntada niw.” Umbe midsunud sikandan kandin ne mid-aǥew zan is lugar he repasan te menge Moabitanhen diyà te Wahig he Jordan. Ne wazà minsan sevaha he etew he impelayun dan dutun.

Zatù 7:13

Ne hein dutun en ensi Gideon, duen nezineg dan he zezuwa he etew he ebpelelaǥà. Migkaǥi is sevaha te, “Neketeǥeinep a he zuen sevaha he supas he barli he metivurun he midlilid diyà te kampu tew ne neigù din is sevaha he tulda te menge Midianhen. Ne nepiley heini wey newaǥey.”

Zatù 7:15

Ne hein nezineg ni Gideon haazà is teǥeinep wey is kehuluǥan din, ne midalig din is Nengazen. Ne midlikù sikandin diyà te kampu te menge Israilihanen ne migkeǥiyan din is menge zuma zin te, “Gaanggaan kew en, su ibpezaag kenitew te Nengazen is menge Midianhen.”

1 Samuel 14:12

Ne zutun migkulahì dan si Jonatan wey kes sineriǥan din te gumaan, “Tekezeg kew kayi te kenami, su zuen ibpenurù dey keniyu!” Migkeǥiyan ni Jonatan kes tig-uwit te gumaan din te, “Sunud ka kedì su siguradu he ibpezaag en te Nengazen sikandan te Israel.”