Zatù 5:14 - Manobo Western Bukidnon OT

¹⁴ Is duma kandan ebpuun diyà te Efraim he lugar he ǥaked dengan te menge Amalikanhen. Ne midtinundug kandan is tribu ni Benjamin. Midtupang is menge peremandar he ebpuun te pemilya ni Makir, wey is menge upisyal he ebpuun te tribu ni Zebulun.

Zatù 5:14 교차 참조

Genesis 35:22

Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.

Genesis 35:23

Is menge anak din diyà te ki Lea ne iyan si Reuben, is kakey, ne sunud si Simeon, si Levi, si Juda, si Isacar, wey si Zebulun.

Genesis 35:24

Is menge anak din diyà te ki Raquel, ne iyan si Jose wey si Benjamin.

Salmo 68:27

Edhuna is deisey he tribu ni Benjamin, ne iyan edtinundug is menge pengulu te Juda duma is menge grupu zan, ne edtinundug kandan is menge pengulu te Zebulun wey Naftali.

Hoseas 5:8

“Ipezaǥing niw is menge vudyung wey menge trumpita su wey mekepengandam is menge etew ziyà te Gibea wey Rama! Ipezineg niw ziyà te Bet Aven is kulehian para te kebpekidtebek! Pengandam kew is menge etew te Benjamin!

Zatù 12:15

Ne hein minatey en si Abdon, inleveng sikandin diyà te Piraton, diyà te vuvungan te Efraim, he tanà dengan te menge Amalikanhen.

Zatù 3:13

Pinaaǥi te tavang te menge Amunihanen wey menge Amalikanhen, midsurung ni Eglon is menge Israilihanen, ne mid-aǥew zin is inged he Jerico.

Zatù 3:27

Kebpekeuma zin, mibpezaǥing sikandin te vudyung diyà te vuvungan te Efraim su ed-umawen din is menge Israilihanen su ebpekidtebek dan. Ne midtupang puun dutun te vuvungan is menge Israilihanen he ebpenguluwan ni Ehud.

Zatù 4:10

Ne zutun impehendiyà ni Barak te Kedesh is menge tribu ni Naftali wey ni Zebulun, ne 10,000 kandan is miduma kandin. Elin daan miduma si Debora.

Zatù 4:14

Ne migkeǥiyan ni Debora si Barak te, “Genat ke en, su iyan heini andew he ebpengelinteuwan te Nengazen he mezaag nu si Sisera. Ebpetelihuna kenikew is Nengazen.” Umbe midtupang si Barak dutun te Buntud he Tabor zuma sikan is 10,000 he menge sundaru zin.

Zatù 5:13

Is nesamà he menge uuyag he menge etew te Nengazen midtupang dan duma kedì te kedsurung te dungganen wey gemhanan he menge etew.