Zatù 5:22 - Manobo Western Bukidnon OT

²² Ne egkezineg is debakdebak te menge kudà.

Zatù 5:22 교차 참조

Job 39:19

“Job, iyan ke ve mibeǥey te kudà te zesen? Iyan ke ve mibeǥey te keburey ziyà te lieg din?

Salmo 20:7

Emun duen tebek, is duma edsarig te menge kerwahi zan, ne is duma pa ne edsarig te menge kudè dan, iyan, sikami mulà, iyan edseriǥan dey is Nengazen he iyan Megbevayè dey.

Salmo 33:17

Kenà tenged te menge kudà is kebpekesiguru te kebpekezaag te tebek. Kenà ebpekelibri is kezesen dan.

Isaias 5:28

Merewidit is basut te menge panè dan ne naandam en is menge panè dan. Is sulu te menge kudè dan iring te utew mezesen he vatu, henduen be te eribpures is kegketileng te ligid te menge kerwahi zan.

Jeremias 47:3

Egkezineg dan is keǥurub te menge kerwahi wey dabekdabek te menge kudà. Is menge amey kenè dan en edlilingayen te edtavang is menge anak dan. Edluyahan sikandan.

Jeremias 47:4

Su neume en is timpu he edezeetan is langun he menge Filistihanen duma te menge kezapig dan he ebpuun diyà te Tyre wey Sidon. Edezeetan te Nengazen is menge Filistihanen, is menge etew he ebpuun diyà te isla te Caftor.

Jeremias 8:16

Is mezaǥing he herìhian te menge kudà te menge kuntada tew iyan nezineg tew ziyà te Dan. Minsan herìhian dà dutun te menge kudè dan egkahandek kiw en is langun he meǥinged kayi he tanà. Nekeuma zan su edezeetan dan heini he tanà wey is menge netaǥù kayi–is menge inged wey is langun he menge meǥinged kayi.’ ”

Ezekiel 27:14

Ne is inliwà te menge tig-Bet Togarma te menge velegyè nu ne menge kudà he para te idterebahu wey para te tebek, wey menge mulà.

Micas 4:13

“Sikiyu is menge meǥinged diyà te Zion, genat kew en ne zèdeeti niw is menge kuntada niw he iring te egunas kew te menge pungu. Su edhimuwen ku sikiyu he iring te tudu he vaka he putew is menge sungey zin ne brunsi is menge sulu zin. Edrunteken niw is mahabet he menge etew ziyà te menge nasyun he midtiǥum te kebpekidtebek keniyu. Ne is menge ketiǥeyunan dan he nekuwa zan pinaaǥi te kebpesipala ne idhalad niw kayi te kedì te Nengazen he iyan ebayàbayà te tivuuk he kelibutan.”