Zatù 6:5 - Manobo Western Bukidnon OT

⁵ Ebpekeuma zan he ed-uwit te menge tulda zan wey menge uyaǥen dan. Kenà egkevilang is kahabet dan ragkes is menge kemilyu zan. Ne nekeveǥey sikandan te kezeetan diyà te tanà te menge Israilihanen.

Zatù 6:5 교차 참조

Solomon 1:5

Menge vahi ziyà te Jerusalem, meitem a iring te tulda ziyà te Kedar, piru mekempet a iring te menge kurtina ziyà te turuǥan ni Solomon.

Isaias 13:20

Ne kenè en heini egkeubpaan minsan keenu. Wazà Arabo he ebangun te tulda zin dutun. Wey wazà daan ebantey te menge kerehidu he ebpepenabtab te menge kerehidu zin dutun.

Isaias 60:6

Ne sikew, Jerusalem, egkeeneb is menge tanè nu te menge kemilyu te menge tig-Median wey menge tig-Efa. Ne zuen menge etew ziyà te Sheba he ed-uwit te menge vulawan wey menge beyewà su ed-azap dan te Nengazen.

Jeremias 46:23

Minsan iring kezakel te menge kayu te mekepal he ketelunan is menge tig-Ehipto, egkezaag gihapun sikandan su is menge kuntada zan iring kezakel te terapan he kenà egkevilang.

Jeremias 49:29

Ne eǥawa is menge tulda wey menge ayam dan. Kuwaa is menge vutang dan wey menge kemilyu zan. Edhabet sikandan ebpemensag te, ‘Midliǥuyan kiw te mekahandek-handek he menge kuntada tew.’

Jeremias 49:32

Is menge kemilyu zan wey is langun he menge uyaǥen dan ne egkehimu he keniyu. Ibpeyapat ku ziyà te minsan hendei heini is menge etew he mibpen-elutan is dapit te kendingen dan, ne ibpeseǥazan ku kandan is kezeetan he ebpuun diyà te minsan hendei.

Jeremias 51:14

Nenangdù is Nengazen he Mekeǥeǥehem diyà te gehinawa zin, he ke sikandin te, “Ed-eneven ku te menge sundaru te menge kuntada nu he iring kezakel te terapan is tanè nu, ne egkulehien kew zan.”

Deuteronomio 28:33

Is menge etew he wazè niw mekilala ne iyan ebpekekaan te langun he hineǥuan niw, ne layun kew edluplupiǥa wey ibpaantus.

Zatù 7:12

Is menge Midianhen, menge Amalikanhen, wey zuma pa he menge etew he ebpuun diyà te edsilaan, migkampu ziyà te menge suǥud he henduen be te kahabet te terapan is kahabet dan. Is menge kemilyu zan henduen be te kahabet te pantad diyà te veyvey te zaǥat he kenà egkevilang.

Zatù 8:10

Dutun he timpu, si Zeba wey si Zalmuna diyà sikandan te Karkor zuma te menge sundaru zan. 15,000 zà is nesamà he menge sundaru he ebpuun te edsilaan. Menge 120,000 is nepatey kandan.

Zatù 8:21

Ne migkeǥiyan ni Zeba wey ni Zalmuna si Gideon te, “Maan is kenè ka iyan edhimatey kenami? Kenà ereg is batà he ebaal keniyan.” Umbe midhimetayan sikandan ni Gideon ne impekuwa zin is menge zayandayan diyà te lieg te menge kemilyu zan.

1 Samuel 30:17

Midsurung sikandan ni David duma is menge sakup din, ne dezuwa he kezukileman is kedtebek dan taman te mid-uman en maan mebmezukilem. Ne wazà minsan sevaha he nekepelaǥuy gawas te 400 he menge betan-en he nemen-untud te kemilyu he nemelaǥuy.