Zatù 6:11 - Manobo Western Bukidnon OT

¹¹ Dutun he timpu nekeuma is belinsuǥuen te Nengazen diyà te Ofra. Mibpinuu sikandin diyà te sihung te kayu he ulayan he ǥaked ni Joash te kevuwazan ni Abiezer. Dutun he timpu si Gideon he anak ni Joash egunas te trigu ziyà te seled te keresà te paras su para kenà maahà te menge Midianhen kes trigu.

Zatù 6:11 교차 참조

Genesis 16:7

Ne zutun naahà si Hagar te velinsuǥuen te Nengazen diyà te uvey te serebseb he ziyà te sibsivayan. Iyan haazà sikan is serebseb he ziyà te zalan pehendiyà te inged he Shur.

Genesis 48:16

Ne verakat he tuvazi zaan sikandan duen te velinsuǥuen he midlibri kedì te langun he menge kezeetan. Berakat he kenà a melipati wey is menge kepuun ku he si Abraham wey si Isaac. Berakat he mebmahabet utew is menge kevuwazan dan dini te kelibutan.”

1 Hadì 19:19

Ne migenat si Elias ne neehè din si Elisha he anak ni Shafat is ed-eradu. Duen 11 he paris te menge vaka ziyà te egkehunaan ni Elisha he id-eradu te menge zuma zin, ne iyan sikandin ed-eradu te ike-12 he paris. Mid-uvayan sikandin ni Elias, ne impesinabley ni Elias ki Elisha is samput ni Elias.

Isaias 63:9

Diyà te langun he menge elentusen dan, nekaantus daan sikandin, ne midlibri zin sikandan pinaaǥi te velinsuǥuen he mibpezayag diyà te etuvangan din. Tenged te kebmahala wey kegkehizuwi zin kandan midlibri zin sikandan; mid-etiman din sikandan seled te langun he andew zutun te nehuna he timpu.

Numero 26:30

Is menge kevuwazan ni Gilead iyan is menge pemilya eni Iezer, Helek,

Josue 17:2

Is tanà he ziyà dapit te edsenlepan te Wahig he Jordan, imbeǥey ziyà te zuma he menge kevuwazan ni Manase he iyan is menge pemilya ni Abiezer, Helek, Asriel, Shekem, Hefer, wey Shemida. Mibahinbahin heini ziyà te kada pemilya zan.

Josue 18:23

Avim, Para, Ofra,

Zatù 13:3

Duen timpu he mibpaahà te esawa zin is belinsuǥuen te Nengazen ne migkaǥi haazà te, “Taman en guntaan wazè nu pa anak. Iyan, kenà egkeuǥet ne ebmeǥingey ka ne ed-anak ka te maama.

Zatù 13:6

Midtudtulan duen te vahi is esawa zin. Ke sikandin te, “Mibpaahà kedì is suluǥuen te Megbevayà he henduen be te velinsuǥuen te Megbevayà. Migkulbaan a! Wazà a mekeinsà ke tighendei sikandin ne wazè din daan keǥiya ke hentei sikandin.

Zatù 5:23

Ne migkaǥi is belinsuǥuen te Nengazen te, “Edrewakan is Meroz! Ebpurungan edrewaki is menge meǥinged kayi su wazè dan medtavang hein ebpekidtebek is Nengazen te mekeǥeǥehem he menge etew.”

Zatù 6:12

Ne mibpaahà ki Gideon is belinsuǥuen te Nengazen ne migkaǥi te, “Sikew is mevurut wey mezesen he etew, duma nu is Nengazen.”

Zatù 8:2

Ne migkeǥiyan sikandan ni Gideon te, “Deisey zà is kedì he nehimu emun id-iring te keniyu he nehimu. Minsan is deisey he nehimu niw lavew pa te langun he nehimu te pemilya zey.

Zatù 9:5

Ne midhendiyà si Abimelec te valey te amey zin diyà te Ofra. Ne ziyà te zivavew te sevaha he vatu, mibpenhimetayan din sikan is 70 he menge suled din diyà te amey zin he si Gideon. Piru is tinengkezan he si Jotam wazà mulà mepatey su mid-eles sikandin.