Zatù 5:8 - Manobo Western Bukidnon OT

⁸ Hein mid-azap sikandan te veǥu he menge ed-ezapen, nehitavù is tebek diyà te tivuuk he Israel. Piru te 40,000 he menge Israilihanen ne wazà minsan sevaha kandan he zuen din kelasag etawa vangkew.

Zatù 5:8 교차 참조

Jeremias 19:4

Umbe ebeelan ku heini, su inselikwey a te menge etew ku, ne heini he suǥud-suǥud midhimu zan he pemuhatà te menge pemuhat he edtutungen he para te zuma he menge ed-ezapen. Menge ed-ezapen he wazè dan ganì mekilala wey minsan is menge kepuun dan wey is menge hadì diyà te Juda ne wazà mekekilala. Ne ebpenhimatey pa sikandan te wazè pa hanew he menge vatà kayi he lugar.

Zatù 2:12

Mid-iniyuǥan dan is Nengazen, he Megbevayà te menge kepuun dan, he iyan mibpeǥawas kandan diyà te Ehipto. Midsunud dan wey mid-azap dan is nekedseselekawà he ebpen-ezapen te menge etew he nekeelingkus kandan. Mibeelan dan is igkepauk te Nengazen.

Zatù 2:17

Piru wazè dan pemineǥa is menge pengulu zan. Kekenà, mid-iniyuǥan dan is Nengazen ne mid-azap dan is duma he menge ed-ezapen. Kenè dan iring te menge kepuun dan su utew zà melemu ziyà te kandan is ked-iniyug te menge suǥù te Nengazen he midtuman mulà dengan te menge kepuun dan.

Zatù 4:3

Si Jabin duen din 900 he kerwahi he menge putew. Ne utew zin midlisedlised is menge Israilihanen seled te 20 he tuig. Umbe mibuyù en maan te tavang is menge Israilihanen diyà te Nengazen.

Zatù 5:11

Pemineǥa niw is edseysayen te menge etew he ebpemenliǥuy ziyà te menge teheb. Edseysayen dan is kezeeǥan te Megbevayà pinaaǥi te menge sundaru zin diyà te Israel. Ne midhendiyà is menge etew te Nengazen te pultahan te inged he ke sikandan te,

Zatù 5:7

Wazè en egkesuat he ed-ubpà diyà te Israel, taman te kebpekeuma nu, Debora, te migkilala he iney te menge Israilihanen.