Zatù 6:8 - Manobo Western Bukidnon OT

⁸ midsuǥù te Nengazen diyà te kandan is sevaha he ebpeneuven he migkaǥi ziyà te kandan te, “Iyan heini egkeǥiyen te Nengazen he Megbevayà te Israel: ‘Impegawas ku sikiyu ziyà te Ehipto he zutun kew uripena.

Zatù 6:8 교차 참조

2 Hadì 17:13

Layun ebpetizeeni te Nengazen is Israel wey Juda pinaaǥi te menge ebpeneuven din wey menge menenagnà he edhenduen: “Engkezi niw en is mezaat he menge vaal niw. Tumana niw is menge suǥù ku wey menge sulunuzen he ziyà te tivuuk he Kesuǥuan he impetuman ku te menge kepuun niw ne imbeǥey ku ziyà te keniyu pinaaǥi te menge suluǥuen ku he mibpenaub ku.”

Salmo 106:44

Piru ebpemineǥen gihapun sikandan te Megbevayà ke ebpengumew zan, ne edtevangan din gihapun sikandan te menge kelised dan.

Exodus 13:14

Dutun te huziyan he timpu, emun ed-insà is menge anak niw ke hengkey is ibpesavut dutun, ne ke sikiyu te, ‘Impeǥawas kiw te Nengazen puun diyà te Ehipto su midlibri kiw zin te kegkeuripena kenitew pinaaǥi te kegemita zin te ǥehem din.

Exodus 13:3

Ne migkeǥiyan ni Moises is menge etew te, “Tentenuzi niw heini he andew is andew te kebpeǥewasa keniyu ziyà te Ehipto, he zutun kew mengeuripen, ne tenged te kebpeǥewasa zin keniyu zutun pinaaǥi te mekeǥeǥehem he velad din. Kenè kew kaan te edtepayan.

Zatù 6:7

Dutun te kedtewaǥa zan te Nengazen,

Zatù 6:9

Midlibri ku sikiyu te pesipala te menge Ehiptohanen wey te langun he edlisedlised keniyu. Impezaag ku keniyu is menge kuntada niw, ne imbeǥey ku keniyu is menge tanè dan.

1 Samuel 10:18

Hein diyè dan en, midtudtul ni Samuel is migkaǥi te Nengazen, kes Megbevayà te Israel: “Impeǥawas ku sikiyu is menge Israilihanen puun te Ehipto; midluwas ku sikiyu puun te menge Ehiptohanen wey te langun he ginhedian he midaagdaag keniyu.